Ventotene

Ventotene

Tipo	concello de Italia
Situado na entidade xeográfica	Mar Tirreno e Ventotene (en)
Localización
División administrativa	Provincia de Latina, Italia
40°48′00″N 13°26′00″L
Comparte fronteira con	sen valor
Características
Altitude	18 m
Superficie	1,75 km²
Historia
Data de creación ou fundación	1869
Sitio web	comune.ventotene.lt.it

Piazza Castello.

Ventotene é unha illa no Mar Tirreno, na costa de Campania, Italia. Trátase dos restos dun antigo volcán, e é parte da Illas Ponziane. Na época romana era coñecida como Pandataria e Pandateria. É tamén unha parte do municipio da provincia de Latina (no Lacio).

A illa é alargada, cunha lonxitude de 3 quilómetros e unha anchura máxima duns 800 metros. Santo Stefano atópase a 2 quilómetros ao leste, e Ponza está a 40 quilómetros cara ao oeste.

O municipio co mesmo nome contaba con 708 residentes permanentes en 2008. Inclúe a illa de San Stefano, que é o sitio dunha enorme prisión, agora pechada.

A illa está conectada por transbordador e servizo hidrofoil a Formia e Anzio, complementado polos servizos de verán a Ischia.

Xeografía

A illa, son os restos dun antigo volcán, É alongada, cunha lonxitude de 3 km e un largo máximo de aproximadamente 800 m..

O municipio inclúe a pequena illa de Santo Estefano, situada 2 km. ao leste, que é a sede dunha gran prisión, agora pechada. A illa de Ponza, está a uns 40 km. ao oeste.

Historia

Coñecida por ser a illa á que o emperador Augusto expulsou á súa filla Xulia a Maior no ano 2 aC, como reacción ao seus excesivos adulterios, onde pasou cinco anos, e na que Tiberio expulsou á súa sobriña neta Agripina a maior no 29 dC, antes de morrer, probablemente de desnutrición, o 18 de outubro do 33 AD. Cando Caio fillo de Agripina (máis coñecido como Calígula)se converteu en emperador no 37 dC foi a Pandataria para recoller os seus restos e traelos de regreso a Roma. A filla máis nova de Agripina, Xulia Livia tamén foi exiliada a Pandateria. Ela foi deportada a esta illa ás ordes do seu tío, o emperador Claudio, a instancias da súa esposa, Mesalina, no 41 dC. Algún tempo despois, foi discretamente, morto de fame e os seus restos foron probablemente levados de regreso a Roma, cando a súa irmá Agripina se converteu na influente esposa do emperador. Outra distinguida dama da dinastía Xulia-Claudia, Claudia Octavia, que foi a primeira esposa do emperador Nerón, foi desterrada a Pandateria no 62 AD e executados por ordes do seu marido.

Esta é tamén a illa á que Santa Flavia Domitila, foi desterrada, era a neta do emperador Vespasiano, ela puido morrer alí.

Na época dos Borbóns foi creado un campo de prisioneiros que foi reestruturado baixo o mandato de Mussolini cun máximo de 700 opositores, entre eles 400 comunistas, entre 1939 e 1943. Un deles foi Altiero Spinelli, quen escribiu un texto que agora se coñece como o "Manifesto Ventotene", promovendo a idea dunha Europa federal logo da guerra.

Durante a segunda guerra mundial, a illa tamén serviu como o fogar de 114 homes ddunha gornición da Wehrmacht que defendían unha estación de radar clave. Na noite do 8 de setembro de 1943, unha lancha PT estadounidense entrou en silencio no porto de Ventotene e desembarcou 46 paracaidistas estadounidenses do 509 Batallón de Infantaría Paracaidista. Os paracaidistas rapidamente reuníronse coa resistencia local, que logo dixeron ao comandante alemán que había un rexemento de paracaidistas na illa, depositados por unha frota de barcos aliados. Aterrorizado, o comandante alemán destruíu ás súas propias posicións e armas, e logo rendeuse á forza máis débil dos americanos antes de decatarse do seu erro. Ventotene foi liberado sen disparar un só tiro ás 3 AM do 9 de setembro de 1943.

Galería de imaxes

• 
  O castelo
• 
  A costa de Ventotene
• 
  Praia de Ventotene
• 
  Praia de Ventotene

Véxase tamén

Outros artigos

• Illas Ponziane

Ligazóns externas

• Páxina oficial de Ventotene
• ‘Tiny, charming island offers taste of pure Italy’, cnn.com/travel, 6 de outubro de 2008.
• Ventotene: An Island in The Global Herald, xullo de 2011.
• "Ventotene". Global Volcanism Program. Smithsonian Institution. Consultado o 14 de setembro de 2016. 
• "Mappa satellitare di Ventotene". ^{[Ligazón morta]}