Moderata samlingspartiet
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De Moderata samlingspartiet (M) (kórtewaeg: Moderaterna) (Limbörgs: Gemaotigdje Uniepartie) is 'n Zweedse centrumechste, liberaalconservatieve politische partie. De partie is opgezatj gewaoren in 1904 en kreeg in 1969 zienen hujige naam.
Nao de verkezinge van 2006 zeen de Moderaterna same mitte drie anger centrumrechse partieje vanne Allians för Sverige d'rin geslaag 'n mieëderheid te behaolen inne Riksdag, 't Zweeds parlemènt. De leier vanne Moderaterna, Fredrik Reinfeldt, is saer daen tied d'n ieëste minister van Zwede. De coalitie wós zich in 2010 te handjhave.
't Sterkste steitj de partie inne regio van Stockholm en in 't zuje van 't landj (Skåne län en ómgaeving). In 't naorde höbbe de Moderaterna euver 't algemein behuuerlik minder aanhengers. De partie krieg veural stäön van wirknummers oete private sector oete get hoger middeklas. Volges óngerzeuke stumme mieë manskaerelen es vrólje oppe partie.