Навіны РІКВ

Увага!

26 і 29 мая 2026 года, 2 і 5 чэрвеня 2026 года ва ўстанове адукацыі «Рэспубліканскі інстытут кантролю ведаў» будзе працаваць гарачая лінія па пытаннях арганізацыі і правядзення ЦЭ і ЦТ.

Тэлефон гарачай лініі: +375 (17) 311 00 79.

Рэжым работы: з 9:00 да 19:00.

Праверце свае веды па гісторыі Беларусі ў кантэксце сусветнай гісторыі!

Гісторыя Беларусі — гэта неадʾемная і яркая частка гісторыі ўсёй Еўропы і свету. Ведаць яе – значыць разумець карані, ганарыцца спадчынай і ўпэўнена глядзець у будучыню.  

Як казаў А.С. Пушкін:«Ганарыцца славай продкаў не толькі можна, але і варта. А каб ганарыцца – трэба ведаць!

Прапаноўваем вам праверыць свае веды! Два паўнацэнныя варыянты РТ-1 дапамогуць вам самастойна ацаніць свае сілы па гісторыі Беларусі ў кантэксце сусветнай гісторыі. Карыстайцеся імі як пробным тэстам ці як зборнікам задач для адпрацоўкі тэм.

Вариант 1 .pdf   Варыянт 1 (бел.) .pdf

Вариант 2 .pdf   Варыянт 2 (бел.) .pdf

Прапануем вашай увазе віктарыну па вучэбным прадмеце «Гісторыя Беларусі ў кантэксце сусветнай гісторыі», прадстаўленую на 23-й спецыялізаванай выставе «Адукацыя і карʼера».

Праграмы ўступных іспытаў па вучэбных прадметах

Праграмы ўступных іспытаў у 2026 годзе для атрымання агульнай вышэйшай і спецыяльнай вышэйшай адукацыі размешчаны на нацыянальным адукацыйным партале: https://www.adu.by/ru/uchenikam/podgotovka-k-ekzamenam.html.

Да ўвагі выпускнікоў устаноў агульнай сярэдняй адукацыі і абітурыентаў устаноў вышэйшай адукацыі 2026 года!

Установа адукацыі «Рэспубліканскі інстытут кантролю ведаў» інфармуе аб правядзенні рэпетыцыйнага тэсціравання па 14 вучэбных прадметах за курс агульнай сярэдняй адукацыі для падрыхтоўкі да цэнтралізаванага экзамену і цэнтралізаванага тэсціравання 2026 года.

Рэпетыцыйнае тэсціраванне будзе праводзіцца ў тры этапы: 

1-ы этап – кастрычнік – снежань 2025 г. 

2-і этап – студзень – люты 2026 г. 

3-і этап – сакавік – красавік 2026 г. 

Пералік устаноў адукацыі Рэспублікі Беларусь, на базе якіх можна прайсці рэпетыцыйнае тэсціраванне, будзе размешчаны на сайце РІКВ пасля заключэння дагавораў. Кожны пункт правядзення тэсціравання вызначае свой графік правядзення і колькасць удзельнікаў рэпетыцыйнага тэсціравання па вучэбных прадметах. Актуальная інфармацыя па ўсіх даступных сеансах рэпетыцыйнага тэсціравання размяшчаецца ў асабістым кабінеце ўдзельніка тэсціравання на сайце РІКВ.

Падрабязная інфармацыя аб парадку арганізацыі і правядзення рэпетыцыйнага тэсціравання размешчана ў раздзеле «Рэпетыцыйнае тэсціраванне» (https://rikc.by/pretrialtesting/335-repeticionnoe-testirovanie.html).

Тэставыя заданні для самастойнай падрыхтоўкі да цэнтралізаванага экзамену і цэнтралізаванага тэсціравання па вучэбным прадмеце «Гісторыя Беларусі ў кантэксце сусветнай гісторыі»

Установа адукацыі «Рэспубліканскі інстытут кантролю ведаў» прапаноўвае тэставыя заданні па вучэбным прадмеце «Гісторыя Беларусі ў кантэксце сусветнай гісторыі» для самастойнай падрыхтоўкі выпускнікоў і абітурыентаў да цэнтралізаванага экзамену і цэнтралізаванага тэсціравання.

Чытаць далей...

Выдадзены зборнікі па матэрыялах цэнтралізаванага экзамену і цэнтралізаванага тэсціравання

Выдадзены РУП «Выдавецтва “Адукацыя і выхаванне”» і паступілі ў продаж зборнікі экзаменацыйных (тэставых) заданняў па 14 вучэбных прадметах, прапанаваных выпускнікам і абітурыентам пры правядзенні ЦЭ і ЦТ у 2025 годзе.

Таксама можна купіць выдадзеныя ТДА «Аверсэв» поўныя зборнікі па вучэбных прадметах «Русский язык», «Беларуская мова», «Англійская мова», «Матэматыка», «Хімія», «Фізіка», «Біялогія», якія змяшчаюць тэставыя заданні ЦТ 2020–2022 гг. і ЦЭ/ЦТ 2023–2024 гг.

Да ўсіх заданняў дадзены адказы, прыведзены ўзоры бланка адказаў.

Зборнікі рэкамендуюцца навучэнцам старшых класаў для самастойнай падрыхтоўкі да ЦЭ і ЦТ, абітурыентам для самастойнай падрыхтоўкі да ЦТ, а таксама настаўнікам і выкладчыкам.

Сертыфікаты цэнтралізаванага тэсціравання 2025 года

Паважаныя абітурыенты!

Сертыфікаты цэнтралізаванага тэсціравання 2025 года вы можаце атрымаць з 01.07.2025 у пунктах, дзе праходзілі тэсціраванне, да заканчэння тэрміну дзеяння сертыфіката (да 31.12.2026).

Для атрымання сертыфікатаў пры сабе неабходна мець дакумент, які сведчыць асобу, дакумент аб адукацыі (атэстат аб агульнай сярэдняй адукацыі, або дыплом аб прафесійна-тэхнічнай адукацыі, або дыплом аб сярэдняй спецыяльнай адукацыі), а таксама пропуск па вучэбным прадмеце з адзнакай «Тэсціраванне прайшоў».

Міністэрствам адукацыі Рэспублікі Беларусь зацверджана пастанова ад 17 верасня 2025 г. N 166 «Аб правядзенні цэнтралізаванага тэсціравання па вучэбных прадметах у 2026 годзе»

Дакументам вызначаны графік правядзення цэнтралізаванага тэсціравання 2026 года ў асноўныя і рэзервовыя дні. .pdf

Зацверджаны эмблема і сцяг Міністэрства адукацыі Рэспублікі Беларусь

Указам Прэзідэнта Рэспублікі Беларусь ад 7 жніўня 2018 г. № 308 зацверджаны эмблема і сцяг Міністэрства адукацыі. Дадзены дакумент прыняты ў мэтах захавання і развіцця гістарычных традыцый Міністэрства. Таксама Указам зацверджаны палажэнні аб эмблеме і сцягу, іх апісанні і выявы. Сімвалы будуць выкарыстоўвацца для ідэнтыфікацыі Міністэрства адукацыі ў інфармацыйнай прасторы краіны і за яе межамі, для вызначэння прыналежнасці супрацоўнікаў.