No niño novo do vento
hai unha pomba dourada,
meu amigo!
Quén poidera namorala!
Canta ao luar e ao mencer
en frauta de verde olivo.
Quén poidera namorala,
meu amigo!
Ten áers de frol recente,
cousas de recén casada,
meu amigo!
Quén poidera namorala!
Tamén ten sombra de sombra
e andar primeiro de río.
quén poidera namorala,
meu amigo!
Álvaro Cunqueiro:
Cantiga nova que se chama riveira (1933)
Versións:
Luis Emilio Batallán:
Quen puidera namorala;
Ahí ven o Maio; 1975; Cara B, Corte 1
Amancio Prada:
No niño novo do vento;
A dama e o cabaleiro; 1987; Cara B, Corte 2
Pinky (Xosé Henrique Pintor):
A pomba;
Fonoteca 92 / El Correo Gallego; nº64; 1992; Cara B, Corte 4
Astarot:
Quen puidera namorala;
O sentir dunha terra; 2000; Pista 4
Milladoiro e
Laura Amado:
Quen puidera namorala;
A Quinta das Lágrimas; 2008; Pista 7
Zeltia Montes:
Quen puidera namorala;
Pradolongo. BSO; 2008; Pista 20
Xoel López:
No niño novo do vento;
Eleccións Parlamento Galicia 2009. PSdeG-PSOE; 2009;
Rosa Cedrón e
Cristina Pato:
Pomba dourada;
Soas Muller; 2010; Pista 8
Eladio y los Seres queridos e
Ari Magritte:
Quen poidera namorala;
Cantares; 2016; Pista 9
*[
Por razóns de espazo non foi posible etiquetar a Eladio y los Seres queridos, nin a Ari Magritte.]