Huni

Huni
	Buah huni anu asak
Klasifikasi ilmiah
Karajaan:	Plantae
Divisi:	Magnoliophyta
Kelas:	Magnoliopsida
Ordo:	Malpighiales
Kulawarga:	Phyllanthaceae
Tribus:	Antidesmeae
Subtribus:	Antidesminae
Génus:	Antidesma
Spésiés:	A. bunius
Ngaran binomial
	Antidesma bunius; (L.) Spreng.

Huni nyaéta ngaran tangkal jeung bubuahan, buahna raranggeuyan, gedéna 1 cm, wangunna aya nu buleud aya nu lonjong, warnana hejo saupama asak robah jadi warna ungu semu hideung.^[1] Daunna kaasup daun tunggal, bentukna lonjong, panjangna 9–25 cm, sisina rata, tungtung daunna seukeut.^[1]^[2] Warna daun ngorana hejo ngora, sanggeus kolot robah jadi hejo kolot.^[1] Huni sumebar di Asia Tenggara jeung Ustrali, di Jawa tumuwuh liar di leuwung atawa dipelak di buruan imah.^[1]

Kandungan

Huni ngandung gizi jeung fitonutrien anu luhung.^[3] Buah huni ngandung vitamin C, provitamin A, vitamin B1, vitamin B2, vitamin E, mineral, zat beusi, fosfor, photasium/kalium, jeung serat.^[3] Kulit watang anu rasana kesed ngandung racun alkaloida.^[1]

Mangpaat

Buah huni alus pikeun ngajaga kasehatan panon sabab ngandung vitamin A anu luhung, bisa ngalancarkeun saluran pencernaan tur nyingkahan konstipasi, mangrupa antioksidaan, mangpaat pikeun nyageurkeun deg-degan jantung, anemia, darah tinggi.^[3] Rasa buahna anu haseum mangpaat pikeun ngaluduhkeun kesang, ngaleungitkeun racun, ngaleungitkeun haus, sarta ningkatkeun sirkulasi getih.^[1] Buah anu asak miboga hasiat pikeun nambahan cai susu indung.^[2] Daunna bisa dipaké pikeun nutupan raheut.^[2]

Olahan tina huni

Buah huni biasana dijieun rujak, dijieun sirop , atawa selé.^[1] Daunna anu ngora rasana semu haseum bisa dipaké lalab atawa disayur.^[1]^[2]

Referensi

↑ ^a ^b ^c ^d ^e ^f ^g ^h Buni Archived 2011-10-21 di Wayback Machine (id) (Diakses ping 15 Oktober 2011)
↑ ^a ^b ^c ^d Kea Wuni Archived 2022-10-01 di Wayback Machine (id) (Diakses ping 15 Oktober 2011)
↑ ^a ^b ^c Manfaat buah buni Archived 2011-10-20 di Wayback Machine (id) (Diakses ping 15 Oktober 2011)

Tutumbu Kaluar

Christophe, Wiart (January 2006). Medicinal Plants Of The Asia-pacific: Drugs For The Future?. World Scientific. ISBN 9789814480338.

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.

[sumber_ka_hiji-1] ↑ ^a ^b ^c ^d ^e ^f ^g ^h Buni Archived 2011-10-21 di Wayback Machine (id) (Diakses ping 15 Oktober 2011)

[sumber_ka_dua-2] Kea Wuni Archived 2022-10-01 di Wayback Machine (id) (Diakses ping 15 Oktober 2011)

[sumber_ka_tilu-3] Manfaat buah buni Archived 2011-10-20 di Wayback Machine (id) (Diakses ping 15 Oktober 2011)

[1]

[2]

[3]