José María Besteiro
| Biografía | |
|---|---|
| Nacemento | 1963 Riotorto, España |
José María Besteiro, nado en Riotorto en 1963 é un xornalista e produtor galego.
Traxectoria
[editar | editar a fonte]Licenciado en Ciencias da Comunicación, fixo un mestrado en dirección e produción de radio e televisión na Universidade de Boston. Despois de traballar como xornalista en distintos medios (Dunia, El País, El Gran Musical...), integrouse no equipo que botou a andar a cadea de televisión de pagamento Canal +. onde foi xefe de produción e director de musicais entre 1989 e 1994. En 1995 vai traballar para os Estados Unidos, nas divisións de produtos para Latinoamérica da Time Warner e de Bertelsmann.
Foi director xeral de audiovisual do Grupo Voz, e posteriormente produtor independente de series de televisión dende a súa propia compañía. Despois dirixiu os seus interese empresariais cara á distribución de contidos vía satélite, e en 2009 mercou unha parte importante do accionariado de Dreamhouse Entertainment, unha empresa de produción e distribución de contidos que posúe o canal Latele Novela[1], dedicado á produción e distribución de telenovelas na comunidade latina nos Estados Unidos.
Vida persoal
[editar | editar a fonte]Vive en Miami. É un dos patróns da Fundación TIC da Deputación de Lugo.
Series producidas
[editar | editar a fonte]- Mareas vivas
- Nada es para siempre
- Géminis
- Libro de familia
Obra
[editar | editar a fonte]- Un hombre que se parecía a Cunqueiro (2021)
Notas
[editar | editar a fonte]- ↑ José María Besteiro se convierte en accionista de referencia de Latele Novela, Fórmula TV, 20/3/09