Wuhango metroa

Metro sareak 2014ko abenduan zeukan itxura.

Wuhango metroa (txinera sinplifikatuz: 武汉轨道交通; pinyineraz: Wǔhàn Guǐdào Jiāotōng), lur azpitik eta gainetik doan Txinako Herri Errepublikako Wuhan hiriko garraiobidea da. Lehen linea, Hankou Barrutian kokatua, 2004ko irailaren 28an zabaldu zen, eta ordutik erabilitako trenak metro arinarenak dira. Etorkizunean, garraio eskaria eta metro sarea handitzean, tren handiago eta luzeagoak jarriko dira.

Udalak 2008an onartutako plangintzaren arabera, hamabi linea eta 530 kilometroko metro sarea eraikiko da.

Lineak

WUHANGO METROA
Linea	Ibilbidea	Luzera (km)	Geltokiak	Zabaltze data	Azken luzapena	Maiztasuna (min)
1	Dijiao - Jinshan Dadao	28,9	25	2004	2010
2	Jinyintan - Guanggu	28,0	21	2012
4	Wuchan tren geltokia - Wuhango tren geltokia	16,5	15	2013

1. linea

Lehen lineak 10,2 kilometro eta hamar geltoki zituen 2004an zabaldu zenean. Hankou Barrutian zehar hedatzen da, eta gaur egungo geltokiak honakoak dira: Zongguan, Taipingyang, Qiaokoulu, Chongrenlu, Lijibeilu, Youyilu, Jianghanlu (etorkizuneko 2. linearen lotunea), Dazhilu, Sanyanglu, Huangpulu.

Lehen linea luzatzeko lanak 2007an hasi ziren, eta 2010eko uztailaren 26an hamasei kilometro zabaldu ziren.

2. linea

Bigarren linearen ibilbide gehiena lur azpikoa izango da, eta hiria ipar-mendebaldetik hego-ekialdera zeharkatuko du Hankou eta Wuchang bitartean.

Linea 2012ko abenduaren 28an zabaldu zen.

4. linea

Laugarren linearen ibilbidea ekialdetik mendebaldera zeharkatuko du hirigunea, Hanyang eta Wuchang Barrutien artean. Linea hau ere, 2013an zabaltzea espero da.

Etorkizuneko egitasmoak

3. 5. 6. eta 7. lineen ibilbidea aztertzen ari dira hiriko arduradunak.

Ikus, gainera

• Txinako Herri Errepublikako metroen zerrenda

Kanpo estekak

• (Txineraz) Wuhango metroaren webgune ofiziala.
• (Ingelesez) Wuhango metroaren ibilbidea Urbanrail.net webgunean.
• (Txineraz) Wuhango metroak etorkizunean izan lezakeen itxura.

• Datuak: Q1660441
• Multimedia: Wuhan Metro / Q1660441