Quercus
Los casses
| Règne | Plantae |
|---|---|
| Sosrègne | Tracheobionta |
| Division | Magnoliophyta |
| Classa | Magnoliopsida |
| Sosclassa | Hamamelidae |
| Òrdre | Fagales |
| Familha | Fagaceae |
| Òrdre | Fagales |
| Familha | Fagaceae |
Quercus es un genre de la familha de las fagacèas qu'agropa de nombrosas espècias d'arbres e d'arbustes.
Lo genre es present dins tot l'emisfèri Nòrd, e compren d'espècias de las fuèlhas caducas e d'autras de las fuèlhas persistentas que lor airal de despartiment s'estend dempuèi las latituds nautas fins als airals tropicals d'Asia e de las Americas. Lo garric es l'arbre magic dins la mitologia basca.
Apellacions
[modificar | Modificar lo còdi]Lo mot atribuït al genre scientific, lo latin quercus (que se perpetua dins l'italian quercia, lo sard kerku e lo còrs querciu) remonta a l'indoeuropèu *perkʷus (pel mejan d'una forma alterada *kʷerkʷus pel fenomèn d'assimilacion entre las doas consonantas inicialas).
L'occitan possedís pas de mot unic, e coneis tres lèmas diferents: casse, garric e rover. Cal notar egalament que mantuna espècia de casse possedís un tèrme pròpri.
Lo mot casse[1] (forma normativa; var. casso, cassi, chassanh, chaisne, chasnhe[2]) es eissit del gal *cassanos, pel mejan d'una forma galloromanica *cassanu. Lo mot latin cassinus es probablament d'origina gallesa o pregallesa. L'etimologia del gallés *cassanos (autrament notat *cassăno-, eventualament *cassĭno) es incertana, perque possedís pas cap d'equivalent dirècte dins las lengas celticas, e los divèrses raprochaments prepausats per ne rendre compte demòran pauc probants[3]; son origina es benlèu preceltica.[4]
Una autra paraula es garric (forma lengadociana)[5] jarric (forma lemosina; var. jàrric, jarrija), eissit d'una racina preromana non indoeuropèa karr- (casse) o karri- (pèira), o encara de l'ibèr garric.[6]
Lo mot latin rōbur es a l'origina de rover (var. roire, rore, rove), principalament usitat en Auvèrnha, en Lemosin e en Provença.
Toponimia
[modificar | Modificar lo còdi]Un fum de toponims pòrtan lo nom del casse o de sas variantas:
Articles connèxes
[modificar | Modificar lo còdi]Lista de las espècias del genre Quercus
Nòtas e referéncias
[modificar | Modificar lo còdi]- ↑ Institut d'Estudis Aranesi-Acadèmia Aranesa dera lengua occitana. Vocabulari ortografic de l’estandard de la lenga occitana (en occitan) [1a. ed. novembre de 2019]. ISBN 978-84-09-13866-1. «casse»
- ↑ «Chêne» (en francés). Multidiccionari Occitan Dicod'Òc. Congrès permanent de la lenga occitana.
- ↑ Lambert, Pierre-Yves. La langue gauloise. Edition Errance, 1994.
- ↑ Delamarre, Xavier. Dictionnaire de la langue gauloise. París: Edition Errance, 2001, p. 93.
- ↑ «Garric» (en fr, de, en, it, jp). thesaurus.unice.fr.
- ↑ Niermeyer, J.F.. Mediae latinitatis lexicon minus. 2. Leiden: Brill, 1976.