មានគ្រោះថ្នាក់មួយគួរអោយរន្ធត់ រថយន្តបុកម៉ូតូប្តីប្រពន្ធពីក្រោយបណ្តាលឲ្យបាត់ដៃម្ខាងក្បែរស្ពានគីហ្សូណា

មានគ្រោះថ្នាក់មួយគួរអោយរន្ធត់ រថយន្តបុកម៉ូតូប្តីប្រពន្ធពីក្រោយបណ្តាលឲ្យបាត់ដៃម្ខាងក្បែរស្ពានគីហ្សូណា


ខេត្តកំពង់ចាម៖ មានករណីគ្រោះថ្នាក់ចរាចរណ៍មួយគួរអោយរន្ធត់ដោយរថយន្តមួយគ្រឿងបុកម៉ូតូពីរនាក់ប្តីប្រពន្ធបណ្តាលអោយប្រពន្ធបាត់ដៃមួយចំហៀង និងប្តីរងរបួសស្រាល ហេតុការណ៍នេះបានកើតឡើងនៅវេលាម៉ោង៨នឹង៣០នាទីព្រឹក ថ្ងៃទី១៥ ខែមីនា ឆ្នាំ២០១៧ សិត្ថនៅតាមបណ្តោយផ្លូវជាតិលេខ៧ ត្រង់ចំនុចមុខក្រុមហ៊ុនSamsung សង្កាត់វាលវង់ ក្រុងកំពង់ចាម ខេត្តកំពង់ចាម។

បើសាក្សីដែលឃើញហេតុការណ៍នេះបានអោយដឹងថា ជនរងគ្រោះពីរនាក់ប្តីប្រពន្ធបានចេញមកពីមីក្រូហិរញ្ញវត្ថុ ប្រាសាក់បង់លុយសងទៅគ្រិះស្ថាននោះ លុះបានបង់លុយទៅមីក្រូហិរញ្ញវត្ថុ ប្រាសាក់រួចជនរងគ្រោះទាំងពីរនាក់បានបើកម៉ូតូម៉ាក់វាអាហ្វា ពណ៍ក្រហម គ្មានស្លាកលេខ ហើយពាក់មួកការពារសុវត្ថិភាពទាំងពីរ ដោយបត់ចេញមកឆ្ពោះទៅខាងស្ពានគីហ្សូណា ស្រាប់តែមានរថយន្តមួយគ្រឿង ម៉ាក់ហីយ៉ាដាយ ពណ៍ស ពាក់ស្លាក់លេខតាកែវ 3A-1551 ប្រាំផ្លៅ បើកបរដោយបុរសម្នាក់មិនស្គាល់អត្តសញ្ញាណ បុកពីក្រោយម៉ូតូជនរងគ្រោះកិនដៃម្ខាងឆ្វេងបណ្តាលស្ត្រីរងជនបាត់ខ្ទេច ចំណែកឯបុរសជាប្តីរងរបួសស្រាល ។

ក្រោយពេលហេតុភ្លាម សមត្ថកិច្ចបានមកឃាតបុរសម្នាក់ដែលបើករថយន្តបង្ក និងម៉ូតូជនរងគ្រោះយកទៅរក្សាទុកនៅអធិការក្រុងកំពង់ចាម ដើម្បីរង់ចាំដោះស្រាយតាមនីតិវិធី ចំពោះជនរងគ្រោះពីរនាក់ប្តីប្រពន្ធត្រូវរថយន្តសង្គ្រោះបន្ទាន់ដឹកយកទៅសង្គ្រោះនៅមន្ទីរពេទ្យខេត្តកំពង់ចាម៕

Read More...

អធិការដ្ឋាននគរបាល ក្រុងបាត់ដំបង បង្ហាញមុខក្រុំក្មេងទំនើងជាច្រើននាក់

អធិការដ្ឋាននគរបាលក្រុងបាត់ដំបងស្តីពីបង្ក្រាបករណីហិង្សាដោយចេតនា បង្កដោយក្រុមក្មេងទំនើងវាយតប និងកាប់គ្នាទៅវិញ ទៅមក ចាប់ឃាត់ខ្លួនបាន២៤នាក់
_កាលពីថ្ងៃទី 09.03.2017 វេលាម៉ោង 3 និង 30នាទី កំលាំងអធិការដ្ឋាននគរបាលក្រុងបាត់ដំបង បានចុះបង្ក្រាបក្រុមក្មេងទំនើងមួយក្រុមមាន បក្ខពួកចំនួន23នាក់បាន បង្កវាយតបគ្នានៅចំណុច សួនច្បារ សម្តេចស ខេង ស្ថិតក្រុមទី42 ភូមិរំចេក4 សង្កាត់ រតនៈ ក្រុង/ខេត្តបាត់ដំបង ក្នុងនោះ៖
1.ឈ្មោះ នឿត ស្រីមុំ ភេទស្រី
អាយុ20ឆ្នាំ រស់នៅសង្កាត់ចំការសំរោង ក្រុងបាត់ដំបង។
2.ឈ្មោះ គៀម ផាត់ត្រា ភេទស្រីអាយុ 15ឆ្នាំ រស់នៅភូមិវត្តតាមិម ស្រុកសង្កែ ខេត្តបាត់ដំបង។
3.ឈ្មោះ សឿត ចិន ភេទ ស្រី
អាយុ20ឆ្នាំ រស់នៅ ភូមិវត្តតាមិម ស្រុកសង្កែ ខេត្តបាត់ដំបង។
4.ឈ្មោះ ជឿន លាងហ៊ួ ភេទប្រុស អាយុ19ឆ្នាំ រស់នៅភូមិរំចេក4 សង្កាត់រតនៈ ក្រុងបាត់ដំបង។
5.ឈ្មោះ ភ័ណ្ឌ ផារី ភេទស្រី អាយុ 15ឆ្នាំ រស់នៅ ភូមិព្រៃទទឹងឃុំអូរតាគី ស្រុកថ្មគោល ខេត្តបាត់ដំបង។
6.ឈ្មោះ ណាក់ សំណាង ភេទស្រី អាយុ 15ឆ្នាំ រស់នៅភូមិព្រៃទទឹង ឃុំអូរតាគី ស្រុកថ្មគោល ខេត្តបាត់ដំបង។
7.ឈ្មោះ ណាក់ វិសាល ភេទស្រី អាយុ16ឆ្នាំ រស់នៅភូមិព្រៃទទឹង ឃុំអូរតាគី ស្រុកថ្មគោល ខេត្តបាត់ដំបង។
8.ឈ្មោះ វ៉ែន ឆវ៉ាន់ ភេទប្រុសអាយុ 22ឆ្នាំ រស់នៅភូមិករហាល ឃុំពាមឯក ស្រុកឯកភ្នំ ខេត្តបាត់ដំបង។
9.ឈ្មោះ ខុម សុធា ភេទប្រុសអាយុ24ឆ្នាំ រស់នៅភូមិករហាល
ឃុំពាមឯក ស្រុកឯកភ្នំ ខេត្តបាត់ដំបង។
10.ឈ្មោះ សេន វិសាល ភេទប្រុស អាយុ 24ឆ្នាំរស់នៅ ភូមិ អូរកំបុត ឃុំខ្ពប ស្រុកឯកភ្នំ
ខេត្តបាត់ដំបង។
11.ឈ្មោះ ខុន វ៉ាន់សាក់ ភេទប្រុសអាយុ20ឆ្នាំ រស់នៅភូមិករហាល ឃុំពាមឯក ស្រុកឯកភ្នំ ខេត្តបាត់ដំបង។
12.ឈ្មោះ ជាតិ វិសាល ភេទប្រុសអាយុ18ឆ្នាំ រស់នៅ ស្រុកឯកភ្នំ ខេត្តបាត់ដំបង។
13.ឈ្មោះ មួន សីហា ភេទប្រុស អាយុ23ឆ្នាំ រស់នៅស្រុកឯកភ្នំ ខេត្តបាត់ដំបង។
(ពុំមានផ្ទុកសារធាតុញៀនទេ អវិជ្ជមាន)
1.ឈ្មោះ ធួក នាវិត ភេទប្រុសអាយុ20ឆ្នាំ
2.ឈ្មោះ ហៀង សំណាង ភេទប្រុសអាយុ19ឆ្នាំ
3.ឈ្មោះ ដុង សុគុណ ភេទប្រុសអាយុ19ឆ្នាំ
4.ឈ្មោះ មឹុង ម៉េត ភេទប្រុស អាយុ 19ឆ្នាំ
5.ឈ្មោះ ចាន់ ភ័ត្រា ភេទស្រីអាយុ17ឆ្នាំ
6.ឈ្មោះ សំ វីណា ភេទស្រី
អាយុ19ឆ្នាំ
7.ឈ្មោះ សាយ ចាន់ណា ភេទស្រី អាយុ17ឆ្នាំ
8.ឈ្មោះ អ៊ួន រីណា ភេទស្រីអាយុ20ឆ្នាំ
9.ឈ្មោះ ឌិន ចិន ភេទប្រុសអាយុ18ឆ្នាំ
10.ឈ្មោះ ធឿន ផាន់ណេត ភេទប្រុសអាយុ19ឆ្នាំ។
(ធ្វើេតស្តទឹកនោមមានសារធាតុញៀន  វិជ្ជមាន (+) )
_រួចបញ្ជូនមកកាន់អធិការដ្ឋាន នគរបាលក្រុងបាត់ដំបង ដើម្បីអនុវត្តតាមនីតិវិធី។
_ករណីនេះ បានធ្វើការអប់រំ និងកិច្ចសន្យា ឲ្យអាណាព្យាបាលមកធានាយកទៅផ្ទះវិញនៅ09.03.2017

Read More...

ស្តីពីករណីលួច (យកម៉ាស៊ីនផ្សារដែកនិងម៉ូទ័រកាត់ដែក )

ស្តីពីករណីលួច (យកម៉ាស៊ីនផ្សារដែកនិងម៉ូទ័រកាត់ដែក )

-នៅថ្ងៃទី១៣-០៣-២០១៧ វេលាម៉ោង១២ម៉០០នាទី កម្លាំងនគរបាលប៉ុស្តិ៍ស្ទឹងមានជ័យ  បានទទួលឃាត់ខ្លួនជនសង្ស័យ០១នាក់ឈ្មោះ ប៉ែន ថាន ភេទ ប្រុស  អាយុ ២៩ ឆ្នាំ ជនជាតិខ្មែរ មុខរបរ ជាងផ្សារដែក ស្នាក់នៅក្នុងការដ្ឋានសំណង់ សង្កាត់ ដង្កោ ខណ្ឌ ដង្កោ រាជធានីភ្នំពេញ ពីបទលួច(យកម៉ាស៊ីនផ្សារដែកនិងម៉ូទ័រកាត់ដែក) របស់ជនរងគ្រោះឈ្មោះ ព្រីង យ៉ុង ភេទ ប្រុស អាយុ ៣២ ឆ្នាំ ជនជាតិ ខ្មែរ មុខរបរ មេជាងផ្សារដែក ស្នាក់នៅការដ្ឋានសំណង់បូរីប៉េងហួត ភូមិ ពងទាផុស សង្កាត់ ទួលសង្កែ ខណ្ឌ ឬស្សីកែវ រាជធានីភ្នំពេញ កាលពីថ្ងៃទី១១-០៣-២០១៧ វេលាម៉ោង១១ម៉០០នាទី នៅចំណុចក្នុងផ្ទះសង់ថ្មី ផ្លូវលំ ភូមិ ឬស្សី សង្កាត់ ស្ទឹងមានជ័យ ខណ្ឌមានជ័យ រាជធានីភ្នំពេញ ។ ក្នុងនោះយើងបានចាប់យកវត្ថុតាង៖ ម៉ាស៊ីនផ្សារដែក ចំនួន ០១ គ្រឿង  ។បច្ចុប្បន្នជនសង្ស័យខាងលើ ឃាត់ខ្លួននៅអធិការដ្ឋាន ដើម្បីកសាងសំណុំរឿង  ។

Read More...

បង្ក្រាបទីតាំងស្តុកឈើកែច្នៃអត់ច្បាប់២កន្លែង រឹបអូសឈើប្រណិតជាង៦០០ដុំ-បន្ទះម្ចាស់ទីតាំង....

បង្ក្រាបទីតាំងស្តុកឈើកែច្នៃអត់ច្បាប់២កន្លែង រឹបអូសឈើប្រណិតជាង៦០០ដុំ-បន្ទះ, ម្ចាស់ទីតាំងទម្លាយអ្នកទៅយកលុយ៖ នាយនគរបាលប៉ុស្តិ៍, មន្រ្តីរដ្ឋបាលព្រៃឈើ និងអាវុធហត្ថ

(កណ្ដាល)៖ ទីតាំងស្តុកឈើប្រណិត និងកែច្នៃឈើ២កន្លែង នៅក្នុងភូមិចំការចិន និងភូមិត្រពាំងត្នោត ឃុំម្កាក់ ស្រុកអង្គស្នួល ខេត្តកណ្តាល ត្រូវបានកម្លាំងនគរបាលប្រឆាំងបទល្មើសសេដ្ឋកិច្ច ខេត្តកណ្តាល សហការជាមួយនគរបាលស្រុកអង្គស្នួល ចុះទៅបង្ក្រាប និងរឹបអូសបានឈើប្រណិតចំនួន១១៥ដុំ ឈើបន្ទះ៥០១បន្ទះ ដកហូតម៉ាស៊ីនកែច្នៃឈើមួយចំនួន ព្រមទាំងឃាត់ខ្លួនម្ចាស់ទីតាំងបានម្នាក់ផងដែរ។

លោក មាន សំណាង អធិការនគរបាលស្រុកអង្គស្នួល បានឲ្យដឹងនៅថ្ងៃទី១៣ ខែមីនា ឆ្នាំ២០១៧នេះថា «ទីតាំងដែលយើងត្រូវបង្ក្រាបនោះ ទី១៖ ស្ថិតនៅក្នុងភូមិចំការចិន រឹបអូសឈើប្រណិត ប្រភេទធ្នង់ដុំ៩៧ដុំ និងឈើបន្ទះ៨៥បន្ទះ ស្មើ៥ម៉ែត្រគូប ម៉ាស៊ីនសម្រាប់ជ្រៀកកែច្នៃឈើមួយចំនួន និងទីតាំងមួយកន្លែងទៀត នៅក្នុងភូមិត្រពាំងត្នោត រឹបអូសឈើប្រណិតប្រភេទបេង៤ដុំ ឈើធ្នង់១២ដុំ ឈើបន្ទះ៤១៦សន្លឹក ដែលម្ចាស់ទីតាំងទាំងពីរនេះមានឈ្មោះ ផុន សុជាតិ ភេទប្រុសអាយុ៣៣ឆ្នាំ»។

លោកបានបន្តទៀតថា មុនពេលចុះបង្ក្រាបទីតាំងទាំងពីរកន្លែងនោះ បានធ្វើឡើងបន្ទាប់ពីទទួលព័ត៌មានពីមហាជនថា មានទីតាំងកែច្នៃឈើខាងលើ លួចដឹកឈើប្រណិតាមរថយន្តសេរីទំនើប ចូលមកទម្លាក់នៅពេលយប់ទាំងរថយន្តៗ។

ក្រោយទទួលបទបញ្ជាពីស្នងការនគរបាលខេត្តកណ្តាល និងមានការសហការពីជំនាញព្រៃឈើ ក៏ដូចជាកម្លាំងនគរបាលសេដ្ឋកិច្ចខេត្ត ព្រមទាំងមានការសម្របសម្រួលពីតំណាងអយ្យការ ទើបលោកបានដឹកនាំកម្លាំងចុះស្រាវជ្រាវរហូតឃើញ ប្រទះឃើញមុខសញ្ញាចូលទៅទម្លាក់ឈើ ទើបកម្លាំងចូលបង្ក្រាបបានរថយន្ត១គ្រឿងម៉ាក LEXUS RX-300 ពណ៌ស្ករ ពាក់ស្លាកលេខ ភ្នំពេញ2AH-2637 និងរថយន្តមួយគ្រឿងទៀតម៉ាក LEXUS RX-330បានព្យាយាមបើកគេចខ្លួនបាត់។

លោកបានបន្តថា ក្រោយកម្លាំងចូលបង្ក្រាបរួច និងឃាត់ម្ចាស់ទីតាំងខាងលើទើបដឹងថា នៅមានទីតាំងមួយកន្លែងទៀត នៅក្នុងភូមិត្រពាំងត្នោត ដែលជាទីតាំងសម្រាប់នាំយកឈើទៅស្តុក ចែកចាយបន្ត កែច្នៃ និងមានឈ្មួញនៅរង់ចាំទិញជាជនជាតិចិន-ជនជាតិវៀតណាម ទើបកម្លាំងបន្តទៅបង្ក្រាប ដោយរកឃើញឈើនៅក្នុងទីតាំងទី២ ឈើបេង៤ដុំ ឈើធ្នង់១២ដុំ ឈើបន្ទះ៤១៦សន្លឹកបន្ថែមទៀត។

លោក អ៊ុក ចាន់បូរិន នាយរងសង្កាត់ព្រៃឈើស្រុកអង្គស្នួល បានប្រាប់ក្រុមអ្នកសារព័ត៌មានឲ្យដឹងថា ក្រោយពីធ្វើការរាប់ និងវាស់រួចឃើញថា ឈើដុំមានជាង១០០ដុំ និងឈើបន្ទះ៥០០បន្ទះ ប៉ុន្តែមិនទាន់ដឹងប៉ុន្មានម៉ែត្រគូបទេ រង់ចាំបូកសរុបសិនដោយដឹកយកទៅរក្សានៅ សង្កាត់ព្រៃឈើ ស្រុកអង្គស្នួល ចំណែកម្ចាស់ទីតាំងលោកប្រគល់ ទៅឲ្យនគរបាល់ចាត់ការទៅតាមនីតិវិធីច្បាប់។

បើតាមចម្លើយម្ចាស់ទីតាំងខាងលើបានឲ្យដឹងថា ការរកស៊ីនេះពួកគេបានទំនាក់ទំនងជាមួយនាយប៉ុស្តិ៍ម្នាក់ក៏ដូចជា ជំនាញព្រៃឈើស្រុកអង្គស្នួល និងមន្ត្រីប៉េអឹមស្រុក ដោយជំនាញព្រៃឈើមកយកលុយដោយគិតជាក្បាលរទេះ ចំណែកប៉េអឹមស្រុកវិញ គឺបង់ជាខែតាមមន្ត្រីម្នាក់ ដែលជាមន្ត្រីប៉េអឹមផង បើមិនដូច្នេះគេមិនអាចធ្វើបាននោះទេ។

ប្រជាពលរដ្ឋនៅក្បែរទីតាំងកើតហេតុនោះ បាននិយាយថា ទីតាំងគឺធ្វើសកម្មភាពអាច្រៀកនៅតែពេលយប់នោះទេ ដោយជញ្ជូនឈើចូល និងលក់ចេញនៅពេលយប់ផងដែរ ដោយមានជនជាតិចិន និងវៀតណាមចាំទិញ បន្តដោយដឹកជញ្ជូនចេញបន្តតាមរយៈរថយន្តទ្រង់បិតជិត មានរថយន្តទំនើប២ទៅ៣គ្រឿងដើរមើលផ្លូវ។

លោក ណយ ពុទ្ធ មេភូមិត្រពាំងត្នោតបានបញ្ជាក់ឲ្យដឹងថា ទីតាំងនេះ លោកធ្លាប់សុំប័ណ្ណប៉ាតង់គេមើល គឺអស់សុពលភាពតាំងពីពាក់កណ្តាលខែធ្នូ ឆ្នាំ២០១៥ មកម្ល៉េះ៕

Read More...

ខឹងនឹងកូនស្រីទៅធ្វើប្រពន្ធចុងគេដែលសុខចិត្តរស់នៅជាមួយប្រពន្ធដើមគេទៀត.. ម្ដាយក៏ប្ដឹងថាគេចាប់កូនស្រីបង្ខាំងទុក

ខឹងនឹងកូនស្រីទៅធ្វើប្រពន្ធចុងគេដែលសុខចិត្តរស់នៅជាមួយប្រពន្ធដើមគេទៀត.. ម្ដាយក៏ប្ដឹងថាគេចាប់កូនស្រីបង្ខាំងទុក

ប៉ៃលិន៖ សមត្ថកិច្ចបាននាំគ្នាផ្អើលរត់ទៅកាន់ផ្ទះ កើតហេតុដើម្បីបង្ក្រាបភ្លាមៗក្រោយ ទទួលបានដំណឹងពី ព្រះរាជអាជ្ញារង អមសាលាឧទ្ទរណ៏ថាមានករណីបង្ខាំងក្មេងស្រីដើម្បីនាំចេញទៅក្រៅប្រទេស តែពេលសមត្ថកិច្ចចុះទៅដល់ទីតាំងកើតហេតុ បែរជារឿងផ្សេង មិនមានករណីបង្ខាំងមនុស្សដូចបណ្ដឹង នោះឡើយតាមពិតវាជារឿងស្ត្រីវ័យក្មេង ម្នាក់សុខចិត្តទៅធ្វើប្រពន្ធចុងគេដោយរស់នៅក្រោមដំបូលផ្ទះជាមួយប្រពន្ធដើមដោយសុខសាន្ត។

ហេតុការណ៏នេះ បានកើតឡើងកាលពីល្ងាចថ្ងៃទី១២ ខែមីនា ឆ្នាំ២០១៧កន្លងទៅនេះ ស្ថិតនៅចំណុចភូមិថ្មី ឃុំស្ទឹងកាច់ ស្រុកសាលាក្រៅ ខេត្តប៉ៃលិនគឺលំនៅឋានរបស់ឈ្មោះហ៊ីវ វណ្ណា ភេទប្រុស អាយុ ២៨ឆ្នាំ រស់នៅភូមិ ឃុំ កើតហេតុខាងលើ។តាមមន្ត្រីនគរបាលខេត្តប៉ៃលិនបានអោយដឹងថា នៅមុនពេលកើតហេតុគឺមាន សេចក្ដីរាយការណ៏ពីលោកពេញ វិបុល អគ្គព្រះរាជអាជ្ញារងអមសាលាឧទ្ទរណ៏ថាមានករណីបង្ខាំងក្មេងស្រីអាយុ១៦ឆ្នាំដើម្បីទុកនាំចេញដោយលោកអគ្គព្រះរាជអាជ្ញា អះអាងថាលោកទទួលបានបណ្ដឹងពីស្ត្រីជាម្ដាយក្មេងស្រីរងគ្រោះ។លុះពេលកម្លាំងជំនាញចុះទៅដល់ បានជួបនារីចំនួនពីរនាក់ ម្នាក់ឈ្មោះ លន់ និមល ភេទស្រី អាយុ ២០ឆ្នាំ (ជនសង្ស័យរងគ្រោះ) និងឈ្មោះ ជុំ ចន្ទ្រា ភេទស្រី អាយុ២៨ឆ្នាំ (ប្រពន្ធដើម) រួចក៏បានធ្វើការសាកសួរទៅលើនារីឈ្មោះ លន់ និមល នៅនឹងកន្លែងកើតហេតុ។

តាមចម្លើយ គឺពុំមានករណីចាប់បង្ខាំងមនុស្សដូចពាក្យម្តាយរបស់នាង(លន់ និមល)បានប្តឹងទៅអគ្គព្រះរាជអាជ្ញារង នៃសាលាឧទ្ធរណ៍នោះទេ គឺរូបនាងបានស្រឡាញ់គ្នា និងរស់នៅជាមួយបុរសឈ្មោះហុីវ វណ្ណាដែលមាន
ប្រពន្ធឈ្មោះជុំ ចន្ទ្រា អស់រយៈពេល៥ឆ្នាំកន្លងមកហើយ ពុំមាននរណាចាប់បង្ខាំងរូបនាងទុកនោះឡើយ ហើយហេតុការណ៍ខាងលើនេះកើតឡើងដោយសារ តែម្តាយរបស់នាងបានខឹងសម្បានឹងរូបនាង

ដោយមូលហេតុហៅនាងត្រឡប់ទៅផ្ទះវិញ តែនាងពុំព្រមទៅ និងព្រមនៅធ្វើជាប្រពន្ធចុងបុរសឈ្មោះហុីវ វណ្ណាទៀត។
បច្ចុប្បន្ននារីឈ្មោះលន់ និមល់ បានរស់នៅជាមួយប្តី និងប្រពន្ធដើមរបស់គេនៅក្រោមដំបូលផ្ទះតែមួយយ៉ាងសុខសាន្ត ស្ថិតក្នុងភូមិថ្មី ឃុំស្ទឹងកាច់ ស្រុកសាលាក្រៅ ខេត្តប៉ៃលិន ពុំមានបញ្ហាអ្វីឡើយ៕

Read More...

ភ្លើងឆាបឆេះ ផ្ទះតៀម ប្រក់ស័ង្កសី មួយខ្នងដោយសារ ទុសសេខ្សែភ្លើង

ខេត្តត្បូងឃ្មុំៈ ហេតុការណ៍ភ្ញាក់ផ្អើលនេះបានកើតឡើងនៅវេលាម៉ោង ៧៖៣០នាទីព្រឹក ថ្ងៃទី១៣ខែ មីនា ឆ្នាំ២០១៧ ស្ថិត នៅក្នុង ភូមិមង់ទី៧ ឃុំមង់រៀវ ស្រុក -ខេត្ត ត្បូងឃ្មុំ ។

ប្រភពព័ត៌មានពីសមត្ថកិច្ច បានឲ្យដឹងថា 

មានករណីភ្លើងឆេះផ្ទះប្រជាពលរដ្ឋឈ្មោះ ហែម សុភឿន ភេទប្រុស អាយុ៤០ឆ្នាំ ប្រពន្ធឈ្មោះអ៊ុង សុខន អាយុ៤២ឆ្នាំ មានកូនចំនួន០៣នាក់

។ ផ្ទះដែលអគ្គិភ័យឆាបឆេះនោះមាន ទំហំ ៥ម×៧ម កំពស់២ម ប្រក់ស័ង្កសី ជញ្ជាំងស័ង្កសីនិងបន្ទាំ ហើយមូលហេតុនៃអគ្គិភ័យនេះគឺបណ្តាលមកពី ទុសសេ ខ្សែភ្លើង។

ក្នុងខណះពេល ម្ចាស់ផ្ទះ អត់នៅទៅបេះស្វាយចន្ទី នៅ ខេត្តមណ្ឌលគីរី នៅតែកូនស្រី០១នាក់ នៅចាំផ្ទះ។ 

អគ្គិភ័យនេះបណ្តាលឲ្យខូចខាត ផ្ទះតៀម មួយខ្នងនិង

 ឆេះម៉ូតូ ឆាលី០១គ្រឿង ខោអាវនិងសំភារះមួយចំនួន ទៀត។

Read More...

ថៃប្រមូលគ្រាប់បែកដៃតាមបន្ទាត់ព្រំដែនបានចំនួន៣០០គ្រាប់ធ្វើការកម្ទេចចោល

បរទេសថៃ ៖ គ្រាប់បែកដៃចំនួន៣០០គ្រាប់  ដែលជាប្រភេទគ្រាប់បែកផលិតនៅប្រទេស

 អាមេរិក ( ផ្លែទឹកដោះគោ ) ដែលភាគីថៃបានអះអាងថាបានមកពីការប្រមូលតាមខ្សែបន្ទាត់ ព្រំដែនកម្ពុជា ថៃ ក្នុងទឹកដីខេត្តស្រះកែវ  ត្រូវបាននាំយកទៅកម្ទេចចោល  ព្រោះវាគឺជាយុទ្ធភ័ណ្ឌដែលអាចសំលាប់ជីវិតមនុស្សបានយ៉ាងងាយ ។

 យោងតាមការចេញផ្សាយរបស់ស្ថានីយ៍ទូរទស្សន៍ប៉ុស្តិ៍លេខ៣ ថៃ  បានបញ្ជាក់ថា  នៅ ល្ងាចថ្ងៃទី ៩  ខែមីនា  ឆ្នាំ២០១៧  នៅក្នុងទឹកដីខេត្តស្រះកែវ  ប្រទេសថៃ  មានការរៀបចំកម្ទេចចោលនូវប្រភេទគ្រាប់បែកដៃ M 27 ដែលជាប្រភេទគ្រាប់បែកផ្លែទឹកដោះគោ

 ផលិតនៅប្រទេសអាមេរិកកាំង ចំនួន ៣០០ គ្រាប់ ។ លោក ស៊ុតហម សារ៉ាវ៉ាត់  បញ្ជាការតម្រួតការពារព្រំដែនលេខ១២  បានបញ្ជាក់ថា

រយៈពេលប៉ុន្មានថ្ងៃ  បើគិតមកទល់នឹងថ្ងៃទី ៩  ខែមីនា  ឆ្នាំ២០១៧  គឺលោកបានដាក់កំលាំងចុះប្រមូលយុទ្ធភ័ណ្ឌមិនទាន់ផ្ទុះដែលនៅសេសសល់លើខ្សែបន្ទាត់ព្រំដែនថៃ កម្ពុជា  ដោយចាប់ពីបង្គោលសីមាលេខ ៤៣  ក្នុងខេត្តបន្ទាយមានជ័យ  និងជា

ព្រំប្រទល់របស់ខេត្តស្រះកែវ  ជាមួយនឹងខេត្តបន្ទាយមានជ័យ  រហូតមកទល់នឹងខ្សែ បន្ទាត់ជាប់នឹងព្រំដែនខេត្តបាត់ដំបង  ជាលទ្ធផលក្រុមតម្រួតព្រំដែនរបស់លោក  បាន ប្រមូលគ្រាប់បែកដៃ  ដែលយោធាកម្ពុជា បានដាក់ពង្រាយការពារតាមខ្សែបន្ទាត់ព្រំដែន

 កាលពីសម័យសង្គ្រាម  ដើម្បីក្តីសុខជូនប្រជាពលរដ្ឋទាំងក្នុងបករទេស  ក៏ដូចជាតាម បណ្តោយខ្សែបន្ទាត់ព្រំដែនកម្ពុជា ថៃ យ៉ាងដូច្នេះដែរ ។ 

 លោកបានសង្កត់ធ្ងន់ថា  កន្លងមកនៅតាមខ្សែបន្ទាត់ព្រំដែនក៏ធ្លាប់មានគ្រោះថ្នាក់ដោយសារយុទ្ធភ័ណ្ឌមិនទាន់ផ្ទុះទាំងនេះដែរ  រហូតធ្វើអោយមានប្រជាពលរដ្ឋទាំងសងខាងរងរបួសនិងគ្រោះថ្នាក់ដល់អាយុជីវិតក៏មាន ដោយសារតែការលបឆ្លងដែនខុសច្បាប់ដើម្បីចេញ ចូល

 ទៅរកផល អនុផល ព្រៃឈើ ជាដើម ។ល។  ដោយយល់ឃើញថា បញ្ហានេះវាអាចប្រឈមមុខទៅនឹងការគម្រាមកំហែងដល់អាយុជីវិតប្រជាណលរដ្ឋផងនោះ  ទើបមានការ ដាក់កំលាំងចុះប្រមូលគ្រាប់ទាំងនេះចេញអោយអស់ពីលើខ្សែបន្ទាយ់ព្រំដែនផងដែរ ។ 

 នៅល្ងាចថ្ងៃទី៩  ខែមីនា នោះដែរ  ក៏មានការរៀបចំធ្វើការកម្ទេចចោល នូវគ្រាប់បែកដៃ ប្រភេទ M 27 ទាំង ៣០០ គ្រាប់នោះដែរ  ដែលបានប្រព្រឹត្តឡើងនៅក្នុងទឹកដីនៃខេត្តស្រះកែវ  ប្រទេសថៃ ។

 ជុំវិញការផ្សាយព័ត៌មានដែលបានលើកឡើងពាក់ព័ន្ធនឹងការទំលាក់មកលើកងទ័ពកម្ពុជា ជាអ្នកដាក់ពង្រាយគ្រាប់បែកទាំងនេះ  នៅតាមខ្សែបន្ទាត់ព្រំដែនកម្ពុជា ថៃ  ក្នុងខេត្តបាត់ដំបង  និងខេត្តបន្ទាយមានជ័យ  លោក ពុំ ចាន់  ស្នងការរង នៃស្នងការដ្ឋាន នគរបាល

 ខេត្តបាត់ដំបង  ទទួលផែនការងារព្រំដែន  បានមានប្រសាសន៍កាលពីព្រឹកថ្ងៃទី ១០ ខែមីនា  ឆ្នាំ២០១៧ នេះថា  លោកសុំធ្វើការបដិសេធចំពោះការលើកឡើងបែបនេះ ព្រោះរយៈកាលកន្លងមក  ភាគីកម្ពុជា  ក៏មានធ្វើការប្រមូលនូវយុទ្ធភ័ណ្ឌមិនទាន់ផ្ទុះ

 តាមខ្សែបន្ទាត់ព្រំដែនដែរ  ប៉ុន្តែគឺដោះបានតែគ្រាប់មីនតែប៉ុណ្ណោះព្រមទាំងបានធ្វើការ កម្ទេចចោលភ្លាមៗនោះដែរ  នោះទើបពិតជាគ្រាប់ដែលនៅសេសសល់ពីសម័យសង្គ្រាមយ៉ាងពិតប្រាកដ ។ លោកស្នងការរងបានសង្កត់ធ្ងន់ថា  ចំពោះគ្រាប់បែកប្រភេទ M 27 ដែលផលិតឡើង នៅប្រទេសអាមេរិកនោះ គឺមិនមែនជាគ្រាប់បែកដៃដែលកងកំលាំងប្រដាប់អាវុធកម្ពុជា ជាអ្នកដាក់បង្កៃនោះឡើយ  ហើយក្រុមតម្រួតថៃក៏មិនមានសិទ្ធិមកដោះគ្រាប់ទាំងនេះនៅក្នុងទឹកដីកម្ពុជាបានដែរ  ដូច្នេះមានន័យថាគេដោះនៅក្នុងទឹកដីរបស់គេ  ហើយក៏   ជាគ្រាប់បែកដៃរបស់គេផងដែរ  ដែលបញ្ហានេះអាចប្រឈមមុខនឹងគ្រោះថ្នាក់ជាទីបំផុត សម្រាប់ប្រជាពលរដ្ឋដែលបានធ្ចើដំណើរឆ្លងកាត់តំបន់ដែលគេបានដាក់បង្កៃគ្រាប់បែកដៃទាំងនេះ ៕

Read More...

ជនជាតិខ្មែរម្នាក់ ត្រូវថៃឃាត់ខ្លួនពីបទជួញដូរគ្រឿងញៀនឆ្លងដែនខុសច្បាប់

​

ប្រទេសថៃ ៖ យុវជនម្នាក់ដែលជាជនជាតិខ្មែរ  ត្រូវបានក្រុមតម្រួតការពារព្រំដែនថៃ
ចាប់ខ្លួន  ព្រមទាំងបានបញ្ជូនទៅដំណើរការតាមនិតិវិធីច្បាប់ក្នុងប្រទេសថៃ  ខណៈដែល
ជនសង្ស័យរូបនេះ  បានទិញគ្រឿងញៀនពីក្នុងទឹកដីកម្ពុជា  ដើម្បីនាំយកទៅលក់
អោយអ្នកប្រើប្រាស់នៅក្នុងទឹកដីថៃ  តែត្រូវចាប់ខ្លួនបាននៅត្រង់មាត់ទ្វារច្រកអន្តរជាតិ
តែម្តង ។

យោងតាមរបាយការរបស់ក្រុមតម្រួតថៃបានអោយដឹងថា  នៅវេលាម៉ោង ៨ និង ៣០នាទី
យប់ថ្ងៃទី ១១  ខែមីនា  ឆ្នាំ២០១៧  ត្រង់ចំណុចបានឡែម  ទល់នឹងច្រកអន្តរជាតិដូង
ស្ថិតក្នុងភូមិ៤  ឃុំទេពនិមិត្រ  ស្រុកពោងណាំរ៉ន  ខេត្តច័ន្ទបុរី  ប្រទេសថៃ  មានការ
ឃាត់ខ្លួនយុវជនម្នាក់  បន្ទាប់ពីក្រុមតម្រួតការពារព្រំដែនលេខ ៥២១  ទទួលបានព័ត៌មាន
ពីកំលាំង ក ស រួចមក ។

ជនសង្ស័យដែលថៃចាប់ខ្លួនមានឈ្មោះ ឡា ដារ៉ា  ភេទប្រុស  អាយុ២៩ឆ្នាំ  ជាជនជាតិខ្មែរ
ដោយគេបានទិញគ្រឿងញៀនប្រភេទយ៉ាម៉ាពីក្នុងទឹកដីនៃស្រុកកំរៀង ខេត្តបាត់ដំបង ក្នុងមួយគ្រាប់តម្លៃ ១០០ បាត ដោយនាំឆ្លងដែនយកទៅលក់អោយកម្មករ  ឬអ្នកប្រើប្រាស់នៅក្នុងទឹកដីថៃ នៃខេត្តច័ន្ទបុរី ។

នៅក្នុងកិច្ចប្រតិបត្តិការនេះ  តម្រួតថៃបានឆែកឆេររកឃើញថ្នាំញៀនប្រភេទយ៉ាម៉ា
ចំនួន៣៥គ្រាប់  ដែលជនសង្ស័យខាងលើ  បានច្រកនៅក្នុងកូនថង់ផ្លាស្ទិក  ហើយលាក់
ក្នុងហោបៅ៉ខោខាងស្តាំ ។ បច្ចុប្បន្នក្រោយពីទទួលបានចំលើយសារភាពរួចមក  កំលាំង
តម្រួតការពារព្រំដែនបានរៀបចំបញ្ជូនខ្លួនជនសង្ស័យ  រួមជាមួយនឹងវត្ថុតាង  ទៅកាន់
អធិការដ្ឋាន  តម្រួតពោងណាំរ៉នហើយ  ដើម្បីចាត់ការតាមផ្លូវច្បាប់ ៕

Read More...