-Ногоон Улаанбаатарын төлөө хамтдаа-

Тавдугаар сар 20-ны өдөр Үндэсний цэцэрлэгт хүрээлэнд "Монгол Тулгатны Зуун Эрхэм"-ийн төгөл бий боллоо.

Тэргүүн хамба лам Д.Чойжамц, ШУ-ны гавъяат зүтгэлтэн, академич, доктор профессор, хуульч С.Нарангэрэл, Монгол Улсын Хөдөлмөрийн Баатар, Ардын жүжигчин, дуурийн дуучин Г.Хайдав, Соёлын Гавъяат Зүтгэлтэн, сэтгүүлч Д.Амбасэлмаа, Монгол Улсын Төрийн Соёрхолт, Ардын жүжигчин, Гавьяат жүжигчин, Зууны манлай циркийн жүжигчин Б.Норовсамбуу, Зууны манлай дуурийн эмэгтэй дуучин, Ардын жүжигчин, Төрийн шагналт дуучин Х.Уртнасан, Монгол улсын ардын багш, доктор, профессор С.Галсан, Төр, нийгмийн зүтгэлтэн Ц.Лоохууз хэмээх хүндэт эрхмүүд төглийн анхны моддыг тарилаа.

Цаашид эрхмүүд төглийг үргэлжлүүлэн мод тарих ажээ.

Мөн тус өдөр Азийн залуучуудын чуулга уулзалтыг зохион байгуулж буй Монголын залуучуудын холбоо уулзалтанд хүрэлцэн ирсэн төлөөлөгчдийнхөө хамт УБ хотын хамгийн анхны бөгөөд хамгийн том Үндэсний цэцэрлэгт хүрээлэнгийн ногоон байгууламжинд хувь нэмрээ оруулж мод тарьсан юм.

ЦЕГ-ын мэдээлэл, шуурхай удирдлагын төвийн хамт олон таван жилийн ойн баяртаа зориулан мод тарих үйлсэд нэгдсэн байна.