Hussein Onn

Hussein Onn
Irudi gehiago
Defentsa ministroa 1979 - 1981eko uztailaren 16a 3. Malaysiako Lehen Ministroa 1976ko urtarrilaren 15a - 1981eko uztailaren 16a ← Abdul Razak Hussein - Mahathir Mohamad → Malaysian National Council for Islamic Religious Affairs chairman (en) 1976ko urtarrilaren 15a - 1981eko uztailaren 16a Defentsa ministroa 1976 - 1978 Minister of Finance 2 (en) 1974 - 1976 3. Malaysiako Lehen Ministrordea 1973ko abuztuaren 13a - 1976ko urtarrilaren 15a ← Ismail Abdul Rahman (en) - Mahathir Mohamad → Member of the Dewan Rakyat (en)
Bizitza
Jaiotza	Johor Baharu, 1922ko otsailaren 12a
Herrialdea	Malaysia
Heriotza	Daly City, 1990eko maiatzaren 29a (68 urte)
Heriotza modua	: gaixotasun kardiobaskularra
Familia
Aita	Onn Jaafar
Ezkontidea(k)	Suhailah Mohamed Noah (en)
Hezkuntza
Heziketa	Indian Military Academy (en)
Jarduerak
Jarduerak	politikaria eta abokatua
Sinesmenak eta ideologia
Erlijioa	islama
Alderdi politikoa	United Malays National Organisation (en)

Hussein bin Dato' Onn (Johor Baharu, Malaysia, 1922ko otsailaren 12a - South San Francisco, Kalifornia, 1990eko maiatzaren 28a) politikaria izan zen.

Bizitza

Nekazari-familia aberats bateko semea zen, eta zuzenbide eta ekonomiako ikasketak egin zituen Londresko Unibertsitatean. Bigarren Mundu Gerraren hasieran britainiar armadan sartu zenean, Pazifikoko fronteetan borrokatu zen japoniarren aurka eta Malaysiaren askatasunaren alde. Gerra ostean, Malaysiako politikan eragin handia izan zuen, bere herriaren independentzia bultzatzen lagundu baitzuen.

1947an Gazteriaren Elkarte Nazionala sortu zuen, eta Malaysiar Batasuneko Erakunde Nazionaleko idazkari nagusi aukeratu zuten. 1948tik 1957ra bitartean, Estatuko kontseiluko kide izan zen, eta 1960-1968 epean, bere herriko enbaxadore Londresen. Ondoren, Malaysiara itzuli zenean, Hezkuntzako ministro izan zen (1970), eta 1974an Ekonomia eta Finantzetakoa eta Gobernuko presidenteorde. Bi urte geroago, lehen ministro kargura igo zen, eta Defentsako ministro ere izan zen, aldi berean. 1977an, islamiar gobernu autonomikoaren esku zegoen eta gerrillari komunistek beren mende zuten Kelantan lurraldearen sezesioaren arazoari aurre egin behar izan zion. Horretarako, Thailandiarekin itun militar bat sinatu zuen. 1978an bere alderdiak, Fronte Nazionalak, hauteskundeak irabazi zituenean, bere karguan berretsi zuten. 1981ean utzi behar izan zuen, ordea, bihotzekoak eman ondoren, bere osasun-egoera kaskarra zela-eta.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

• Datuak: Q529391
• Multimedia: Hussein Onn / Q529391