Nord-Dakota

Nord-Dakota North Dakota
delstat
Flagg Våpen
Land	USA
Del av	det kontinentale USA
Hovudstad	Bismarck
Areal	183 112 km²
•  land	178 647 km²
•  vatn	4 465 km²
Folketal	755 393  (2017)
Folketettleik	4 / km²
Guvernør	Doug Burgum (R)
Før innlemming	Dakota-territoriet
Innlemma i USA	2. november 1889
Statsnummer	39. eller 40.
Forkorting	ND
Nord-Dakota 47.5°N 100.5°W / 47.5; -100.5
Kart som viser Nord-Dakota. Kart som viser Nord-Dakota.
Wikimedia Commons: North Dakota
Nettstad: nd.gov

Frå Theodore Roosevelt National Park i Nord-Dakota

Nord-Dakota er ein delstat i den nordamerikanske staten USA. Han ligg i den delen av USA som vert kalla Midtvesten og har grense mot Minnesota i aust, Sør-Dakota i sør, Montana i vest og mot Canada i nord. Den vestlege halvdelen av staten er òg ein del av The Great Plains. Hovudstaden er Bismarck, medan den største byen er Fargo. University of North Dakota ligg i byen Grand Forks, medan North Dakota State University ligg i Fargo.

Historie

Nord-Dakota var opphavleg busett av mandanfolk. Nybyggarane busette seg seinare og nokre av desse var mellom anna nordmenn. I dag har 30 % av befolkninga norske anar. Nord Dakota vart opptatt som den 39. delstaten i USA den 2. november 1889. På 1800-talet vart Nord-Dakota rekna som ein del av den ville vesten. Tidlegare var staten ein del av Dakota-territoriet (oppkalla etter dei innfødde dakotafolka).

Hovudbyar i Nord-Dakota

• Fargo – om lag 92 000 innbyggjarar (2003)
• Bismarck – 56 000
• Grand Forks – 53 000

Geografi

Elva Missouri renn gjennom den vestlege delen av delstaten, og dannar innsjøen Lake Sakakawea. Den vestlege delen av staten har eit kupert landskap, og har naturressursar som kol og olje. I aust har Red River of the North forma Red River Valley. Denne regionen er eit fruktbart jordbruksområde. Landbruk har lenge dominert økonomien og kulturen i Nord Dakota.

Økonomi

Nord-Dakota har det sjuande største jordbruksarealet i USA, med fokus på kornproduksjon - kveite, mais og soyabønner. Med 1,9 millionar storfe er staten mellom dei større kjøttprodusentane i USA. Gardsbruka er relativt store, slik at behovet for landbrukssubsidiar er mindre enn i mange andre av dei store amerikanske jordbruksstatane. Nord-Dakota har den nest største bygg-produksjonen og har den største produksjonen av kveite i USA.

Økonomiske nøkkeltal	verdi	% av BNP	År. kjelde
BNP	26,4 mrd US$		2006, Commerce Dept, Bureau of Economic Analysis, US
Arbeidsløyse	3,2%		2006, Labor Dept, Bureau of Labor Statistics, US
Andel fattige	11,3%		2005-06, Commerce Dept, Bureau of the Census, US
Inntekt pr innb	32.552 US$		2006, Commerce Dept, Bureau of Economic Analysis, US

Kilde: The World Almanac 2008, side 45 og 555-587.

Kjente personar fødde i Nord-Dakota

• Lynn Anderson – songar
• Carl Ben Eielson – flypioner og polarflygar
• Peggy Lee – songar
• Eric Sevareid – avismann, journalist, og forfattar
• Ann Sothern – skodespillar

Denne geografiartikkelen er ei spire. Du kan hjelpe Nynorsk Wikipedia gjennom å utvide han.