Isbrem er ein flytande, men landfast isbreformasjon av til dels stor utstrekning, som blir danna langs kysten av enkelte polare landområde. Antarktis’ og Jordens største isbrem er Rossbarrieren.
is-shelf
engelsk: ice shelf
Isbremmar kan vere opptil fleire hundre meter tjukke (vanleg 200–300 meter), og rundt éin sjettedel ligg over havoverflata. Der djupna ikkje er tilstrekkeleg, kan avgrensa parti stå på grunn. Overflata er slett eller svakt bylgjeforma, og kanten mot havet har form av ein steil vegg (isbarriere, isfront). Frå tid til anna bryt større og mindre delar av isbremmen laus, og driv til havs som flate, tabulære isfjell.
Best kjent er isbremmane i Antarktis, der dei blir danna ved at innlandsisen sig til havs over lange strekningar. Det samla arealet her er rekna til nærare éin million kvadratkilometer, men er i kraftig reduksjon på grunn av klimaendringar.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.