ეს გვერდი აღწერს პლატფორმის გამოყენების ძირითად წესებს, მომსახურების ფარგლებს, მხარეთა უფლებებსა და ვალდებულებებს, ანგარიშსწორების წესსა და სხვა მნიშვნელოვან დებულებებს.
პირობები ვრცელდება პლატფორმის გამოყენებაზე, SMS მომსახურებაზე, საბილინგო ფუნქციონალზე, ბრენდნეიმის რეგისტრაციაზე, შეტყობინებების გაგზავნაზე, ინვოისებზე, ანგარიშსწორებაზე, პასუხისმგებლობის ფარგლებსა და დავების გადაწყვეტის წესზე.
ერთის მხრივ, შპს „იუბილი“, შემდგომში „კომპანია“ და მეორეს მხრივ, ubill.ge ვებგვერდის მომხმარებელი, შემდგომში „მომხმარებელი“, წინამდებარე შეთანხმების საფუძველზე, შესაბამისი მომსახურების მიღებაზე ნების გამოხატვისთანავე, თანხმდებიან ქვემოთ მოცემულ პირობებზე.
1.1. პლატფორმაზე რეგისტრაციით, პირადი კაბინეტის გამოყენებით ან მომსახურების პირობებზე თანხმობის დაფიქსირებით, მომხმარებელი ადასტურებს, რომ გაეცნო და სრულად ეთანხმება წინამდებარე პირობებს, ვებგვერდის გამოყენების წესებს, კონფიდენციალურობის პოლიტიკას და პერსონალური მონაცემების დამუშავებასთან დაკავშირებულ წესებს.
1.2. რეგისტრაციის დასრულების შემდეგ, კომპანია საკუთარი ტექნიკური და პროგრამული ინფრასტრუქტურის მეშვეობით მომხმარებელს ანიჭებს წვდომას პლატფორმაზე და გამოუყოფს პირად კაბინეტს, საიდანაც მომხმარებელი მართავს SMS მომსახურებასთან, ბილინგთან, ანგარიშსწორებასთან, ინვოისებთან, გადახდებთან, აბონენტურ ან პაკეტურ მომსახურებასთან დაკავშირებულ მოქმედებებს.
1.3. პლატფორმა იძლევა როგორც ტრანზაქციული, ისე მარკეტინგული ხასიათის მოკლე ტექსტური შეტყობინებების გაგზავნის შესაძლებლობას, ასევე მომხმარებლის საჭიროების შესაბამისად, საბილინგო ოპერაციების, გადასახდელების, ქვითრების, ინვოისებისა და ანგარიშგების ადმინისტრირების ფუნქციონალს.
1.4. მომსახურებით სარგებლობისთვის მომხმარებელი წინასწარ იძენს განსაზღვრული რაოდენობის შეტყობინებებს, ავსებს ბალანსს ან აქტიურებს შესაბამის ფასიან პაკეტს/სერვისს მოქმედი ტარიფების შესაბამისად.
1.5. კომპანია მომხმარებლის შეტყობინებების ადრესატამდე მისატანად და/ან საბილინგო ფუნქციონალის განსახორციელებლად იყენებს პარტნიორი ოპერატორების, ბანკების, საგადახდო პროვაიდერების და სხვა ტექნიკური პროვაიდერების ინფრასტრუქტურას.
1.6. მხარეები ადასტურებენ, რომ მომხმარებლის მითითებით კომპანია ახორციელებს მხოლოდ იმ მონაცემებზე ტექნიკურ წვდომას და დამუშავებას, რაც აუცილებელია შეთანხმებით გათვალისწინებული მომსახურების გასაწევად. მომხმარებელი თავად რჩება პასუხისმგებელ პირად მის მიერ ატვირთული, შეყვანილი ან გამოყენებული პერსონალური მონაცემების კანონიერ დამუშავებაზე.
1.7. კომპანია მომხმარებლისა და მის საქმიანობასთან დაკავშირებულ მონაცემებს ამუშავებს მომსახურების პერიოდში და მომხმარებლის რეგისტრაციის გაუქმების შემდეგ კანონით ან შიდა წესებით განსაზღვრული გონივრული ვადით, რის შემდეგაც მონაცემები ექვემდებარება წაშლას ან გაუქმებას, თუ მათი შენახვა აღარ არის საჭირო.
2.1. მომხმარებელი ვალდებულია შეტყობინებების გაგზავნამდე დაარეგისტრიროს SMS სათაური (Brandname / Sender ID) - გამგზავნის სახელწოდება, რომელიც SMS შეტყობინების გაგზავნისას მიმღების ტელეფონში აისახება გამგზავნის სახით (მაგალითად: UBILL, UBILL-INFO). მომხმარებელს უფლება აქვს დაარეგისტრიროს და გამოიყენოს ერთზე მეტი SMS სათაური.
2.2. ახალი სათაურის დამატების მოთხოვნა მომხმარებელმა უნდა წარადგინოს კომპანიის მიერ განსაზღვრული წესით. კომპანია უფლებამოსილია დაადასტუროს ან არ დაადასტუროს სათაური თავისი შიდა პროცედურებისა და ოპერატორული მოთხოვნების შესაბამისად.
2.3. მომხმარებლის მიერ დაუდასტურებელი, შეთანხმების ფარგლებს გარეთ არსებული ან სხვა პირის სახელთან ასოცირებული სათაურის გამოყენების მცდელობა ან ფაქტი ჩაითვლება შეთანხმების არსებით დარღვევად. ასეთი დარღვევით გამოწვეული ნებისმიერი სანქცია, ჯარიმა, ზიანი ან მოთხოვნა სრულად ეკისრება მომხმარებელს.
2.4. სათაურის რეგისტრაცია თავისთავად არ ნიშნავს მის ავტომატურ აქტივაციას. აქტივაციის პროცესს შეიძლება დასჭირდეს დამატებითი დრო, მათ შორის ოპერატორული ან ტექნიკური დადასტურების გამო.
2.5. მომხმარებელი უფლებამოსილია შეტყობინებები გააგზავნოს მხოლოდ იმ სათაურებით, რომლებიც უკვე გააქტიურებულია.
2.6. პლატფორმაზე შესაძლებელია სხვადასხვა ტიპის სათაურების გამოყენება. კონკრეტული ტექნიკური რეჟიმები და მათთან დაკავშირებული პასუხისმგებლობები განისაზღვრება პლატფორმის ფუნქციონალითა და შესაბამისი მომსახურების პირობებით.
3.1. SMS შეტყობინებების გაგზავნა შესაძლებელია მხოლოდ იმ ნომრებზე, რომლებიც მომხმარებელმა თავად შეიყვანა ან კანონიერად მოიპოვა. მარკეტინგული შეტყობინებების გაგზავნისთვის საჭირო თანხმობების მოპოვება და მათი სამართლებრივი სისწორე მთლიანად მომხმარებლის პასუხისმგებლობაა.
3.2. ამ პირობების მიზნებისთვის, კამპანია ნიშნავს მომხმარებლის მიერ ერთი ტიპის ან ერთი შინაარსის შეტყობინების გაგზავნას ერთი ან მრავალი ადრესატისთვის.
3.3. მარკეტინგული ხასიათის შეტყობინებების შემთხვევაში, მომხმარებელი ვალდებულია დაიცვას მოქმედი კანონმდებლობით განსაზღვრული უარის თქმის მექანიზმი. თუ პლატფორმა ტექნიკურად მოითხოვს ასეთ მექანიზმს, მომხმარებელი ვალდებულია შეტყობინებაში სწორად ასახოს იგი.
3.4. პლატფორმა მომხმარებელს აძლევს შესაძლებლობას მართოს ადრესატთა სიები, დააჯგუფოს ნომრები, აღრიცხოს მარკეტინგული თანხმობა და ავტომატურად გამოყოს უარის მქონე ადრესატები შესაბამის სიებში. ეს ფუნქციონალი მომხმარებელს ეხმარება მონაცემთა დამუშავების კონტროლში, თუმცა პასუხისმგებლობას არ ხსნის.
3.5. კონკრეტული ტექნიკური რეჟიმით გაგზავნილი შეტყობინებები შესაძლოა მიწოდდეს ადრესატთან განსხვავებული მექანიზმით. თუ მომხმარებელი ასეთ რეჟიმს იყენებს მარკეტინგული შეტყობინებების გასაგზავნად ადრესატის თანხმობის გარეშე, ყველა სამართლებრივი და ფინანსური შედეგი ეკისრება მომხმარებელს.
3.6. „პერსონალურ მონაცემთა დაცვის შესახებ“ კანონმდებლობის, რეკლამის შესახებ მოქმედი წესების და სხვა შესაბამისი სამართლებრივი ნორმების დაცვა წარმოადგენს მომხმარებლის ვალდებულებას და პლატფორმით სარგებლობის აუცილებელ პირობას.
3.7. შეტყობინებების გაგზავნა შესაძლებელია ასევე API ინტეგრაციის გზით, რა დროსაც მომხმარებელი ვალდებულია დაიცვას კომპანიის მიერ განსაზღვრული ტექნიკური პირობები და უსაფრთხოების წესები.
3.8. კომპანია უფლებამოსილია მომხმარებელს გაუგზავნოს მომსახურებასთან დაკავშირებული სისტემური და საოპერაციო შეტყობინებები, მათ შორის ანგარიშის სტატუსის, ბალანსის, ინვოისის, ვადაგადაცილებული დავალიანების, პაკეტის ვადის გასვლის, ტექნიკური შეფერხების, უსაფრთხოების გაფრთხილების ან სხვა აუცილებელი ადმინისტრაციული საკითხების შესახებ.
3.9. მომხმარებელი აცნობიერებს, რომ სისტემური და საოპერაციო შეტყობინებები არ ითვლება მარკეტინგულ კომუნიკაციად, თუ ისინი პირდაპირ უკავშირდება მომსახურების მიწოდებას, ანგარიშსწორებას, უსაფრთხოებას ან მომხმარებლის ანგარიშის ადმინისტრირებას.
3.10. კომპანია არ აგებს პასუხს მომხმარებლის მიერ წარმოდგენილი სატელეფონო ნომრების ბაზის სიზუსტესა და აქტუალურობაზე. ძველი ან განუახლებელი ბაზებით განხორციელებული სარეკლამო SMS კამპანიების შემთხვევაში მიწოდების მაჩვენებელი შესაძლოა შეადგენდეს 50–80%-ს, რაც დამოკიდებულია ბაზის ხარისხსა და ნომრების აქტიურობაზე. აღნიშნული მაჩვენებელი არ ვრცელდება ტრანზაქციულ და საინფორმაციო SMS-ებზე. კომპანია არ იძლევა საბოლოო მიწოდების გარანტიას მის კონტროლს მიღმა არსებული გარემოებების შემთხვევაში.
4.1.1. კომპანია უფლებამოსილია ცალმხრივად შეცვალოს ან განაახლოს მომსახურების პირობები. თუ ცვლილება არ აუარესებს მომხმარებლის მდგომარეობას ან არ ეხება ხელშეკრულების არსებით პირობებს, კომპანია უფლებამოსილია განახორციელოს იგი წინასწარი შეტყობინების გარეშე. ასეთი ცვლილება ძალაში შედის პლატფორმაზე გამოქვეყნების მომენტიდან, თუ სხვა რამ არ არის მითითებული. ხელშეკრულების არსებითი პირობების ცვლილების შემთხვევაში, კომპანია წინასწარ აცნობებს მომხმარებელს ელექტრონული ფოსტის ან პლატფორმის საშუალებით. ცვლილების ძალაში შესვლისთვის საჭიროა მომხმარებლის მიერ განახლებულ პირობებზე თანხმობის დაფიქსირება. მომხმარებლის მიერ განახლებულ არსებით პირობებზე თანხმობის გამოუცხადებლობის შემთხვევაში, კომპანია უფლებამოსილია შეზღუდოს შესაბამისი მომსახურების შემდგომი მიწოდება ან შეწყვიტოს ხელშეკრულება კანონმდებლობითა და ხელშეკრულებით დადგენილი წესით.
4.1.2. მომხმარებლის მიერ გაგზავნილი შეტყობინების შინაარსზე, მის მიზანზე, ადრესატთა კანონიერებაზე, ინვოისების/ბილინგური მონაცემების სისწორეზე და სათაურის არჩევაზე პასუხისმგებელია მომხმარებელი.
4.1.3. კომპანია უფლებამოსილია შეინახოს და დაამუშაოს მომხმარებლის მიერ რეგისტრაციისას ან მომსახურების პროცესში მიწოდებული ინფორმაცია, მათ შორის ტექნიკური, ბილინგთან, ინვოისებთან, გადახდებთან და ანგარიშის სტატუსთან დაკავშირებული მონაცემები, მომსახურების განხორციელების მიზნით.
4.1.4. კომპანია ვალდებულია შესაძლებლობის ფარგლებში უზრუნველყოს პლატფორმის ტექნიკური გამართულობა და მომხმარებლისთვის ანგარიშზე ხელმისაწვდომობა, თუმცა არ აგებს პასუხს მისი ბრალის გარეშე წარმოშობილ ტექნიკურ შეფერხებებზე.
4.1.5. კომპანიის პასუხისმგებლობა მისი ბრალეულობით გამოწვეული ზიანის შემთხვევაში შემოიფარგლება მხოლოდ იმ თანხით, რომელიც მომხმარებელმა ფაქტობრივად გადაიხადა შესაბამის მომსახურებაზე.
4.1.6. კომპანია არ აგებს პასუხს იმ შედეგებზე, რომლებიც გამომდინარეობს მომხმარებლის მიერ მესამე პირის ინფორმაციის, მონაცემების ან პლატფორმის არამართლზომიერი გამოყენებიდან.
4.1.7. კომპანია ვალდებულია დაიცვას იმ მონაცემების კონფიდენციალურობა, რომლებზეც ხელმისაწვდომობა აქვს მომსახურების გაწევის ფარგლებში.
4.1.8. კომპანია ვალდებულია უზრუნველყოს მის სისტემაში არსებული პერსონალური მონაცემების დაცვა მოქმედი კანონმდებლობისა და შიდა უსაფრთხოების პროცედურების შესაბამისად.
4.1.9. მომხმარებლის მოთხოვნის შემთხვევაში კომპანია ვალდებულია, გონივრულ ფარგლებში, არაუგვიანეს 10 (ათი) კალენდარული დღის ვადაში მიაწოდოს მას მომსახურებასთან დაკავშირებული შესაბამისი ინფორმაცია, რომელიც კომპანიის ხელთ არის და რომლის მიწოდებაც არ ეწინააღმდეგება მოქმედ კანონმდებლობას, კონფიდენციალურობის მოთხოვნებს ან მესამე პირთა უფლებებს. კანონმდებლობით განსხვავებული ვადის დადგენის შემთხვევაში გამოიყენება შესაბამისი კანონით განსაზღვრული ვადა.
4.1.10. კომპანიას უფლება აქვს დროებით შეზღუდოს ან შეაჩეროს მომსახურება, თუ არსებობს გადაუხდელი დავალიანება, საეჭვო ტრანზაქცია, თაღლითობის გონივრული ეჭვი, chargeback, ან მომსახურების პირობების დარღვევა.
4.1.11. კომპანია ვალდებულია მომხმარებლის მიერ გასაგზავნად მიწოდებული შეტყობინებების შინაარსში „რეკლამის შესახებ“, „პერსონალურ მონაცემთა დაცვის შესახებ“ ან სხვა შესაბამისი სამართლებრივი აქტების მოთხოვნათა შესაძლო დარღვევის ნიშნების აღმოჩენის შემთხვევაში, დაუყოვნებლივ აცნობოს ამის შესახებ მომხმარებელს. აღნიშნული ვალდებულება არ გულისხმობს კომპანიის მიერ ყველა შეტყობინების შინაარსის სავალდებულო წინასწარ შემოწმებას და არ ათავისუფლებს მომხმარებელს მის მიერ გაგზავნილი შეტყობინებების კანონიერებაზე პასუხისმგებლობისგან.
4.1.12. კომპანია ვალდებულია წინამდებარე ხელშეკრულებით ნაკისრი ვალდებულებები შეასრულოს კეთილსინდისიერად და ჯეროვნად, ხელშეკრულების პირობებისა და საქართველოს მოქმედი კანონმდებლობის შესაბამისად.
4.2.1. პლატფორმით სარგებლობისთვის მომხმარებელი ვალდებულია გაიაროს რეგისტრაცია, დაეთანხმოს მომსახურების პირობებს და მომსახურების სპეციფიკის მიხედვით გააქტიუროს მინიმუმ ერთი სათაური ან შესაბამისი ბილინგური სერვისი.
4.2.2. მომხმარებელი ვალდებულია რეგისტრაციისას და შემდგომშიც მიუთითოს ზუსტი, უტყუარი და სრულყოფილი ინფორმაცია.
4.2.3. მომხმარებელს ეკრძალება პლატფორმის გამოყენება კანონით აკრძალული საქმიანობის, უკანონო საქონლის ან მომსახურების რეკლამირებისთვის, ასევე ნებისმიერი ისეთი შინაარსის გასავრცელებლად, რომელიც ეწინააღმდეგება საქართველოს მოქმედ კანონმდებლობას.
4.2.4. მომხმარებელი თავად მართავს და ინახავს მის კაბინეტში შეტანილ ნომრებს, ტექსტებსა და მონაცემებს, ასევე საბილინგო ჩანაწერებსა და ინვოისურ ინფორმაციას, და განსაზღვრავს მათი შენახვის საჭირო ვადას თავისი საქმიანობის და კანონმდებლობის მოთხოვნების შესაბამისად.
4.2.5. ადრესატების პერსონალური მონაცემების მოპოვებაზე, დამუშავებაზე, გამოყენებასა და შესაბამისი თანხმობების არსებობაზე პასუხისმგებელია მომხმარებელი.
4.2.6. კომპანიის მიერ საჭირო ინფორმაციის მოთხოვნისას მომხმარებელი ვალდებულია დროულად მიაწოდოს ზუსტი და სრული მონაცემები.
4.2.7. მომხმარებელი ვალდებულია, საჭიროების შემთხვევაში, წინასწარ მოიპოვოს შეტყობინებების მიმღებთა თანხმობა და მათი მოთხოვნის შემთხვევაში შეწყვიტოს კონკრეტულ ნომერზე შეტყობინებების გაგზავნა.
4.2.8. მომხმარებელი ვალდებულია შეტყობინების შინაარსი შეუსაბამოს „რეკლამის შესახებ“, „პერსონალურ მონაცემთა დაცვის შესახებ“ და სხვა შესაბამისი სამართლებრივი აქტების მოთხოვნებს. ამ ვალდებულების დარღვევის შემთხვევაში, მომხმარებელი სრულად აგებს პასუხს მის მიერ გამოწვეულ ზიანზე, სანქციებზე, ჯარიმებზე და სხვა ფინანსურ შედეგებზე.
4.2.9. მომხმარებელი ვალდებულია დროულად გადაიხადოს მომსახურების საფასური, უზრუნველყოს ანგარიშზე საკმარისი ბალანსი, სწორად მიუთითოს საგადახდო და საიდენტიფიკაციო ინფორმაცია და მომსახურების საფასურის გადახდისას გამოიყენოს მხოლოდ ის საგადახდო საშუალებები, რომელთა გამოყენების კანონიერი უფლებამოსილებაც გააჩნია.
5.1. მომხმარებელი თავად არის პასუხისმგებელი თავის ანგარიშში შეტანილი ინფორმაციის სისწორეზე, მისი კაბინეტის უსაფრთხოებაზე და ავტორიზაციის მონაცემების დაცვაზე.
5.2. კომპანია არ აგებს პასუხს დანაკარგზე, ზიანზე ან ხარჯზე, მათ შორის პირდაპირ თუ ირიბ ფინანსურ ზარალზე, თუ ასეთი შედეგი არ არის კომპანიის პირდაპირი და უშუალო ბრალეულობით გამოწვეული.
5.3. კომპანია არ აგებს პასუხს მომსახურების მიწოდების შეფერხებაზე, დაგვიანებაზე, შეუსრულებლობაზე ან მათგან გამომდინარე ზიანზე, თუ აღნიშნული გარემოებები გამოწვეულია კომპანიის კონტროლის ფარგლებს გარეთ არსებული მიზეზებით და არ უკავშირდება კომპანიის ბრალეულ ქმედებას ან უმოქმედობას.
5.4. წინამდებარე ხელშეკრულების 5.3 პუნქტით გათვალისწინებულ გარემოებებს შეიძლება მიეკუთვნებოდეს, მათ შორის, ადრესატის მობილურ ქსელთან კავშირის არარსებობა, მისი მოწყობილობის გაუმართაობა, მობილური ოპერატორის შეზღუდვები, ბანკის ან საგადახდო პროვაიდერის ტექნიკური შეფერხებები, მესამე მხარის სისტემების ხარვეზები და სხვა მსგავსი გარემოებები, რომლებმაც შესაძლოა გავლენა იქონიოს მომსახურების შესრულებაზე.
5.5. შეტყობინების დაგვიანების ან ადრესატამდე მიუწოდებლობის, გადახდის შესრულების ან ასახვის შეფერხების, ასევე საბილინგო მომსახურებასთან დაკავშირებული სხვა ტექნიკური ხარვეზის შემთხვევაში, კომპანია, მომხმარებლის მიმართვის საფუძველზე, თავისი ტექნიკური შესაძლებლობების ფარგლებში შეისწავლის შეფერხების მიზეზს და საჭიროების შემთხვევაში მიმართავს შესაბამის მობილურ ოპერატორს, ბანკს, საგადახდო ან სხვა ტექნიკურ პროვაიდერს.
6.1. მომხმარებელი მომსახურების მისაღებად წინასწარ ყიდულობს შეტყობინებებს, ავსებს ბალანსს ან ააქტიურებს შესაბამის პაკეტს/სერვისს მოქმედი ტარიფების შესაბამისად. მომსახურების მოქმედი ტარიფები ხელმისაწვდომია პლატფორმაზე, მომხმარებლის პირად კაბინეტში ან მხარეთა შორის შეთანხმებულ ინდივიდუალურ შეთავაზებაში. ინდივიდუალური ხელშეკრულების არსებობის შემთხვევაში, მხარეებს შეუძლიათ შესაბამისი ტარიფები განსაზღვრონ ხელშეკრულების დანართით.
6.2. ბალანსის შევსება შესაძლებელია ინვოისის, საბანკო გადარიცხვის, ონლაინ გადახდის, ბარათით გადახდის ან პლატფორმაზე დაშვებული სხვა გადახდის მეთოდების მეშვეობით.
6.3. თუ გადახდის დანიშნულებაში არ არის მითითებული საკმარისი საიდენტიფიკაციო ინფორმაცია, ან ტრანზაქციის იდენტიფიკაცია ვერ ხერხდება, კომპანია უფლებამოსილია გადახდა დროებით არ ასახოს, გადაამოწმოს დამატებით ან დააბრუნოს გადამხდელს.
6.4. SMS შეტყობინების ღირებულება განისაზღვრება მოქმედი ტარიფის, ტექსტის სიგრძის, გამოყენებული სიმბოლოების კოდირების და შეტყობინების ტექნიკური სეგმენტების რაოდენობის მიხედვით. ერთი შეტყობინება შეიძლება შედგებოდეს ერთი ან რამდენიმე ფასიანი SMS სეგმენტისგან.
6.5. სტანდარტული GSM-7 კოდირებისას ერთი SMS სეგმენტი, როგორც წესი, შეიცავს მაქსიმუმ 160 სიმბოლოს, ხოლო Unicode (UCS-2) კოდირებისას - მაქსიმუმ 70 სიმბოლოს. რამდენიმე სეგმენტად დაყოფილი შეტყობინებების შემთხვევაში ტექნიკური ლიმიტები, როგორც წესი, შეადგენს შესაბამისად 153 და 67 სიმბოლოს თითო სეგმენტზე. ზოგიერთი სპეციალური სიმბოლო GSM-7 კოდირებისას შეიძლება ითვლებოდეს ორ სიმბოლურ ერთეულად. საბოლოო სეგმენტაცია განისაზღვრება გამოყენებული კოდირებისა და ოპერატორის ტექნიკური მოთხოვნების შესაბამისად.
6.6. მომხმარებელს შეუძლია შეტყობინების გაგზავნამდე პლატფორმაზე არსებული ანალიზატორის საშუალებით გადაამოწმოს SMS სეგმენტების რაოდენობა და სავარაუდო ღირებულება. საბოლოო ღირებულება განისაზღვრება ფაქტობრივად დამუშავებული SMS სეგმენტების რაოდენობისა და მომხმარებლისთვის მოქმედი ტარიფის საფუძველზე.
6.7. მას შემდეგ, რაც კომპანიის მხრიდან შეტყობინება ტექნიკურად გადაეცემა შესაბამის ოპერატორულ სისტემას და არსებობს ამის დამადასტურებელი ჩანაწერი, კომპანიას უფლება აქვს ჩამოწეროს მომხმარებლის ბალანსიდან შესაბამისი ოდენობა.
6.8. კომპანია არ არის ვალდებული დაუბრუნოს მომხმარებელს შეტყობინების ღირებულება იმ შემთხვევაში, თუ კომპანიის მხრიდან შეტყობინება კორექტულად იქნა გადაცემული, მაგრამ შემდგომ ეტაპზე მისი მიწოდება შეფერხდა ოპერატორის ან სხვა ტექნიკური მიზეზით.
6.9. საბილინგო სერვისის ფარგლებში პლატფორმაზე ასახული ინვოისები, გადასახდელები, ბალანსები, ტრანზაქციები, ქვითრები და სხვა ფინანსური ჩანაწერები ყალიბდება მომხმარებლის მიერ შეყვანილი, იმპორტირებული ან ინტეგრირებული მონაცემების საფუძველზე; მათი შინაარსობრივი და სამართლებრივი სისწორე ეკისრება მომხმარებელს, თუ კონკრეტულად სხვა რამ არ არის შეთანხმებული.
6.10. თუ პლატფორმა ითვალისწინებს აბონენტურ, პერიოდულ ან პაკეტურ მომსახურებას, შესაბამისი საფასური ირიცხება წინასწარ, საანგარიშო პერიოდის დაწყებამდე ან მის ფარგლებში, პლატფორმაზე/ინდივიდუალურ შეთავაზებაში მითითებული პირობების შესაბამისად.
6.11. კომპანია უფლებამოსილია შეცვალოს მომსახურების მოქმედი ტარიფები, პაკეტები, ლიმიტები, საკომისიოები ან მომსახურების სხვა კომერციული პირობები. მომხმარებლისთვის მომსახურების ღირებულების გაზრდის შემთხვევაში, კომპანია ვალდებულია ცვლილების ამოქმედებამდე არანაკლებ 1 (ერთი) თვით ადრე აცნობოს მომხმარებელს ელექტრონული ფოსტის ან პლატფორმის საშუალებით. ტარიფების შემცირება ან მომხმარებლის მდგომარეობის გამაუმჯობესებელი ცვლილებები შესაძლებელია ამოქმედდეს წინასწარი შეტყობინების გარეშე, პლატფორმაზე გამოქვეყნების მომენტიდან. მომხმარებლის მიერ წინასწარ შეძენილი SMS ერთეულები ინარჩუნებს შეძენის მომენტში მოქმედ პირობებს, თუ მხარეთა შორის სხვა რამ არ არის შეთანხმებული. თუ ტარიფის ცვლილება წარმოადგენს ხელშეკრულების არსებითი პირობების ცვლილებას, გამოიყენება წინამდებარე ხელშეკრულების 4.1.1 პუნქტით განსაზღვრული თანხმობის წესი.
6.12. თუ მომსახურება მოიცავს პერიოდულ გადახდას ან ავტომატურ განახლებას, მომხმარებელი თანხმდება, რომ შესაბამისი საფასური შეიძლება ჩამოიჭრას მისი არჩეული გადახდის მეთოდიდან ან ბალანსიდან, მომსახურების გაგრძელების მიზნით, თუ ასეთი ფუნქციონალი პლატფორმაზე აქტიურია.
6.13. მომხმარებელი ვალდებულია უზრუნველყოს ანგარიშზე საკმარისი ბალანსი ან მოქმედი გადახდის საშუალება. არასაკმარისი ბალანსის, წარუმატებელი გადახდის ან ვადაგადაცილების შემთხვევაში კომპანიას უფლება აქვს შეზღუდოს, შეაჩეროს ან ნაწილობრივ გათიშოს მომსახურება დავალიანების სრულ დაფარვამდე.
6.14. თანხის დაბრუნება შესაძლებელია მხოლოდ იმ შემთხვევაში და იმ მოცულობით, რაც პირდაპირ არის განსაზღვრული კანონით, ინდივიდუალური შეთანხმებით ან კომპანიის მიერ ცალკე დადგენილი დაბრუნების პოლიტიკით. უკვე მოხმარებული, დარიცხული, აქტივირებული ან ტექნიკურად შესრულებული მომსახურების საფასური, როგორც წესი, დაბრუნებას არ ექვემდებარება.
6.15. თუ მომხმარებელი ბანკის, საგადახდო სისტემის ან ბარათის ემიტენტის მეშვეობით დაიწყებს chargeback-ს, დავის საგანს გახდის კანონიერად დარიცხულ მომსახურებას ან მოახდენს გადახდის გაუქმებას არაკეთილსინდისიერად, კომპანია უფლებამოსილია დროებით შეაჩეროს მომსახურება, დაბლოკოს შესაბამისი ოპერაციები და მოსთხოვოს მომხმარებელს ზარალის ანაზღაურება.
6.16. პლატფორმაზე, მოქმედ ტარიფებში, ინდივიდუალურ შეთავაზებებსა და წინამდებარე ხელშეკრულებაში მითითებული მომსახურების ყველა ფასი და საკომისიო მოიცავს საქართველოს კანონმდებლობით გათვალისწინებულ დამატებული ღირებულების გადასახადს (დღგ), თუ კონკრეტულ შეთავაზებაში პირდაპირ სხვა რამ არ არის მითითებული. მომხმარებელი პასუხისმგებელია საკუთარ საქმიანობასთან დაკავშირებული საგადასახადო და საბუღალტრო ვალდებულებების შესრულებაზე.
6.17. SMS მომსახურების ტარიფები
SMS შეტყობინებების ღირებულება განისაზღვრება ერთჯერადად შეძენილი SMS რაოდენობის მიხედვით:
| SMS რაოდენობა | ერთი SMS-ის ფასი |
|---|---|
| 1 000-დან | 0.01 ₾ |
| 50 000-დან | 0.008 ₾ |
| 100 000-დან | 0.006 ₾ |
| 500 000-დან | 0.004 ₾ |
| 1 000 000-დან | 0.003 ₾ |
| 3 000 000-დან | 0.0028 ₾ |
მითითებული ფასები მოიცავს დღგ-ს. ტარიფი განისაზღვრება ერთჯერადად შეძენილი SMS რაოდენობის მიხედვით. ერთი SMS-ის ღირებულება გულისხმობს ერთ ტექნიკურ SMS სეგმენტს.
6.18. საბილინგო მომსახურების ღირებულება
საბილინგო მომსახურების ყოველთვიური სააბონენტო საფასური შეადგენს 100 (ასი) ლარს, დღგ-ს ჩათვლით. აღნიშნული საფასური არ მოიცავს SMS შეტყობინებების ღირებულებას. SMS მომსახურება ფასდება და ანაზღაურდება ცალკე, მოქმედი ტარიფების შესაბამისად.
7.1. პლატფორმაზე ხელმისაწვდომი საბილინგო ფუნქციონალი შეიძლება მოიცავდეს კლიენტების, ანგარიშების, ტრანზაქციების, ინვოისების, გადასახდელების, ქვითრების, სტატუსების, გადახდის ისტორიის, დავალიანებების, შეტყობინებებისა და შესაბამისი ანგარიშგების მართვას.
7.2. თუ მომხმარებელი იყენებს პლატფორმას მესამე პირებისთვის ინვოისების, გადახდის შეტყობინებების, დავალიანების შეხსენებების ან სხვა კომუნიკაციების შესაქმნელად, მომხმარებელი თავად არის პასუხისმგებელი ამ ინფორმაციის ნამდვილობაზე, საფუძვლიანობაზე, კანონიერებაზე და შესაბამის კომერციულ ურთიერთობაზე.
7.3. კომპანია არ არის მხარე მომხმარებელსა და მის კლიენტს, გადამხდელს, მოვალეს ან სხვა მესამე პირს შორის წარმოშობილ ფინანსურ, სახელშეკრულებო ან საგადასახადო ურთიერთობაში, თუ ცალკე წერილობით სხვა რამ არ არის შეთანხმებული.
7.4. პლატფორმაზე ასახული სტატუსები, მათ შორის „გადახდილი“, „მოლოდინში“, „ვადაგადაცილებული“, „ნაწილობრივ გადახდილი“ ან სხვა ნიშნულები, ეფუძნება სისტემაში დაფიქსირებულ მონაცემებს, ინტეგრაციებს ან მომხმარებლის მოქმედებებს და შეიძლება საჭიროებდეს დამატებით გადამოწმებას.
7.5. თუ პლატფორმა ინტეგრირებულია ბანკთან, საგადახდო კარიბჭესთან, ERP/CRM სისტემასთან, API-სთან ან სხვა მესამე მხარის სერვისთან, კომპანია არ აგებს პასუხს ასეთი ინტეგრაციის გარე შეფერხებაზე, დაგვიანებაზე, მონაცემთა არაზუსტ სინქრონიზაციაზე ან შეწყვეტაზე, თუ პრობლემა გამოწვეულია კომპანიის კონტროლის ფარგლებს გარეთ არსებული მიზეზით.
7.6. მომხმარებელი ვალდებულია პერიოდულად გადაამოწმოს საბილინგო მონაცემები, ინვოისები, სტატუსები, გადასახდელები და ისტორია. ტექნიკური ხარვეზის, არაზუსტი ჩანაწერის ან საეჭვო აქტივობის აღმოჩენის შემთხვევაში მომხმარებელი ვალდებულია გონივრულ ვადაში აცნობოს კომპანიას.
7.7. კომპანია უფლებამოსილია დაამატოს, შეცვალოს ან გააუქმოს საბილინგო მოდულები, ფუნქციები, ინტეგრაციები ან ლიმიტები პლატფორმის განვითარების, უსაფრთხოების, სამართლებრივი მოთხოვნების ან კომერციული პოლიტიკის შესაბამისად.
8.1. მხარეები თავისუფლდებიან პასუხისმგებლობისგან, თუ მათ მიერ ნაკისრი ვალდებულებების შესრულება შეუძლებელი გახდა დაუძლეველი ძალის (ფორსმაჟორის) მოქმედების გამო. ფორსმაჟორული გარემოების დადგომის შემთხვევაში კომპანია ვალდებულია, პირველივე გონივრული შესაძლებლობისთანავე, ელექტრონული ფოსტის, პლატფორმის ან სხვა ხელმისაწვდომი წერილობითი საკომუნიკაციო საშუალებით აცნობოს მომხმარებელს აღნიშნული გარემოებისა და მომსახურებაზე მისი შესაძლო გავლენის შესახებ. შეტყობინების დაგვიანება არ ჩაითვლება ვალდებულების დარღვევად, თუ იგი უშუალოდ გამოწვეულია ფორსმაჟორული გარემოებით.
8.2. დაუძლეველ ძალად მიიჩნევა ისეთი გარემოება, რომელიც არ არსებობდა შეთანხმების დადების დროს და რომლის თავიდან აცილება ან შედეგების გადალახვა მხარეებს გონივრულად არ შეეძლოთ.
8.3. ასეთ გარემოებებს მიეკუთვნება სტიქიური უბედურება, ხანძარი, აფეთქება, საომარი მოქმედება, სამოქალაქო არეულობა, გაფიცვა, სახელმწიფო აქტები, მასშტაბური ტექნიკური ავარია და სხვა მსგავსი შემთხვევები.
8.4. ფორს-მაჟორის პერიოდში კომპანია არ აგებს პასუხს მომსახურების დაგვიანებაზე, შეზღუდვაზე ან შეუსრულებლობაზე.
8.5. თუ ფორს-მაჟორის პირობებში კომპანიას ერთდროულად აქვს რამდენიმე მომხმარებლის მომსახურების ვალდებულება, კომპანია უფლებამოსილია თავად განსაზღვროს შესრულების რიგითობა და მოცულობა.
8.6. თუ ფორსმაჟორული გარემოება გრძელდება 15 (თხუთმეტ) კალენდარულ დღეზე მეტი ვადით და არსებითად აფერხებს ან შეუძლებელს ხდის ხელშეკრულებით გათვალისწინებული მომსახურების მიწოდებას, თითოეული მხარე უფლებამოსილია ცალმხრივად შეწყვიტოს ხელშეკრულება მეორე მხარისთვის წერილობითი შეტყობინების საფუძველზე. ხელშეკრულების შეწყვეტა არ ათავისუფლებს მხარეებს შეწყვეტამდე წარმოშობილი ფინანსური ვალდებულებებისგან. გამოუყენებელი წინასწარი გადახდის საკითხი რეგულირდება ხელშეკრულებითა და საქართველოს მოქმედი კანონმდებლობით.
9.1. მხარეები ცდილობენ წარმოშობილი დავა პირველ რიგში მოაგვარონ მოლაპარაკების გზით.
9.2. თუ დავის მოლაპარაკებით გადაწყვეტა ვერ მოხერხდა, იგი განიხილება საქართველოს საერთო სასამართლოების მიერ, საქართველოს კანონმდებლობის შესაბამისად.
10.1. მხარეები ვალდებულნი არიან დაიცვან ერთმანეთის შესახებ მიღებული ინფორმაციის კონფიდენციალურობა და არ გაამჟღავნონ იგი მესამე პირებზე, გარდა კანონით გათვალისწინებული შემთხვევებისა ან მეორე მხარის წინასწარი წერილობითი თანხმობისა.
10.2. მხარეები ასევე ვალდებულნი არიან დაიცვან პლატფორმაზე გამოქვეყნებული კონფიდენციალურობისა და პერსონალური მონაცემების დამუშავების წესები.
11.1. წინამდებარე შეთანხმებით განსაზღვრული უფლებები და მოვალეობები არ შეიძლება გადაეცეს მესამე პირს მეორე მხარის წინასწარი წერილობითი თანხმობის გარეშე, გარდა კანონით დაშვებული შემთხვევებისა.
11.2. პირობები სავალდებულოა როგორც მხარეებისთვის, ისე მათი უფლებამონაცვლეებისთვის.
11.3. მხარეთა ურთიერთობა რეგულირდება წინამდებარე პირობებით და მასთან დაკავშირებული მოქმედი დოკუმენტებით. საკითხები, რომლებიც არ არის მოწესრიგებული წინამდებარე პირობებით ან მასთან დაკავშირებული დოკუმენტებით, რეგულირდება საქართველოს მოქმედი კანონმდებლობის შესაბამისად.
11.4. რომელიმე პუნქტის ბათილობა არ იწვევს შეთანხმების სხვა ნაწილების ბათილობას.
11.5. მომხმარებელი ადასტურებს, რომ კომპანია უფლებამოსილია მის მიერ მითითებულ ელექტრონულ ფოსტაზე ან ნომერზე გაგზავნოს მომსახურებასთან დაკავშირებული საინფორმაციო, სისტემური, საბილინგო და შესაბამისი სამართლებრივი საფუძვლის არსებობისას, მარკეტინგული შეტყობინებები. მომხმარებელს უფლება აქვს დადგენილი წესით მოითხოვოს ისეთი კომუნიკაციის შეწყვეტა, რომელიც სავალდებულო საოპერაციო შეტყობინებას არ წარმოადგენს.
11.6. წინამდებარე პირობები ძალაში შედის მომხმარებლის მიერ რეგისტრაციისა და პირობებზე თანხმობის დაფიქსირების მომენტიდან და მოქმედებს მომსახურებით სარგებლობის მთელი პერიოდის განმავლობაში.
11.7. მხარეთა შორის წერილობითი ფორმით გაფორმებული ინდივიდუალური ხელშეკრულება შედგება თანაბარი იურიდიული ძალის მქონე ორ ეგზემპლარად, თითოეული მხარისთვის თითო ეგზემპლარი. ხელშეკრულების ელექტრონული ფორმით გაფორმების შემთხვევაში, მისი იურიდიული ძალა განისაზღვრება საქართველოს მოქმედი კანონმდებლობის შესაბამისად.
ბოლო განახლების თარიღი: 06 ნოემბერი, 2026 წელი.