Yojimbo

Yojimbo
	Póster do filme.
Ficha técnica
Título orixinal	用心棒 Yōjinbō
Director	Akira Kurosawa
Produtor	Ryuzo Kikushima, Akira Kurosawa, Tomoyuki Tanaka
Guión	Akira Kurosawa; Ryuzo Kikushima
Intérpretes	Toshirō Mifune; Tatsuya Nakadai; Seizaburō Kawazu; Kyu Sazanka; Eijirō Tōno
Música	Masaru Satō
Fotografía	Kazuo Miyagawa, Takao Saito
Montaxe	Akira Kurosawa
Estudio	Toho
Distribuidora	Toho Company Ltd.
Estrea	25 de abril de 1961
Duración	110 min.
Orixe	Xapón
Xénero	Acción, Drama
Na rede

Este artigo amosa escritos xaponeses. Sen o soporte axeitado, o texto pode mostrar símbolos sen sentido, coma caixas, marcas e outros.

Yojimbo (用心棒, Yōjinbō^?) (lit. "gorila"; gardacostas, en sentido coloquial) é un filme xaponés dirixido por Akira Kurosawa que se estreou en 1961. Está protagonizado por Toshirō Mifune, Tatsuya Nakadai, Seizaburō Kawazu e Kyu Sazanka. Ambientada no Xapón do século XIX durante o Shogunato Tokugawa, conta a historia dun rōnin que chega a unha vila onde dous xefes do crime se enfrontan pola supremacía.

Sanjuro (1962), influenciada polo éxito de Yojimbo, foi modificada para caracterizar un personaxe principal similar ó da súa predecesora.

Sinopse

É o ano 1860, durante a época na que o shogunato Tokugawa está chegando á súa fin. Un rōnin, ou samurai sen amo, anda deambulando ata chegar a unha pequena cidade dividida pola guerra entre dúas bandas criminais, nunha manda Seibei e na outra Ushitora. Ushitora fora noutrora a man dereita de Seibei; a confianza deteriorouse cando Seibei determinou que o sucedería seu fillo Yoichiro.

Tazaemon, o comerciante de seda e alcalde, volve por Seibei; mentres Tokuemon, o cervexeiro, é partidario de Ushitora. Gonji, o propietario dunha pousada, aconsella ó forasteiro que se marche mentres poida, mais o rōnin pensa tirar proveito da situación.

Personaxes

Toshiro Mifune como Kuwabatake Sanjuro, o forasteiro
Eijirō Tōno como Gonji, propietario da pousada
Seizaburo Kawazu como Seibei
Kyū Sazanka como Ushitora
Takashi Shimura como Tokuemon, o cervexeiro
Kamatari Fujiwara como Tazaemon, o alcalde
Tatsuya Nakadai como Unosuke

Conflitos de autor

Sergio Leone filmou Por un puñado de dólares no 1964, un remake protagonizado por Clint Eastwood, e non pagou os dereitos de autor. Tivo problemas legais; iniciouse un xuízo entre os produtores do filme xaponés de Kurosawa e a produtora de Leone. O director xaponés reclamaba a autoría do guión xunto a Ryuzo Kikushima; o xuízo resultou favorable á produtora xaponesa, atrasando dous anos a estrea da película de Leone nos Estados Unidos.

Véxase tamén

Ligazóns externas

Yojimbo (El mercenario), ficha da película en filmaffinity.
Yojimbo (1961), ficha da película en IMDb.