Tove Linnea Brandvik

Tove Linnea Brandvik
Fødd	15. november 1968 (55 år) Levanger kommune
Statsborgar av	Noreg
Parti	Arbeidarpartiet
Yrke	politikar
Utdanna ved	handelshøyskole Handelshøyskolen BI
Alle verv	vararepresentant til Stortinget (2005–2009) ordførar i Lindås (2003–2007) vararepresentant til Stortinget (2009–2013) stortingsrepresentant (fast møtande vararepresentant, 2009–2013)

Tove Linnea Brandvik (fødd 15. november 1968 i Levanger) er ein norsk politikar for Arbeidarpartiet som har vore ordførar og stortingsrepresentant. Brandvik sit også i sentralstyret til Arbeidarpartiet.

Tove Linnea Brandvik var ordførar i Lindås kommune frå 2003 til hausten 2007. Då Brandvik vart ordførar i 2003 vart ho Lindås kommune sin første kvinnelege ordførar og så langt yngste ordførar, berre 35 år. Brandvik gjekk inn i si første kommunestyreperiode som ordførar. Ho kom frå stillinga som Senterleiar på kjøpesenteret Lindås Senter.

Brandvik var vararepresentant for Arbeidarpartiet på Stortinget i perioden 2005-2009. Frå 2009 møtte ho fast og vart medlem i Arbeids og sosialkomiteen. Ho vart med dette den første fast møtande funksjonshemma stortingsrepresentanten. Som vararepresentant vart Brandvik kjend som Noregs første rullestolbrukar på Stortinget. Årsaka var at ein måtte gjere diverse tilpassingar i stortingssalen, som på førehand ikkje var tilpassa rullestolbrukarar.

Brandvik er fødd i Levanger og budde store delar av oppveksten i Leirfjord kommune i Nordland. Ho er utdanna diplomøkonom frå BI Trondheim / BI Bergen. I 2007 var ho nestleiar i regionrådet Nordhordland IKS, styreleiar for Nordhordlands kraftlag, nestleiar i Hordaland Arbeidarparti og medlem i Arbeidarpartiets Sentralstyre.

Bakgrunnsstoff

• Biografi ved stortinget.no
• Presentasjon av kandidaten ved tv2nyhetene.no