နောက်ဆုံးအပ်ဒိတ်လုပ်ချိန်- ၂၀၂၁ မတ် ၃

Tenor တွင် Tenor မိုဘိုင်း အက်ပ်၊ http://tenor.com ရှိ Tenor ၏ဝဘ်ဆိုက်၊ Tenor နောက်ဆက်တွဲများနှင့် Tenor API တို့ ပါဝင်သည်။ Tenor API သည် ပြင်ပကုမ္ပဏီ၏ စက်ပစ္စည်း (သို့) ဝန်ဆောင်မှုများနှင့် ပေါင်းစည်းထားနိုင်သော်လည်း Tenor နှင့်သက်ဆိုင်သော ဝန်ဆောင်မှုမှန်သမျှကို Google က ပံ့ပိုးသည်။

Tenor အသုံးပြုရန် သင်သည် (၁) Google ဝန်ဆောင်မှုစည်းမျဉ်းများ နှင့် (၂) ဤ Tenor ထပ်ဆောင်း ဝန်ဆောင်မှုစည်းမျဉ်းများ (“Tenor ထပ်ဆောင်းစည်းမျဉ်းများ”) ကို သဘောတူရပါမည်။

ဤမှတ်တမ်းတစ်ခုချင်းစီကို သေချာစွာဖတ်ပါ။ ဤမှတ်တမ်းများကို အားလုံးစုပေါင်း၍ “စည်းမျဉ်းများ” ဟုခေါ်သည်။ ကျွန်ုပ်တို့၏ ဝန်ဆောင်မှုများကို သင်အသုံးပြုသောကြောင့် ကျွန်ုပ်တို့ထံမှ သင်မျှော်လင့်နိုင်သည့် အရာများနှင့် သင့်ထံမှ ကျွန်ုပ်တို့မျှော်လင့်သည့် အရာများကို ၎င်းစည်းမျဉ်းများတွင် ဖော်ပြထားပါသည်။

‘Tenor ထပ်ဆောင်းစည်းမျဉ်းများ’ သည် Google ဝန်ဆောင်မှုစည်းမျဉ်းများ နှင့် ကွဲလွဲပါက ဤ ‘ထပ်ဆောင်းစည်းမျဉ်းများ’ ကို Tenor အတွက် အသုံးပြုပါမည်။

ဤ ‘စည်းမျဉ်းများ’ တွင် မပါဝင်သော်လည်း သင့်အချက်အလက်များ အပ်ဒိတ်လုပ်ခြင်း၊ စီမံခြင်း၊ ထုတ်ယူခြင်းနှင့် ဖျက်ခြင်း တို့ကို မည်သို့ပြုလုပ်နိုင်ကြောင်း ပိုမိုနားလည်ရန်အတွက် ကျွန်ုပ်တို့၏ ကိုယ်ရေးအချက်အလက်လုံခြုံမှုဆိုင်ရာ မူဝါဒ ကိုဖတ်ရန် တိုက်တွန်းပါသည်။

၁။ သင်၏အကြောင်းအရာ။

Tenor သည် အကြောင်းအရာ တင်သွင်းရန်၊ သိမ်းရန်၊ ပို့ရန်၊ လက်ခံရန် (သို့) မျှဝေရန် သင့်ကိုခွင့်ပြုသည်။ သင်၏အကြောင်းအရာကို ‘Google ဝန်ဆောင်မှုစည်းမျဉ်းများ’ တွင် ဖော်ပြထားသည့်အတိုင်း Google အား သုံးခွင့်ပြုထားသည့်အတွက် — Tenor တွင် အကြောင်းအရာအပ်လုဒ်လုပ်ပါက ထိုအကြောင်းအရာကို အသုံးပြုသူများအား ပြသနိုင်ပြီး ညွှန်ကြားသည့်အခါ မျှဝေနိုင်သည်။ ထိုအသုံးပြုသူများ (Tenor API မှတစ်ဆင့် အကြောင်းအရာကို ဝင်ကြည့်သော အသုံးပြုသူများအပါအဝင်) သည် ထိုအကြောင်းအရာကို ကြည့်ရှု၊ မျှဝေပြီး ပြုပြင်နိုင်သည်။

၂။ တားမြစ်အကြောင်းအရာ။

၂.၁။ သင်သည် စီးပွားဖြစ်ရည်ရွယ်ချက်တစ်ခုခုအတွက် (သို့) ပြင်ပကုမ္ပဏီတစ်ခုခု၏ အကျိုးခံစားခွင့်အတွက် Tenor ကို အသုံးမပြုရပါ။

၂.၂။ ‘Google ဝန်ဆောင်မှုစည်းမျဉ်းများ’ တွင် ရှင်းပြထားသည့်အတိုင်း လူတိုင်းအတွက်လေးစားမှုရှိသော ပတ်ဝန်းကျင်ကို ထိန်းသိမ်းလိုပါသည်။ Tenor အသုံးပြုချိန်တွင် ကျွန်ုပ်တို့၏ ပရိုဂရမ် မူဝါဒများ နှင့် ‘Google ဝန်ဆောင်မှုစည်းမျဉ်းများ’ တွင် ဖော်ပြထားသည့် အခြေခံကျင့်ဝတ်စည်းမျဉ်းများကို လိုက်နာရပါမည်။ အထူးသဖြင့် Tenor အသုံးပြုချိန်တွင် မပြုလုပ်ရမည်များကို ဖော်ပြထားသည်-

က။ အောက်ပါအကြောင်းအရာများ တင်သွင်းခြင်း၊ သိမ်းခြင်း၊ ပို့ခြင်း (သို့) မျှဝေခြင်း မပြုလုပ်ရပါ-

၁။ တစ်စုံတစ်ဦး၏ ဉာဏပစ္စည်း ပိုင်ဆိုင်မှု မူပိုင်ခွင့် (သို့) ထုတ်ဝေခွင့် (သို့) ကိုယ်ရေးအချက်အလက်လုံခြုံမှုဆိုင်ရာ အခွင့်အရေးများကို ထိပါးသော၊ အလွဲသုံးစားပြုသော (သို့) ချိုးဖောက်သော အကြောင်းအရာအားလုံး အပါအဝင် သက်ဆိုင်ရာဥပဒေ (သို့) အခြားသူများ၏အခွင့်အရေးကို ချိုးဖောက်သော (သို့) ချိုးဖောက်မည့် ဆောင်ရွက်ချက်တစ်ခုခုကို အားပေးသော၊

၂။ အခြားပုဂ္ဂိုလ်တစ်ဦးဦး၏ ကြိုတင်ခွင့်ပြုချက်မရဘဲ ၎င်းအကြောင်း ကိုယ်ရေးကိုယ်တာ (သို့) ဆက်သွယ်ရန် အချက်အလက်များ ပါဝင်သော၊

၃။ တရားမဝင်သည့် (သို့) အန္တရာယ်ရှိသည့် လုပ်ဆောင်ချက်များ (သို့) အရာများကို အားပေးသော၊

၄။ လိမ်ညာသော၊ အထင်မှားစေသော (သို့) လှည့်စားသော၊

၅။ မှားယွင်းသော (သို့) အသရေဖျက်သော၊

၆။ ညစ်ညမ်းသော (သို့) ကာမစိတ်ဖြစ်စေသော၊

၇။ တစ်ဦးချင်း (သို့) အဖွဲ့တစ်ဖွဲ့ကို ခွဲခြားဆက်ဆံခြင်း၊ တစ်ယူသန်အမူအကျင့်၊ လူမျိုးခြားမုန်းတီးဖိနှိပ်ခြင်း၊ အမုန်းပွားခြင်း၊ အနှောင့်အယှက်ပေးခြင်း (သို့) ထိခိုက်နစ်နာစေခြင်းတို့ကို အားပေးသော (သို့) ၎င်းတို့ပါဝင်သော၊

၈။ အကြမ်းဖက်သော (သို့) ခြိမ်းခြောက်သော (သို့) အကြမ်းဖက်မှု (သို့) တစ်ဦးချင်း၊ အဖွဲ့ (သို့) အဖွဲ့အစည်းတစ်ခုခုကို ခြိမ်းခြောက်သည့် လုပ်ဆောင်ချက်များကို အားပေးသော သို့မဟုတ်

ခ။ အီးမေးလ်၊ စာ၊ စပမ်း၊ အတွဲလိုက်စာများ (သို့) အခြားမြှူဆွယ်မှုများအပါအဝင် မလိုလားအပ်သော (သို့) ခွင့်ပြုချက်ရမထားသော ကြော်ငြာများ၊ ပရိုမိုးရှင်းအကြောင်းအရာများ (သို့) ဆက်သွယ်မှုများ ပို့ခြင်း။

၂.၃။ မသင့်လျော်၊ တရားမဝင် (သို့) သဟဇာတမဖြစ်ဟု အကဲဖြတ်ထားသော အကြောင်းအရာတိုင်းကို ကန့်သတ် (သို့) ဖယ်ရှားနိုင်သည်။ ကျွန်ုပ်တို့၏ ဝန်ဆောင်မှုများဖြင့် ထုတ်လုပ်ထား (သို့) ၎င်းဝန်ဆောင်မှုများသို့ အပ်လုဒ်လုပ်ထားပြီး ဤစည်းမျဉ်းများနှင့် Google ဝန်ဆောင်မှုစည်းမျဉ်းများ ကဲ့သို့သော မူဝါဒများကို ချိုးဖောက်သည့် အကြောင်းအရာများကို သို့မဟုတ် ဥပဒေချိုးဖောက်သည့်အကြောင်းအရာများကို ခွဲခြားဖော်ထုတ်ပြီး အကဲဖြတ်ရန် စနစ်များကို ပေါင်းစပ်အသုံးပြုသည်။ သို့သော် တစ်ခါတစ်ရံ ကျွန်ုပ်တို့ အမှားပြုလုပ်မိကြောင်း နားလည်ပါသည်။ သင့်အကြောင်းအရာသည် ဤစည်းမျဉ်းများကို မချိုးဖောက်ဟု (သို့) မှားယွင်းဖယ်ရှားခံရသည်ဟု ယူဆပါက အယူခံဝင်နိုင်သည်။

သင်သည် အောက်ပါတို့ ပြုလုပ်ပါက ကျွန်ုပ်တို့၏ ဝန်ဆောင်မှု အသုံးပြုခြင်းမှ ကန့်သတ်ခံရနိုင်သည် သို့မဟုတ် သင့်အကောင့်ကို ဆိုင်းငံ့ (သို့) ရပ်စဲထားနိုင်သည်-

ဤစည်းမျဉ်းများကို အခြေခံအားဖြင့် (သို့) အကြိမ်ကြိမ်ချိုးဖောက်ခြင်း၊
ကျွန်ုပ်တို့သည် ဥပဒေအရ လိုအပ်ချက် (သို့) တရားရုံးအမိန့်ကို လိုက်နာရန်အတွက် ထိုသို့ပြုလုပ်ရန် လိုအပ်သည်၊
သင့်လုပ်ရပ်သည် အသုံးပြုသူ၊ ပြင်ပကုမ္ပဏီ (သို့) Tenor အပေါ် ထိခိုက်စေသည်/ဥပဒေအရ တာဝန်ရှိသည်ဟု ကျိုးကြောင်းဆီလျော်စွာ ယူဆပါသည်။ ဥပမာအားဖြင့် ဟက်လုပ်ခြင်း၊ အယောင်ဆောင် ဖြားယောင်းခြင်း၊ အနှောင့်အယှက်ပေးခြင်း၊ စပမ်းမက်ဆေ့ဂျ်ပို့ခြင်း၊ အခြားသူများအား အထင်အမြင်မှားစေခြင်း (သို့) သင်မပိုင်ဆိုင်သော သို့မဟုတ် သင် ပို့ထား၊ သိမ်းထား၊ မျှဝေထားသော အကြောင်းအရာကို ခြစ်ကုတ်ယူခြင်း သို့မဟုတ် ‘တားမြစ်အကြောင်းအရာ’ တစ်ခုခုကို ပို့ခြင်း။

အကောင့်များကို ပိတ်ရသည့် အကြောင်းရင်း၊ ကျွန်ုပ်တို့ လုပ်ဆောင်သည့်အခါ ဖြစ်လာမည့်အရာနှင့် ပတ်သက်၍ ပိုမိုသိရှိရန် ဤ ‘ကူညီရေးဌာန’ ဆောင်းပါး ကိုကြည့်ပါ။ သင်၏ ‘Tenor အကောင့်’ ကို မှားယွင်းစွာ ဆိုင်းငံ့ (သို့) ရပ်စဲထားသည်ဟု ယူဆပါက အယူခံဝင်နိုင်သည်။

Im Not Hundred Percent Sure