Mercedes-Benz CLS-դաս
| Mercedes-Benz CLS-դաս | |
|---|---|
| Ընդհանուր տվյալներ | |
| Տեսակ | ավտոմեքենաների մոդելային շարք |
| Արտադրող | Մերսեդես Բենց և Daimler |
| Երկիր | Սինդելֆինգեն, Գերմանիա |
| Արտադրության տարիներ | 2004 |
| Դաս | դաս E |
| Անիվային բազա | 2875 միլիմետր |
| Կայք | www5.mercedes-benz.com/en/vehicles/passenger-cars/cls-class/ |
Mercedes-Benz CLS-դաս, չորս դռնանի, միջին չափսի, լյուքս, կուպե մեքենա է ստեղծված E-դասի հիման վրա։ Արտադրվում է Մերսեդես Բենցի կողմից 2004 թվականից, երկրորդ սերնդի CLS-ը՝ 2011 թվականից։
Դիզայն
[խմբագրել | խմբագրել կոդը]Այս ավտոմեքենայի սուր և անկրկնելի դիզայնը համատեղում է դասականն ու սպորտայինը։
Էքստերիեր
[խմբագրել | խմբագրել կոդը]Անսահման երկար թվացող շարժիչի ծածկը զարդարում է ավանդական եռաթև աստղը։
Նորամուծությամբ է բնորոշվում նաև լուսարձակների յուրահատուկ դիզայնը։ Գիշերային խավարը ճեղքում են աննախադեպ տեսքի C-ձև դիոդային գաբարիտային լույսերը։ Թափքի սլացիկ գծերն իրենց կատարելությանն են հասնում միանալով հետին կանգ-լույսերին, որոնք յուրահատուկ զգացմունքայնություն են հաղորդում այս ավտոմեքենային։
CLS 500 BlueEFFICIENCY և CLS 500 4MATIC BlueEFFICIENCY մոդելներն աչքի են ընկնում առավել սպորտային և սուր դիմագծերով։ Այս մոդելների բազային տարբերակների համար առաջարկվում է սպորտային AMG փաթեթը, որն աչքի է ընկնում առջևի և հետևի բամպերների, ինչպես նաև անվահեծերի յուրահատուկ դիզայնով։ 8-գլանանոց շարժիչներով կահավորված այս մոդելների համար բազային է նաև լուսային LED համակարգը։
Ինտերիեր
[խմբագրել | խմբագրել կոդը]Մակերևույթների արծաթափայլ-քրոմապատ էքսկլյուզիվ ձևավորումը, փայտյա դեկորատիվ տարրերը, փայտյա տարրերի լաքապատ մշակումը, ինչպես նաև մեծ գունավոր TFT-մոնիտորն ու անալոգային ժամացույցը հաղորդում են սրահին ավանդական դասական տեսք, որը համահունչ համատեղվում է սպորտային ոճի տարրերի հետ։ Առանձնացված նստելատեղերը սրահի ետնամասում պարգևում են ուղևորներին առավելագույն հարմարավետություն։
Բոլոր տվիչ-ցուցիչ սարքերը կրում են մեծ քանակությամբ ինֆորմացիա, իսկ բազմաֆունկցիոնալ TFT-մոնիտորին շատ պարզ ու ճշգրիտ արտացոլվում է ավտոմեքենայի մենյուն։
Բենզինային շարժիչ
[խմբագրել | խմբագրել կոդը]| Մոդել | Շարժիչի գլանների քանակը և դասավորությունը | Շարժիչի ծավալը (խսմ) | Շարժիչի հզորությունը (ԿՎտ) | Առավելագույն արագությունը (կմ/ժ) | Վառելիքի կոմբինացված ծախսը (լ/100 կմ) | CO2 կոմբինացված արտանետումները (գ/կմ) |
|---|---|---|---|---|---|---|
| CLS 350 BlueEFFICIENCY | V6 | 3498 | 225/6500 | 250 | 7.0-6.8 | 164-159 |
| CLS 500 BlueEFFICIENCY | V8 | 4663 | 300/5000–5750 | 250 | 9.0 | 209 |
| CLS 500 4MATIC BlueEFFICIENCY | V8 | 4663 | 300/5000–5750 | 250 | 9.7-9.6 | 226-224 |
| CLS 63 AMG | V8 | 5461 | 386/5250–5750 | 250 | 8.8 | 231 |
Կիրառվող 6 և 8-գլանանոց BlueDIRECT շարժիչները նոր CLS-դասի ավտոմեքենայի համար ապահովում են վառելիքային խնայողության բարձր ցուցանիշ։ Շնորհիվ այնպիսի նոր տեխնոլոգիական լուծման, ինչպիսին է գազաօդային խառնուրդի անմիջական ներսրսկումը, հնարավոր է դարձել նվազեցնել վառելիքի ծախսը և թունավոր արտանետումների մակարդակը՝ նախորդ մոդելի հետ համեմատ։
4MATIC համակարգ
[խմբագրել | խմբագրել կոդը]4MATIC լիաքարշ համակարգը թույլ է տալիս իրականացնել գերազանց թափառք նույնիսկ ճանապարհային վատ ծածկի և եղանակային անբարենպաստ պայմանների դեպքում։
- Բարձր արդյունավատություն ունեցող 4MATIC համակարգի շնորհիվ այլևս կարիք չկա օգտագործելու ավանդական արգելափակվող դիֆֆերենցիալների տարբերակը, քանի որ ավտոմատ արգելակային ազդակները բարելավում են ավտոլոբիլի թափառքը սահուն ճանապարհածածկի վրա, և բարձրացնում են ավտոմոբիլի կայունությունը բարդ մանևրների կատարման ընթացքում։
- Շնորհիվ օգտագործվող թեթևաքաշ նյութերի, կոմպակտ կառուցվածքի և օգտագործվող նյութերի ճշգրիտ ընտրության, ավտոմոբիլն իր քաշով գրեթե չի տարբերվում ոչ լիաքարշակ տարբերակից։
- 4MATIC լիաքարշակ համակարգի օժանդակ համակարգերն են կայունացման էլեկտրոնային ESP® համակարգը և քարշիչ ուժի բաշխման 4ETS համակարգը։ Տեղապտույտ կատարող անիվները արգելակվում են, իսկ ոլորող մոմենտը ավտոմատ կերպով փոխանցվում է ճանապահածածկի հետ ավելի մեծ կցման գործակից ունեցող անիվներին։
- 4MATIC լիաքարշակ համակարգը կիրառվում է CLS 500 BlueEFFICIENCY մոդելի համար։
Տես նաև
[խմբագրել | խմբագրել կոդը]Աղբյուրներ
[խմբագրել | խմբագրել կոդը]- CLS-Դաս կուպե Արխիվացված 2016-04-04 Wayback Machine