José Antonio Malagón Rubio
| Biografía | |||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 28 de maio de 1988 Elx, España | ||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||
| Período de actividade | 2009 | ||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||
| Posición de xogo | Defensa | ||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||
José Antonio Malagón Rubio, máis coñecido como Josete, nado o 28 de maio de 1988 en Elx, Alacant, é un futbolista profesional español da canteira do Elche CF que xoga como defensa central no Club Deportivo Lugo da Segunda División.
Traxectoria
[editar | editar a fonte]Nado en Elx, Alacant, Josete comezou a súa carreira futbolista nas categorías inferiores do principal club da súa cidade, o Elche Club de Fútbol. Na temporada 2007 debuta co filial do equipo, o Elche Ilicitano da Terceira División. Tras 87 partidos, debuta co primeiro equipo da Segunda División o 19 de xuño de 2010, saíndo os oito últimos minutos na vitoria por 4–1 dos ilicitanos á Real Sociedad no Estadio Martínez Valero.[1] Ao ano seguinte asina polo Deportivo Alavés da Segunda División B, onde xoga 15 partidos. Ao ano seguinte ficha polo Zamora, onde permanece até o 31 de decembro de 2012, data na que rescinde o seu contrato para asinar co Cádiz. No equipo andaluz permanece durante catro temporadas, onde xoga un total de 110 partidos e anota 9 goles. O 22 de xaneiro de 2016 deixa aos gaditanos para asinar polo Real Oviedo da Segunda División. Ao finalizar a temporada regresa ao Elche Club de Fútbol, onde xoga 16 partidos na temporada do descenso do equipo á Segunda B. Tras finalizar o seu contrato asina por dúas temporadas co Club Deportivo Lugo.
Clubs
[editar | editar a fonte]| Club | Categoría | Ano | Partidos | Goles |
|---|---|---|---|---|
| Elche | Segunda | 2009−2010 | 32 | 1 |
| Alavés | Segunda B | 2010−2011 | 15 | 2 |
| Zamora | Segunda B | 2011−2012 | 33 | 7 |
| Zamora | Segunda B | 2012 | 14 | 1 |
| Cádiz | Segunda B | 2013 | 16 | 1 |
| Cádiz | Segunda B | 2013−2014 | 39 | 2 |
| Cádiz | Segunda B | 2014−2015 | 38 | 4 |
| Cádiz | Segunda B | 2015−2016 | 17 | 2 |
| Real Oviedo | Segunda | 2016 | 8 | 1 |
| Elche | Segunda | 2016−2017 | 16 | 0 |
| Lugo | Segunda | 2017−2018 | 21 | 0 |
Notas
[editar | editar a fonte]- ↑ "Pasillo, exhibición y póker de 'pichichi' Molina al campeón". Marca (en castelán). 19-06-2010.