Schragenbarg
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Postleettall: | 21640 | |
| Vörwahl: | 04163 | |
| Geograafsche Laag: | Koordinaten:53° 30′ N, 9° 36′ O53° 30′ N, 9° 36′ O | |
|
| ||
Schragenbarg (hoochdüütsch Schragenberg) is en Oort in de Gemeen Nottensdörp (Samtgemeen Hornborg) in’n Landkreis Stood, Neddersassen.
Geografie
[ännern | Bornkood ännern]Schragenbarg liggt an’n Rand von de Stoder Geest na de Masch hen. In’n Oosten is de Bullenbrook. De Au flütt so bi 500 Meter in’n Noordwesten langs.
De Naveröörd sünd Neekark un Neehoff in’n Noorden, Wester-Loodkup in’n Noordoosten, Dammhusen in’n Oosten, Heendörp un Nottensdörp in’n Süüdoosten, Postmoor un Bliersdörp in’n Süüdwesten un Hornborg in’n Noordwesten.
Historie
[ännern | Bornkood ännern]Schragenbarg hett bet in dat 19. Johrhunnert Schragenkamp heten. Dor stünn lange Tied blots een enkelt Hoff. In Schragenbarg hett dat de Brenneck’sche Möhl geven. De Möhl hett 1907 dör en sworen Orkaan groten Schaden afkregen, is denn aver wedder opboot worrn. 1933 is de Möhl dör Blitzslagg afbrennt. De Möhl is as Motoormöhl wedder opboot worrn un is blots noch bet 1939 lopen.[1]
De Oort hett vör 1852 to dat Gericht Delm tohöört un von 1852 bet 1859 to dat Amt Hornborg. Von 1859 bet 1885 weer dat in dat Amt Harsfeld un na 1885 in’n Kreis Stood. 1932 is dat Deel von’n ne’en, grötteren Kreis Stood worrn.
Inwahnertall
[ännern | Bornkood ännern]| Johr | Inwahners |
|---|---|
| 1824[2] | 1 Füürsteed |
| 1. Dezember 1871[3] | 49 Lüüd, 8 Hüüs |
Religion
[ännern | Bornkood ännern]Schragenbarg is evangeelsch-luthersch präägt un höört to dat Kaspel von de Leevfroon-Kark in Hornborg. Fröher hett de Oort to dat Kaspel Obbens tohöört.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Schragenbarg löppt de Bundsstraat 73, de in’n Süüdoosten över Heendörp un Neeklooster na Buxthu un Vosshusen geiht un in’n Noordwesten över Hornborg, Dollern un Gothenborg na Stood. Von de B 73 geiht in’n Süden de Landsstraat 130 över Nottensdörp un Grundolendörp na Obbens af un in’n Noorden de Kreisstraat 36 na Neekark.
De nächste Autobahn is de Autobahn 26 (Afsnidd Stood–Hamborg). De Opfohrt 5 Hornborg liggt so twee Kilometer in’n Noorden von Schragenbarg an de K 36.
De nächste Bahnhoff is so bi dree Kilometer wied weg in’n Noordwesten de Bahnhoff Hornborg an de Nedderelvbahn.
Footnoten
[ännern | Bornkood ännern]- ↑ http://www.postmoor.de/text/muehlen.htm
- ↑ C. H. Jansen: Statistisches Handbuch des Königreichs Hannover. 1824, Sied 548: http://books.google.de/books?id=tG0AAAAAcAAJ&pg=PA548
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141: https://books.google.de/books?id=qTZDAQAAMAAJ&pg=RA2-PA141