Dómasafn gefið út af dómstólum

Karl og kona voru sakfelld fyrir að hafa í félagi flutt ti landsins tæp 32 kíló af meðalsterku amfetamíni og voru þau dæmd í 6 ára fangelsi.

Staðfestur var úrskurður héraðsdóms þar sem hafnað var kröfu X og Y um að H afhenti verjendum þeirra nánar tilgreind gögn í máli X og Y.

Ákærði var sakfelldur fyrir að hafa ekið bifreið sviptur ökurétti og undir áhrifum ávana- og fíkniefna.

Máli þessu var vísað frá dómi á þeim grundvelli að um væri að ræða endurtekna málsmeðferð sem bryti gegn réttindum ákærða samkvæmt 1. mgr. 4. gr. samningsviðauka nr. 7 við mannréttindasáttmála Evrópu, eins og ákvæðið yrði skýrt í ljósi dóma Mannréttindadómstóls Evrópu.

Staðfestur var úrskurður héraðsdóms þar sem hafnað var kröfu A um að felld yrði úr gildi ákvörðun sýslumannsins á höfuðborgarsvæðinu um að nauðungarvista hana í allt að 21 sólarhring.

Staðfestur var úrskurður héraðsdóms þar sem X var gert að sæta áfram gæsluvarðhaldi á grundvelli 2. mgr. 95. gr. laga nr. 88/2008 um meðferð sakamála.

Stefnandi krafðist þess að viðurkennt yrði að hann ætti helming í fasteign. Þá krafðist hann þess að útdrætti úr stefnu yrði þinglýst á fasteignina. Ennfremur krafðist hann þess að áhvílandi veðlán á 1. veðrétti yrði yfirtekið af stefnanda að jöfnu á móti stefndu. Kröfu stefnanda um að útdrætti úr stefnu yrði þinglýst á fasteignina var hafnað þar sem hann taldist ekki hafa sýnt nægilega fram á að uppfyllt væru skilyrði þess, sbr. 1. mgr. 28. gr., sbr. 2. mgr. 27. gr., þinglýsingalaga nr. 39/1978.

Staðfestur var úrskurður héraðsdóms þar sem X var gert að sæta áfram gæsluvarðhaldi á grundvelli c-liðar 1. mgr. 95. gr. laga nr. 88/2008 um meðferð sakamála.

Staðfestur var úrskurður héraðsdóms þar sem X var gert að sæta gæsluvarðhaldi á grundvelli g-liðar 1. mgr. 115. gr. laga nr. 80/2016 um útlendinga.