Kariya

Para sa ibang mga gamit, tingnan ang Kariya (paglilinaw).

Kariya 刈谷市
Lungsod
Panoramang urbano ng Kariya
Watawat Sagisag
Kinaroroonan ng Kariya sa Prepektura ng Aichi
Kariya
Mga koordinado: 34°59′21.4″N 137°0′7.7″E
Bansa	Hapon
Rehiyon	Chūbu (Tōkai)
Prepektura	Aichi
Pamahalaan
Lawak
• Kabuuan	50.39 km2 (19.46 milya kuwadrado)
Populasyon  (Oktubre 1, 2019)
• Kabuuan	153,162
• Kapal	3,000/km2 (7,900/milya kuwadrado)
Sona ng oras	UTC+9 (Pamantayang Oras ng Hapon)
- Puno	Camphor Laurel
- Bulaklak	Iris laevigata
Bilang pantawag	0566-23-1111
Adres	1-1 Tōyōchō, Kariya-shi, Aichi-ken 448-8501
Websayt	Opisyal na website

Ang Kariya (刈谷市, Kariya-shi) ay isang lungsod sa gitnang bahagi ng Prepektura ng Aichi, Hapon. Magmula noong 1 Oktubre 2019 (2019 -10-01), ito ay may tinatayang populasyon na 153,162 katao sa 66,751 mga kabahayan, at may kapal ng populasyon na 3,040 mga tao sa bawat kilometro kuwadrado. Ang kabuoang lawak ng lungsod ay 50.39 square kilometre (19.46 mi kuw).

Kasaysayan

Isang bayang kastilyo ang Kariya sa panahong Sengoku, sa isang lugar na pinagtatalunan ng mga angkang Imagawa, Oda at samu't-saring pampook na mga lider-militar, tulad ng angkang Mizuno at angkang Matsudaira. Muling itinayo ni Mizuno Tadamasa ang lolo ni Tokugawa Ieyasu sa panig ng ina, ang Kastilyo ng Kariya noong kalagitnaan ng ika-16 dantaon. Bihasang ipinagpalit ng angkang Mizuno ang kanilang katapatan sa pagitan ng angkang Imagawa sa Oda Nobunaga at sa Toyotomi Hideyoshi, na ipinalipat ang angkan sa Lalawigan ng Ise. Ngunit pinayagan ni Ieyasu si Mizuno Katsunari, ang apo ni Tadamasa, na bumalik sa mga lupain ng kanilang mga ninuno pagkaraan ng Labanan sa Sekigahara bilang daimyō sa Dominyong Kariya, isang piyudal na han sa ilalim ng kasugunang Tokugawa. Muling itinakda ang dominyo sa maraming mga angkan sa kasagsagan ng panahong Edo, subalit pinanatili ng angkang Doi mula 1734 hanggang sa Pagpapanumbalik ng Meiji.

Kasunod ng Pagpapanumbalik ng Meiji, itinatag ang bayan ng Kariya sa loob ng Distrito ng Hekikai, Prepektura ng Aichi kasabay ng pagtatatag ng makabagong sistema ng mga munisipalidad noong Oktubre 1, 1889. Lumago ang bayan bilang sentro ng komersiyo, paggawa ng sake, serikultura at seramiko dahil sa kinaroroonan nito sa pangunahing mga ruta ng daambakal. Ang Yosami Transmitting Station na matatagpuan sa Kariya ay ang pinakamataas na estruktura ng Hapon nang natapos ang pagtatayo nito noong 1929. Nakamit ng Kariya ang katayuang panlungsod noong Abril 1, 1950. Lumaki ang lungsod nang idinugtong nito ang katabing Fujimatsu at karamihan sa mga nayon ng Yosami noong Abril 1, 1955. Ibinalik ang paghawak ng Yosami Transmitting Station sa Hapon mula sa Hukbong Pandagat ng Estados Unidos noong 1994, at isa na ngayong liwasang panlungsod ang dating pasilidad.

Heograpiya

Matatagpuan ang Kariya sa gitnang bahagi ng Prepektura ng Aichi, sa panig ng Mikawa ng hangganan sa pagitan ng dating Lalawigan ng Owari at dating Lalawigan ng Mikawa. Patag at natutubigang-mainam ang lugar, na may karaniwang taas na mas-mababa sa 10 metro sa ibabaw ng lebel ng dagat.

Plataporma ng Estasyong Kariya

Kalapit na mga munisipalidad

• Prepektura ng Aichi
  • Toyota
  • Ōbu
  • Anjō
  • Chiryū
  • Takahama
  • Toyoake
  • Miyoshi
  • Tōgō
  • Higashiura

Demograpiya

Ayon sa datos ng senso sa Hapon, tuluy-tuloy na tumataas ang populasyon ng Kariya sa nakalipas na 70 mga taon.

Historical population

Taon	Pop.	±%
1950	50,384	—
1960	59,235	+17.6%
1970	87,672	+48.0%
1980	105,643	+20.5%
1990	120,126	+13.7%
2000	132,054	+9.9%
2010	145,744	+10.4%

Mga kapatid na lungsod

• – Mississauga, Ontario, Canada mula noong 1981

Mga kawing panlabas

• Opisyal na website (sa Hapones)
• Kariya City official website (sa Ingles)
• Mississauga Sister City Site (sa Ingles)