Aksling

Aksling til eit sykkelhjul.

Ein aksling er ein maskindel som vert nytta for å festa/bera roterande delar som hjul, reimskiver, og så vidare. Akslingar kan vera fast monterte eller rotera. Fast monterte akslingar kan vera direkte festa, eller opphengt i fjører. Roterande akslingar er opplagra i ei eller anna form for lager, som til dømes glidelager eller kulelager.

Akslingar på køyretøy

Bakakselen til ein Jaguar XJ6.

Akslingar vert nytta for å festa hjula på køyretøy. Vogner for hest har ofte akslar festa direkte til ei ramme, eller ved hjelp av fjører. På traktorar, skogsmaskinar, anleggsmaskinar og liknande er akslingane sjeldan avfjøra, men den eine akselen er pendlande opphengt. Lastebilar og terrengbilar har avfjøra stive akslingar, der fjørene kan vera bladfjører eller luftfjører. Personbilar har uavhengig fjøring på kvart hjul, med stutte akslingar som kvart hjul er festa til.

Akslingar nytta i motorar

Kamaksel.

Veivaksel til ein firesylindra stempelmotor.

Veivakselen i stempelmotorar vert utsett for store bøyekrefter og er opplagra på fleire stader, som oftast er det eit lager på kvar ende og mellom kvar råde. Veivakslar må lagast med høg presisjon er og eit døme på kompliserte akslingar. Firetaktsmotorar, og nokre totaktsmotorar, har ein kamaksel som syter for å opna og stenga ventilane i topplokket til rett tid.