Sansir

Seafood Expo Global 2025 er byrjað 🇪🇸🐟 Ein partur av Sansir toyminum er í hesum døgum í Barcelona, har stóra altjóða fiskivinnustevnan, Seafood Expo Global heldur til. Vit eru errin av at aftur í ár at hava ábyrgdina av føroyska landabásanum – frá sniðgeving og uppsetan til tænastuveiting fyri føroysku fyritøkurnar. Vit gleða okkum til nakrar spennandi og innihaldsríkar dagar saman við okkara samstarvsfeløgum og viðskiftafólki 🤩

Seafood Expo Global 2025 er byrjað 🇪🇸🐟 Ein partur av Sansir toyminum er í hesum døgum í Barcelona, har stóra altjóða fiskivinnustevnan, Seafood Expo Global heldur til. Vit eru errin av at aftur í ár at hava ábyrgdina av føroyska landabásanum – frá sniðgeving og uppsetan til tænastuveiting fyri føroysku fyritøkurnar. Vit gleða okkum til nakrar spennandi og innihaldsríkar dagar saman við okkara samstarvsfeløgum og viðskiftafólki 🤩

Vinnan vitjar Glasir 💼 🏫 Í farnu viku varð árliga tiltakið “Vinnan vitjar Glasir” hildið, har næmingar á miðnámi fáa høvi at hitta og práta við fyritøkur úr ymsum vinnugreinum. Umboð frá Sansum vóru til staðar og fingu møguleikan at greiða næmingunum nærri frá okkara fjølbroytta gerandisdegi, og hvussu vit arbeiða við m.a. marknaðarføring, branding og sniðgeving. Slík tiltøk eru umráðandi, tí tey binda útbúgving og vinnulív saman. Tey geva næmingum innlit í framtíðar møguleikar og okkum eina kenslu av, hvat vekir áhugan millum tey ungu. Takk til fyriskipararnar fyri eitt væleydnað tiltak, og takk til allar næmingarnar fyri forvitni og góð prát 🙌 📸 Ólavur Frederiksen (Faroe photo)

Barbara Maria Lamhuage er nýggj í nevndini í vinnugreinafelagnum Samskifti. Hósdagin 3. apríl var aðalfundur í felagnum, og allir nevndarlimirnir stóðu fyri vali. Tór Verland Johansen tók ikki við afturvali. Tey, sum manna nevndina í Samskifti, eru: ● Michael Koba, KOVBOYFILM ● Rókur Jákupsson Jakobsen, VIRKA marknaðarføroyingar ● Niels Uni Dam, Nudlavirkið ● Barbara Maria Lamhuage, Sansir Nevndin skipar seg á næsta nevndarfundi. Les meira um Samskifti: https://lnkd.in/d37W_xeV

Fríggjadagin 21. mars høvdu vit vitjan av Hugskotið.🤩🥐 Tá Hugskotið var á virkisútferð í farnu viku, vóru vit so heppin at fáa tey á gátt. Vit greiddu frá virkseminum hjá Sansum – heilt frá byrjanini í 1997 og til dagin í dag, 2025 – og hvussu vit áhaldandi hava megnað at tillaga okkum til broytiligar umstøður og skiftandi tørv. Vit tosaðu eisini um okkara kreativu tilgongd til branding, sniðgeving og markaðarføring, og hvussu vit saman við kundum finna fram til tær bestu loysnirnar – hvørja ferð. ✨ Takk fyri vitjanina, Hugskotið – altíð stuttligt at deila tað, vit brenna fyri!

Takk fyri vitjanina Hugskotið.🤩

Bogi Midjord er nýggjur ráðgevi á Sansum! 🥳 Bogi er ein royndur ráðgevi, ið er útbúgvin innan business administration og e-commerce, við serligum fokus á marketing og digital strategies. Seinastu árini hevur hann starvast í Danmark, og framyvir verður hann partur av ráðgevandi toyminum á Sansum. Vit kenna okkum sera heppin at kunna bjóða Boga hjartaliga vælkomnan!

Branding er ein góð langtíðaríløga, ið eigur at verða raðfest í leiðsluni. 28. februar vóru vit til eitt áhugavert tiltak í nýggju konferansuhølinum í stórhøllini Við Tjarnir. Høvið var hjá øllum, ið arbeiða innan branding, marknaðarføring og HR, at finna sær íblástur og netverka. Á skránni vóru áhugaverdir fyrilestrar og sofaprát, umframt at heiðursmerki vórðu handað Føroya Bestu Vørumerkjum 2024. 🥳 Fridrik Larsen PhD greiddi frá, hvussu branding sæst aftur á botnlinjuni. Síðani greiddi Rúna Niclasardóttir Rasmussen Føroya Banki frá, hvussu starvsfólkabranding er lykilin til at draga til sín og varveita røttu starvsfólkini. Til seinast hoyrdu vit Óttar Örn Sigurbergsson greiða frá, hvussu ELKO megnaði at røkka síni visjón um at hava glaðastu kundarnar í Íslandi. Hjartaliga tillukku til Føroya Bestu Vørumerki 2024, Fjord, Smyril Line og Bakkafrost! 🎉

Fríggjadagin vóru vit til áhugavert Heimleiðistiltak hjá Felagnum Samskifti í Vinnuhúsið - House of Industry, har høvi var at hittast við øðrum í samskiftisvinnuni og at kunna seg um viðkomandi viðurskifti innan samskiftisvinnuna. 💡 Michael Koba & Pál Weihe hugleiddu um kreativitet og góðar vanar at fyribyrgja stress í einum gerandisdegi við nógvari ferð. Síðani greiddi Rannvá Sólheim, Brúkaraumboðið, frá um viðkomandi greinar í lógini, sum ofta verða avbjóðaðar í føroyskari marknaðarføring.

✨Erna Tummasardóttir Magnussen er nýggjur sniðgevi á Sansum.✨ Erna er 24 ára gomul, hevur júst lokið prógv sum miðlagrafikari og fer framyvir at verða partur av kreativa toyminum hjá okkum. Vit kenna okkum sera heppin at kunna bjóða Ernu hjartaliga vælkomna og gleða okkum til, saman við henni, at veita enn fleiri kreativar loysnir til okkara kundar. 🎉