Sicín
| Gallus gallus domesticus | |
|---|---|
| Taifead | |
| Sonraí | |
| Is foinse é an tacsón seo de | brollach sicín, circeoil agus ubh shicín |
| Tacsanomaíocht | |
| Aicme | Aves |
| Ord | Galliformes |
| Fine | Phasianidae |
| Géineas | Gallus |
| Fospeiceas | Gallus gallus domesticus |
Is éan clóis é an sicín. Is baill d'fhine na Phasianidae iad na sicíní. Gallus gallus domesticus a thugtar orthu mar ainm eolaíoch. Sa bhliain 2003, bhí breis is 24 billiún sicín ann ar fud an domhain.
Tugtar coileach ar an bhfireannach agus tugtar cearc ar an mbaineannach.
Tréithe
Eitilt
Cé go n-úsáideann formhór na n-éan a n-eití chun eitilt, níl sicíní rómhaith ag eitilt. Tá siad in ann eitilt go dtí a bpéirsí nó thar an claí ach den chuid is mó den am, fanann siad ar an talamh. Tá lachain agus géanna go maith ag eitilt. Má tá siad ina gcónaí i gcró atá oscailte ar barr, bíonn ar an bhfeirmeoir cléití eite amháin a bhearradh ionas nach mbeidh siad in ann eitilt as an gcró. Tá an bearradh cleití seo mar bhearradh gruaige agus ní ghortaíonn sé an t-éan.[1]
Comparáid
Tá sicíní agus turcaithe cosúil lena chéile maidir le dhá phríomhthréith. Tá cosa ar a dtugtar crúibíní ag an dá cheann acu. Tá na crúibíní seo an-láidir agus úsáideann siad iad chun tochailt sa chré chun bia a fháil. Ina theannta sin tá goba géara ag an dá cheann acu chun bheith ag gobadh ar fheitheidí agus ar ghráinní.[1]
Seanfhocail agus nathanna cainte
Cearc
- Is minic ubh mhór ag cearc bheag.
- Is trom cearc i bhfad.
- Chuirfeadh sé cosa faoi chearca duit.
- Chomh salach le teach na gcearc.
- Is olc an cearc ná scríobfaidh do féin.
- Is maith an cearc ná beireann amuigh.
Coileach
- Glaonn gach coileach go dána ar a atrainn fhéin.
Sicín
- Ní féidir ceann sicín a chur ar sheanchearc.
- Sicín fómhair, Dónaillín geimhridh
Féach freisin
Tagairtí
- ↑ 1.0 1.1 agriaware.ie. "Bia ón bhfeirm". Cartlannaíodh an bunleathanach ar 2023-06-18. Dáta rochtana: 2023.