Signo del cruce

Signo del cruce
instantia de: Prayer in the Catholic Church[*], Gesto
subclasse de: Gesto
Commons: Sign of the cross

Le signo del cruce es un movimento ritual executate con le manos per le majoritate, ma non tote, le brancas del Christianismo. Le signo del cruce es realisate designante se in le aere un cruce, super se mesme, super altere personas o super objectos. Il existe duo formas principal de se traciar le Signo del cruce, un sequite per le Ecclesias del Oriente e altere per le Ecclesias del Occidente, ma rarmente es usate per alcun brancas del Protestantismo. Le signo pote o non esser accompaniate per un formula verbal. Le signo del cruce es un del symbolos plus basic del religion christian, rememorante le importantia del sacrificio de Christo in le Cruce.

Le gesto

Origines

Initialmente, circa le seculo II, le signo del cruce era traciate solmente con le pollice super le fronte del persona. In le momento del Confirmation ancora hodie le episcopo tracia lemesme signo super le candidato. Iste modalitate ancora persiste in altere momentos, ben que modificate. In le missa catholic le fideles tracia iste signo in le fronte, como antiquemente, ma tamben a sequer super le labios e super le pectore, durante le Proclamation del Evangelio. Circa le seculo IV il comenciava esser registrate variationes in le locales e amplitude del movimentos, usque que le signo se faceva large como es hodie.

Le mano

In le Occidente es usate le mano dextre aperte, e le cinque digitos aperte representa le cinque plagas de Jesus, como tamben un salutation a tote creation de Deo. In le ecclesias del Oriente le mano es partialmente claudite, e le digitos pollice, indicator e medie on tocca in le punctas, symbolisante le Sancte Trinitate, durante que le duo digitos restante, pressionate contra le palma, symbolisa le duple natura de Jesus Christo. In Russia le Ancian Credentes uni solmente duo digitos, le pollice e le indicator.

Le movimento

In le Ecclesias Occidental le signo del cruce es facite toccante se in sequentia le fronte, le pectore, le humero sinistre e le humero dextre, accompaniante le movimento con le formula verbal In nomine del Patre (se tocca le fronte), e del Filio (se tocca le pectore), e del Spirito (se tocca le humero sinistre) Sancte (se tocca le humero dextre). Amen (se pote volver a toccar le pectore o le bucca, e le Amen pote esser reimplaciate per un altere oration jaculatori, conforme a tradition de cata Ecclesia). Le fronte symbolisa le celo e le sagessa, le pectore symbolisa le infinite amor de Jesus Deo, e le humeros significa le poter de Deo e un oration al Spirito Sancte.

Le Ecclesias Orthodoxe tracia le signo del sequente maniera: on tocca in sequentia le fronte, le region del cinctura (e non le pectore), le humero dextre e le humero sinistre, accompaniante le movimento con a formula verbal In nomine del Patre (se tocca le fronte e in sequite le region del cinctura), e del Filio (se tocca le humero dextre), e del Spirito Sancte (se tocca le humero sinistre).

Uso

Le signo del cruce pote esser facite per devotes super illos mesme como un forma de oration religiose o purification ritual, e per le clero super le devotes o super objectos como un forma de benediction. Sacerdotes pote benedicer solmente con le mano dextre, ma le episcopos pote facer lo con le duo manos al mesme tempore. In le culto o missa le signo del cruce es empleate in momentos specific: le populo face le in le initio del Eucharistia, in le Evangelio e in le benediction final, e le sacerdote officiante ancora le tracia super le pan e le vino in le momento del Consecretion. In le Confirmation le signo es traciate con le pollice super le fronte del candidato con oleo consacrate. In le Rito de Trento se usa traciar le signo super le species multe vices. Quando son benedicite multitudes le sacerdotes accostuma traciar le signo tres vices. In le ritos orthodoxe le signo es plus longemente empleate.

Le populationes usa le signo del cruce in le plus variate occasiones, conforme le costume de su credo o su devotion particular: quando ascolta alcun blasphemia, ante interprender alcun cosa riscose, ante alcun icone sacrate, al entrar, ir foras o passar per alcun templo, etc.

Ligamines externe

• (portugese) Per que on dice que nos, le orthodoxos, nos benedice "al contrario"? Archived 2010-08-24 at the Wayback Machine
• (anglese) Signo del cruce
• (anglese) Proque lutheranos face le signo del cruce? in Evangelical Lutheran Church in America
• (anglese) Le signo del cruce - un perspectiva catholic traditional
• (anglese) Significantia del signo del cruce
• (anglese) Como facer un signo del cruce correctemente - Ecclesia Orthodoxe

Referentias

Nota

Traduction incomplete

Iste pagina es un traduction incomplete ab Wikipedia in portugese. Le articulo original se trova a pt:Sinal da Cruz, e es usate secundo le mandatos del licentia de Wikipedia. Nos te invita cordialmente a completar le traduction pro meliorar Wikipedia in interlingua.