Marina Baixa

Marina Baixa

Localización
38°36′02″N 0°12′54″O
Estado	España
Comunidade autónoma	Comunidade Valenciana
Provincia	Provincia de Alacant
Capital	La Vila Joiosa
Concello	18
Contén a división administrativa	Altea Beniardà Benidorm Benifato Benimantell Bolulla Callosa d'en Sarrià Confrides El Castell de Guadalest Finestrat L'Alfàs del Pi La Nucia La Vila Joiosa Orxeta Polop Relleu Sella Tàrbena
Poboación
Poboación	192.624 (2022) (318,23 hab./km²)
Lingua oficial	lingua catalá (lingua predominante)
Xeografía
Superficie	605,3 km²
Bañado por	Mar Mediterráneo
Punto máis alto	Serra de Aitana (1.558 m)
Comparte fronteira con	Alacantí Comtat Alcoià Marina Alta

A Marina Baixa é unha comarca costeira valenciano-parlante do sur da Comunidade Valenciana. A súa capital tradicional é La Vila Joiosa pero o maior núcleo urbano e a súa capital económica é Benidorm.

Xeografía

A Marina Baixa é unha comarca costeira, pero á vez moi montañosa. Pódese dividir en dúas claras zonas, a liña costeira e os vales interiores. Ten grandes serras e montañas coma o Puig Campana, a Serra d'Aitana, a Serra Bèrnia ou a Serra da Xortà e ríos autóctonos coma o Amadòrio, o Algar ou o Guadalest.

Limita ao norte co Comtat e a Marina Alta, a leste e ao sur co Mar Mediterránea, ao sueste co Alacantí e ao oeste co Alcoià.

Economía

Aínda que se poden destacar algunhas industrias tradicionais da zona, como son a industria do chocolate na La Vila Joiosa ou o cultivo da néspera en Callosa d'en Sarrià, a actividade máis propia desta comarca é o turismo. Tódolos municipios costeiros notaron un gran crecemento de poboación debido ao gran fluxo de turistas, así como os municipios do interior viron freada a perda de poboación debido á chegada de novos residentes procedentes do norte de Europa. Dentro desta comarca sitúase o encravamento turístico máis importante de toda a península, a vila de Benidorm.

Tamén se poden atopar numerosos parques temáticos e de lecer, coma Terra Mítica, Terra Natura ou Aqualandia.

Demografía

Os concellos pertencentes á comarca da Marina Baixa son os seguintes:

Municipio	Poboación	Extensión	Densidade
L'Alfàs del Pi	19.913	19,26	1.033,9
Altea	22.648	35,3	641,58
Beniardà	220	15,74	13,97
Benidorm	69.058	38,51	1.793,24
Benifato	188	11,9	15,79
Benimantell	466	37'90	12'29
Bolulla	399	13,6	29,33
Callosa d'en Sarrià	8.008	34,66	231,04
El Castell de Guadalest	215	16
Confrides	303	40	7,57
Finestrat	4.945	42,25	117,04
La Nucia	15.519	21,36	726,54
Orxeta	758	24,06	31,50
Polop	3.869	22,58	171,34
Relleu	1.090	76,87	14,17
Sella	639	38,72	16,5
Tàrbena	758	31,67	23,93
La Vila Joiosa	30.550	59,25	515,61
Totais:	187.711	578,8	310,2