Ombodsmannen for Forsvaret er Stortinget sin ombodsmann for alt personell som gjer teneste eller har gjort teneste i Forsvaret. Forsvarspersonell som meiner at dei er handsama urett, urettferdig eller urimeleg kan vende seg til Ombodsmannen for forsvaret og be om at saka blir undersøkt for å finne ut om det er begått nokon urett, og i tilfelle få retta på det som er gale. Ombodsmannen leier også Ombodsmannsnemnda for Forsvaret, som er ein del av Stortinget sin kontroll og sitt tilsyn med den militære forvaltinga.