شملا
| شِملا | |
| Shimla | |
| دیس : | بھارت |
| صوبا : | ہماچل |
| ضلع : | شملا |
| تحصیل : | شملا |
| لوک گݨتی : | 169578 |
| بولی : | پنجابی |
شملا ہماچل دا اک شہر تے ایس ضلعے دا راجگڑھ اے ۔ ہمالیا دے پیراں وچ وسیا ایہ شہر اُگھا سیلانی تھاں وی اے ۔ ایہدا پہلا ناں سملا سی ۔ جیہڑا اک دیوی ساملا دے ناں اتے رکھیا منیا جاندا اے ۔ شملا 1830 تک اک پہاڑی پنڈ ہندا سی۔ انگریز حکمران انگلینڈ جہے ٹھنڈے ملک دے باشندے ہون کرکے اوہناں لئی بھارت دی کڑکویں گرمی برداشت توں باہر سی ۔ ایس لئی 1864 توں ایہ انگریزاں دا گرمیاں دا راجگڑھ رہیا اے ۔ برطانوی فوج دا ہیڈکوارٹر وی شملے وچ ای واقع سی ۔ کچھ سال تک شملا پنجاب دا راجگڑھ وی رہیا ۔
سیر سپاٹا
[سودھو]اتھے سیر سپاٹے دیاں تھانواں نوں بوہت ترقی دتی اے۔ بھاویں منالی، شملا، دھرم شالہ ہووے جاں ڈلہوزی، پالمپور، کانگڑا تے لیہ، سبھ تھاواں اتے ہماچل ٹورزم محکمے دے اپنے ہوٹل نیں۔
مال روڈ
[سودھو]مال روڈ اتے میونسیپل کمیٹی، میئر اتے بی.ایسّ.اینّ.ایلّ. دا دفتر، ڈیفینس کلب، محمکا سڑک دا مکھ دفتر تے چیف ایڈوائزر دا دفتر اے ۔ میونسیپل کمیٹی، میئر دا دفتر تے ڈیفینس کلب سمیت کئی ہور عمارتاں انگریزاں ویلے دیاں نیں۔ ایہناں نوں اوہناں دے مول روپ وچّ سرکھات(محفوظ) رکھیا گیا اے ۔