Elisabeth Rehn
| Elisabeth Rehn | |||
| | |||
| Fødd | 6. april 1935 (89 år) Helsingfors | ||
|---|---|---|---|
| Statsborgar av | Finland | ||
| Parti | Svenska folkpartiet | ||
| Yrke | politikar | ||
| Institusjonar | Dei sameinte nasjonane | ||
| Utdanna ved | Svenska handelshögskolan | ||
| Ektefelle | Ove H. Rehn | ||
| Barn | Veronica Rehn-Kivi | ||
| Alle verv |
| ||
Märta Elisabeth Rehn (fødd Carlberg fødd 6. april 1935) er ein finsk politikar som var forsvarsminister og riksdagsmedlem for Svenska folkpartiet.
Liv og virke
[endre | endre wikiteksten]Bakgrunn
[endre | endre wikiteksten]Rehn var fødd i Helsingfors og voks opp i Mäntsälä som dotter til legen Andreas Carlberg. Ho vart send på svenskspråkleg internatskole i Grankulla.[1]
Ho tok utdanning i økonomi ved Hanken Svenska handelshögskolan og fullførte ein grad i økonomi i 1957.[1]
I 1955 gifta ho seg med Ove Harald Rehn, som døydde i 2004. Dei fekk fira barn, mellom dei Veronica Rehn-Kivi, fødd 1956, som vart riksdagsmedlem etter mor si frå 2016.
Politiske karriere
[endre | endre wikiteksten]Rehn engasjerte seg i lokalpolitikken i Grankulla, der ho i 1973 vart vald til kommunestyret for Svenska folkpartiet.[1]
Rehn var medlem av Den finske riksdagen frå 1979 til 1995. Ho var leier i justiskomiteen og medlem av presidentskapet frå 1983 til 1987. Frå 1987 til 1990 var ho parlamentarisk leiar for partiet sitt.[1] Rehn appellerte til finsktalende veljarar i tillegg til dei svenskspråklege.
Frå 1990 til 1995 var ho den første kvinnelege forsvarsministeren i Finland og i heile Europa, frå 1991 til 1995 òg likestillingsminister. I hennar periode fekk kvinner høve til friviljug verneplikt i Finland. Med Rehn som forsvarsminister skaffa Finland seg Hornet-jagarfly frå USA, noko som representerte eit vendepunkt for finsk forsvarspolitikk etter slutten av den kalde krigen.[1] Som likestillingsminister arbeidde ho for lik representasjon mellom kjønna i offentlege utval, slik at det underrepresenterte kjønnet skulle ha minimum 40 % av plassane.
I 1994 stilte Rehn som presidentkandidat mot Martti Ahtisaari. Etter å ha leia i opinionmålingane tapte ho valet med 46,1 % mot Ahtisaaris 53,9 %. Ho prøvde òg i år 2000, men då fekk ho 7,9%.
Ho var medlem av Europaparlamentet frå 1995 til 1996.
Frå 1995 til 1998 var ho SNs menneskerettsrapportør i Bosnia-Hercegovina, Kroatia og Jugoslavia. Frå 1998 til 1999 var ho assisterande generalsekretær for Kofi Annan og spesialrepresentant for Bosnia-Hercegovina.
Etter den politiske karrieren sin har Rehn vore aktiv som foredragshaldar og som ekspert for det finske utanriksdepartementet.[1] I 2012 var ho vert for sitt eige fjernsynsprogram der internasjonale politikarar var blant gjestene.
I 1995 gav Staffan Bruun ut boka Elisabeth Rehn på Otava forlag.
Utmerkingar
[endre | endre wikiteksten]Rehn er æresdoktor ved Svenska handelshögskolan og Åbo Akademi.
Referansar
[endre | endre wikiteksten]- ↑ 1,0 1,1 1,2 1,3 1,4 1,5 «Rehn, Elisabeth (1935 - )». National Biography of Finland. Henta 28. desember 2018.
Kjelder
[endre | endre wikiteksten]- Denne artikkelen bygger på «Elisabeth Rehn» frå Wikipedia på bokmål, den 24. august 2020.