Cotton Fields

«Cotton Fields» er ein song skriven av bluesartisten Huddie Ledbetter, betre kjend som Lead Belly. Han har vorte spelt inn av Bill Monroe, Teresa Brewer, Harry Belafonte (1958), The Highwaymen (1961, nådde 13. plassen på Billboard si popliste), Johnny Cash (1962), Johnny Mann Singers (1962), Buck Owens (1963), Odetta (1963), Ace Cannon (1963), The Seekers (1964), New Christy Minstrels (1965), Trini Lopez (1960-åra), Unit 4 + 2 (1965), The Robert De Cormier Singers (1966), The Beach Boys (1969-1970), Wings & Paul McCartney - 1970-åra, Creedence Clearwater Revival (1969), Frantic Flintstones og Buckwheat Zydeco (1994).

Songen nemner at bomullsåkrane (cotton fields) er «nede i Louisiana, berre om lag ein mile frå Texarkana». Dette er ikkje geografisk mogeleg sidan Texarkana ligg om lag 30 miles nord for grensa til Louisiana.

Beach Boys-utgåva

«Cottonfields» Singel av The Beach Boys frå albumet 20/20
Språk	engelsk
Utgjeve	10. februar 1969 (album) 20. april 1970 (singel)
Innspelt	18. november 1968 (album) 15. august 1969 (singel)
Sjanger	Pop, countryrock
Lengd	2:21 (album) 3:05(singel)
Selskap	Capitol
Komponist	Lead Belly
Tekstforfattar	Lead Belly
Produsent	Brian Wilson og Al Jardine (album) Al Jardine (singel)
The Beach Boys-kronologi
«Add Some Music to Your Day» (1970)	«Cottonfields»	«Slip On Through» (1970)

«Cotton Fields» vart spelt inn av det amerikanske popbandet The Beach Boys og gjeven ut på albumet deira 20/20 i 1969 med Al Jardine på solovokal. Songen vart spelt inn 18. november 1968.

Al Jardine var misnøgd med arrangementet til Brian Wilson og fekk seinare gruppa til å gjere ei ny innspeling av songen. Dette vart gjort 15. august 1969 med Orville «Red» Rhodes på steelpedalgitar. Han vart gjeven ut som «Cottonfields». Singelen vart ikkje ein hit i USA, men vart ein stor internasjonal hit våren og sommaren 1970. Det var den siste singelen bandet gav ut på Capitol Records. Singelen nådde berre 103. plass i USa, men i Storbritannia nådde han 5. plass og i Noreg gjekk han heilt til topps.

Andre utgåver

• Creedence Clearwater Revival på albumet Willy and the Poor Boys (1969). Denne utgåva nådde førsteplassen i Mexico i 1970.
• Esther Ofarim song «Cottons Fields» på fjernsyn i 1969.
• Elton John på Reg Dwight's Piano Goes Pop
• Elvis Presley
• Harry Belafonte på Belafonte Sings the Blues (1958) og albumet Belafonte at Carnegie Hall, (1959)
• Harry Dean Stanton, i ein scene i filmen Cool Hand Luke.
• Johnny Cash på albumet The Sound of Johnny Cash
• Johnny Mann Singers på albumet Golden Folk Song Hits
• New Christy Minstrels på albumet Chim-Chim-Cheree
• Odetta på albumet One Grain Of Sand (1963)
• Odetta and Larry på The Tin Angel (1954)
• Petula Clark på fransk som «L'enfant do» på ein fransk EP.
• The Pogues på albumet deira Peace and Love (1989) (musikalsk ein annan song)
• The Seekers på albumet deira The Seekers (1964)
• Teresa Brewer på The Muppet Show

Kjelder

• Denne artikkelen bygger på «Cotton Fields» frå Wikipedia på engelsk, den 11. september 2009.

Føregangar «In the Summertime» Mungo Jerry

Toppen av VG-lista The Beach Boys 3 veker, veke 37–39, 1970

Etterfylgjar «En sån dag/Mitt sommarlov» Anita Hegerland