Mara ya Mwisho Kusasishwa: Tarehe 3 Machi, 2021

Tenor inajumuisha programu ya vifaa vya mkononi ya Tenor, tovuti ya Tenor inayopatikana katika http://tenor.com, viendelezi vya Tenor na API ya Tenor. API ya Tenor inaweza kuunganishwa na vifaa au huduma nyingine, lakini huduma zozote zinazohusiana na Tenor zinatolewa na Google.

Ili utumie Tenor, ni sharti ukubali (1) Sheria na Masharti ya Google na (2) Sheria na Masharti haya ya Ziada ya Tenor ("Masharti ya Ziada ya Tenor").

Tafadhali soma kwa makini hati hizi zote. Kwa pamoja, hati hizi zinajulikana kama "Masharti". Zinaelezea kile unachoweza kutarajia kutoka kwetu pale unapotumia huduma zetu na kile tunachotarajia kutoka kwako.

Iwapo Masharti haya ya Ziada ya Tenor yanakinzana na Sheria na Masharti ya Google, Masharti haya ya Ziada yatatumika kusimamia Tenor.

Ingawa si sehemu ya Masharti haya, tunakuhimiza usome Sera yetu ya Faragha ili uelewe zaidi jinsi unavyoweza kusasisha, kudhibiti, kuhamisha na kufuta maelezo yako.

1. Maudhui Yako.

Tenor inakuwezesha kuwasilisha, kuhifadhi, kutuma, kupokea au kutumia kwa pamoja maudhui yako. Google ina leseni ya kutumia maudhui yako kama ilivyofafanuliwa kwenye Sheria na Masharti ya Google, hivyo endapo utapakia maudhui kwenye Tenor, tunaweza kuonyesha maudhui hayo kwa watumiaji na kuyatuma pale tutakapoelekezwa, na watumiaji hao (ikijumuisha watumiaji wanaofikia maudhui kupitia API ya Tenor) wanaweza kutazama, kutuma na kurekebisha maudhui hayo.

2. Maudhui Yaliyopigwa Marufuku.

2.1 Usitumie Tenor kwa madhumuni yoyote ya kibiashara au kwa manufaa ya washirika wengine.

2.2 Jinsi tulivyofafanua kwenye Sheria na Masharti ya Google, tungependa kudumisha mazingira yenye heshima kwa kila mtu. Unapotumia Tenor, ni lazima ufuate Sera za Mpango wetu na kanuni za msingi za matendo zilizofafanuliwa katika Sheria na Masharti ya Google. Hususani, wakati unapotumia Tenor, hupaswi:

a. kuwasilisha, kuhifadhi, kutuma au kuruhusu ufikiaji wa maudhui yoyote ambayo:

i. yanakiuka au kuhimiza matendo yoyote ambayo yatakiuka sheria zinazotumika au haki za wengine, ikiwa ni pamoja na maudhui yoyote ambayo yanakiuka au yanatumia vibaya haki za uvumbuzi au haki za utangazaji au faragha ya mtu mwingine;

ii. yanajumuisha taarifa binafsi au maelezo ya mawasiliano kuhusu mtu mwingine yeyote bila idhini yake;

iii. yanahimiza vitu au shughuli hatari au zinazokiuka sheria;

iv. ni ya ulaghai, yanapotosha au si ya kweli;

v. ni ya uongo au yanakashifu;

vi. ni machafu au ya kiponografia;

vii. yanahimiza au kujumuisha ubaguzi, ulokole, ubaguzi wa rangi, chuki, unyanyasaji au madhara kwa mtu binafsi au kikundi;

viii. ni ya vurugu au yanatishia au yanahimiza vurugu au vitendo vinavyotisha mtu binafsi, kikundi au shirika; au

b. kutuma matangazo, nyenzo za utangazaji au mawasiliano yoyote ambayo hayajaombwa au hayajaidhinishwa, ikiwa ni pamoja na barua pepe, barua ya posta, taka, barua zinazosambazwa kwa wengi au njia nyingine za maombi yasiyohitajika.

2.3 Huenda maudhui yoyote yaliyotathminiwa kuwa yasiyofaa, yaliyo kinyume cha sheria au yasiyolingana yakazuiwa au kuondolewa. Tunatumia mseto wa mifumo kutambua na kutathmini maudhui yanayotayarishwa au kupakiwa katika huduma zetu, ambayo yanakiuka sera zetu, kama vile sheria na masharti haya, Sheria na Masharti ya Google, au yanayokiuka sheria za nchi husika. Hata hivyo tunafahamu kuwa wakati mwingine tunakosea. Iwapo unafikiri kuwa maudhui yako hayakiuki sheria na masharti haya au yaliondolewa kimakosa, unaweza kukata rufaa.

Unaweza kuzuiwa kutumia huduma zetu au akaunti yako isimamishwe au ifungwe iwapo:

umekiuka mara kwa mara au kwa kiasi kikubwa sheria na masharti haya;
tunatakiwa kufanya hivyo ili kutii mahitaji ya kisheria au amri ya mahakama;
Tuna sababu ya kuamini kuwa matendo yako yanasababisha madhara au dhima kwa mtumiaji, mshirika mwingine, au Tenor - kwa mfano, kwa kudukua, kuiba data binafsi, kunyanyasa, kutuma taka, kupotosha wengine au kukusanya maudhui ya wengine au umewasilisha, kuhifadhi, kuruhusu ufikiaji au kutuma Maudhui yoyote Yaliyopigwa Marufuku.

Ili upate maelezo zaidi kuhusu kwa nini tunafunga akaunti na kinachotokea baada ya kufunga, angalia makala haya ya Kituo cha Usaidizi. Iwapo unaamini kuwa Akaunti yako ya Tenor imesimamishwa au kufungwa kimakosa, unaweza kukata rufaa.

Kiss Stephan GIF

Shiriki URL

Pachika

Maelezo

GIF zinazohusiana