Extremadura (Espanha)
| | |
| Imne | himne d'Extremadura (ca) |
|---|---|
| Devisa | desconeguda |
| Administracion | |
| Estat | Espanha |
| Capitala | Mérida |
| Politica | |
| • Cap d'Estat | María Guardiola Martín (ca) |
| Geografia | |
 | |
| Coordenadas | 39° 12′ N, 6° 09′ O |
| Superfícia | 41 634 km² |
| Punt culminant | Calvitero (ca) |
| Fus orari | UTC+01:00 (ora estandard) UTC+02:00 (ora d'estiu) |
| Demografia | |
| • Totala | 1 073 050 ab. (2021 |
| Istòria | |
| Pairinatge | Nostra Senyora de Guadalupe (ca) |
| Autras informacions | |
| ISO 3166-2 | EX |
| Sit web | juntaex.es |
| modificar |
|
Extremadura (en castelhan Extremadura ; en estremenc Estremaura) es una comunautat autonòma d'Espanha. Lo gentilici es extremenc, -a (en castelhan extremeño, -a).
Toponimia
[modificar | Modificar lo còdi]Sus leis originas dau nom "Extremadura" i a d'ipotèsis divèrsas :
Lo nom d'Extremadura ven dau latin Extrema Dorii ("Extrèms dau Duero", o puslèu "en l'autre extrèm" dau Duero, en referéncia a sa posicion au sud d'aqueu riu), que designa lei territòris situats au sud de la cònca dau riu Duero (e sos afluents). Pasmens, uèi es mai espandida la tèsi segon la quala lo mot Extremadura foguèt emplegat, en generau, dau temps de la Reconquista per apelar las tèrras situadas ais "extrèms", valent-a-dire a la frontièra dels reiaumes crestians del nòrd (en particular aquelei de Castelha e de Leon) amb Al-Andalús. Ansin, Extremadura es lo nom que recebon lei tèrras de frontièra de Castèlha, qu'arrondissan l'actuala provinça de Sòria. L'escut de sa capitala ditz d'alhors "Sòria pura tèsta d'Extremadura" : s'agissiá de l'Extremadura castelhana, mai Extremadura es lo nom que recebon tanben los territoris "extrèms", mai luènh e en promièra linha de defensa davant l'enemic islamic durant la Reconquista. D'aquela epòca, lo reiaume de Leon ocupava una granda part de l'actuala provinça de Càceres ; s'espandiguèt puei vers lo sud dempuèi la conquista dau reiaume taifa de Badajoz.
Non se dèu pas confondre amb la vièlha provinça portuguesa d'Estremadura, emai l'origina etimologica siegue la mesma.