Hassan Al-Haidos
| Nome orixinal | (ar) حسن الهيدوس | ||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Biografía | |||||||||||||||||||||||||||||||||||||||||||||||||||
| Nacemento | 11 de decembro de 1990 Doha, Qatar | ||||||||||||||||||||||||||||||||||||||||||||||||||
| Altura | 174 cm | ||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||
| Período de actividade | 2007 | ||||||||||||||||||||||||||||||||||||||||||||||||||
| Nacionalidade deportiva | Qatar | ||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||
| Posición de xogo | Extremo esquerdo | ||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||
| Participou en | |||||||||||||||||||||||||||||||||||||||||||||||||||
| 2015 | Copa de Asia de 2015 |
||||||||||||||||||||||||||||||||||||||||||||||||||
Hassan Khalid Hassan Al-Haidos (en árabe: حسن خالد حسن الهيدوس), nado en Doha o 11 de decembro de 1990, é un futbolista qatarí, que xoga de dianteiro. É o futbolista con máis partidos na historia tanto do Al Sadd (401) como da selección de Qatar (163). Formado na canteira do propio Al Sadd, militou durante toda a súa carreira en dito club, do que é ademais o capitán e o segundo máximo goleador histórico (con 115 tantos), e co que gañou numerosos títulos dende o seu debut aos 17 anos, incluída unha Liga de Campións da AFC. Internacional absoluto dende 2008 é tamén o capitán da selección, coa que gañou varios torneos, entre eles unha Copa Asiática.
Traxectoria
Comezou a xogar ao fútbol no Al Sadd aos oito anos, avanzando polas categorías inferiores ata que chegou ao primeiro equipo aos 17 anos. Tivo apoio e orientación desde o principio do histórico centrocampista do club, Jafal Rashed Al-Kuwari.[1]
Na tempada do seu debut gañou a súa primeira liga qatarí, á que sumou outras catro nos seguintes anos, así como varios títulos máis noutras competicións. En 2011 disputou a final da Liga de Campións da AFC contra o Jeonbuk e foi o encargado de realizar o segundo lanzamento na quenda de penaltis, anotando e contribuíndo así á consecución do título para o seu equipo. Con esta vitoria o equipo logrou a clasificación para a Copa Mundial de Clubs da FIFA como representante de Asia e no partido polo terceiro posto contra o Kashiwa Reysol Al-Haidos marcou de novo o seu lanzamento na quenda de penaltis, gañando por 5-3 despois de que o partido rematase sen goles no tempo regulamentario.[2]
Foi votado como o "Xogador Qatarí do Ano" en 2014 nunha enquisa realizada pola revista Doha Stadium, recibindo 58 de 104 votos dun xurado de analistas, adestradores e administradores.[3]
Selección nacional
En 2007 debutou coa selección olímpica de Qatar, saíndo dende o banco e marcando un gol contra o Xapón na fase de clasificación para os Xogos Olímpicos de 2008.[4] Participou noutros dous partidos da competición, marcando outro gol. Tamén xogou un papel importante na fase de clasificación para os Xogos Olímpicos de 2012, aínda que finalmente non conseguiu o pase ao torneo olímpico.
Fixo o seu debut coa selección absoluta de Qatar nun partido de clasificación para o Mundial de 2010 contra Bahrain o 10 de setembro de 2008.[5] Convertido nun fixo dende entón no equipo nacional, disputou 163 partidos e marcou 33 goles, o que o converte no futbolista con máis partidos da historia da selección e no seu quinto máximo goleador.[6]
Disputou tres Copas Asiáticas, nos anos 2011, 2015 e 2019, e na última delas capitaneou o equipo qatarí ata o seu único título na competición, derrotando na final ao Xapón.[7] Participou ademais nos Xogos Asiáticos de 2010, na Copa América de 2019 e na Copa de Ouro da CONCACAF 2021, na que perdeu nas semifinais ante os Estados Unidos.[8]
- Qatar
Palmarés
- Al Sadd
- Liga de Qatar (5): 2006/07, 2012/13, 2018/19, 2020/21, 2021/22.
- Copa do Emir de Qatar (4): 2007, 2014, 2015, 2017.
- Copa do Príncipe Herdeiro (4): 2007, 2008, 2017, 2020.
- Copa do Xeque Jassim (4): 2007, 2014, 2017, 2019.
- Copa das Estrelas de Qatar (1): 2010.
- Liga de Campións da AFC (1): 2011.
- Selección de Qatar
- Copa Asiática (1): 2019.
- Copa de Nacións do Golfo (1): 2014.
Notas
- ↑ "حسن الهيدوس: نجاحات جفال لن تتوقف عند تركه اللعب" (en árabe). 27 de febreiro de 2009. Arquivado dende o orixinal o 17 de xullo de 2012. Consultado o 7 de xullo de 2022.
- ↑ "Al Sadd beat Kashiwa Reysol for third place in Club World Cup"." (en árabe). 18 de decembro de 2011. Arquivado dende o orixinal o 13 de setembro de 2012. Consultado o 7 de xullo de 2022.
- ↑ "استاد الدوحة: الهيدوس أفضل لاعب في 2014" (en árabe). 5 de xaneiro de 2015. Arquivado dende o orixinal o 6 de xaneiro de 2015. Consultado o 7 de xullo de 2022.
- ↑ "Qatar beats Japan 2-1 in Olympic qualifier" (en inglés). 18 de outubro de 2007. Arquivado dende o orixinal o 07 de xullo de 2022. Consultado o 7 de xullo de 2022.
- ↑ "HASSAN AL HAYDOS". FIFA (en inglés). Arquivado dende o orixinal o 21 de setembro de 2015. Consultado o 7 de xullo de 2022.
- ↑ "The Highest Cap Scorer" (en inglés). 26 de xullo de 2020. Consultado o 7 de xullo de 2022.
- ↑ "Qatar campeón y Japón vicecampeón de la Copa Asia 2019". Confederación Suramericana de Fútbol (en castelán). 1 de febreiro de 2019. Consultado o 8 de xullo de 2022.
- ↑ "Qatar 0-1 Estados Unidos". CONCACAF (en inglés). Consultado o 8 de xullo de 2022.
Véxase tamén
Ligazóns externas
- Datos do xogador no sitio web do Al Sadd (en inglés).
- Datos do xogador no sitio web da Liga Qatarí (en inglés). Arquivado dende o orixinal o 3 de abril de 2012.