Colias alfacariensis

Colias alfacariensis
Clasificación científica
Reino: Animalia Filo: Arthropoda Clase: Insecta Orde: Lepidoptera Suborde: Glossata Infraorde: Heteroneura División: Ditrysia Sección: Rhopalocera Familia: Pieridae Subfamilia: Coliadinae Xénero: Colias Especie: C. alfacariensis
Nome binomial
'Colias alfacariensis' Ribbe, 1905
Sinonimia
Colias sareptensis Staudinger, 1871 Colias australis Verity, 1911

A Colias alfacariensis é unha especie de insecto lepidóptero da familia Pieridae, que foi descrita orixinalmente, como unha variedade de Papilio hyale, por Ribbe, en 1905, en Alfacar (España). O entomólogo Verity describiuna de forma independente en 1911, baixo o nome de Colias australis, nome co que foi coñecida durante bastante tempo.

Descrición

Ás anteriores de cor amarela limón no seu anverso, con fimbrias rosadas, cun punto negro e bandas de igual cor. Reverso lixeiramente alaranxado con puntos prateados, moi visibles, no extremo da cela. As ás posteriores teñen un punto alaranxado. A femia ten un ton branco-verdoso, co reverso similar. Esta especie é moi similar á Colias croceus.

• 
  Colias alfacariensis ♀
• 
  Colias alfacariensis ♀ △

Reprodúcese tres veces ao ano (aproximadamente en abril, xullo e outubro), sendo a última das xeracións moito máis reducida que as dúas anteriores. A posta realízase sobre follas de Hippocrepis.

Distribución e hábitat

É unha especie estendida por toda a rexión paleártica. En España e Portugal é moi frecuente, sobre todo no sur. Adoita vivir en zonas de aciñeiras, e ladeiras asolladas, a certa altura (1.500-1.800 m). As poboacións non adoitan formar poboacións densas, pois é unha especie de carácter solitario. É moi usual nos macizos montañosos de tipo calizo de Andalucía Oriental, sobre todo na serra de Huétor, onde foi descrita por primeira vez, e menos abundantes en montañas máis elevadas, como Serra Nevada.

Véxase tamén

Bibliografía

Olivares, Francisco Javier; Barea-Azcón, José Miguel e outros (2011): Las mariposas diurnas de Sierra Nevada, Consejería de Medio Ambiente, Junta de Andalucía, Granada, ISBN 978-84-92807-72-7, pp. 182-183.