Лермонтов, Михаил Юрьевич

Михаил Юрьевич Лермонтов
Вордскем дырыз:	3‑тӥ (15-тӥ) коньывуонэ 1814
Вордскем интыез:	Муско, Московская губерния, Российской империя[…]
Кулэм дырыз:	15‑тӥ (27-тӥ) пӧсьтолэзе 1841 (26 ар)
Кулэм интыез:	Пятигорск, Пятигорский уезд, Кавказская губерния, Российской империя
Кунмуртлыкез (подданство):	Российской империя
Ужан ӧнерез:	кылбурчи, берыктӥсь, суредаськись, романист, драматург, офицер, гожъяськись, прозаик но бретёр
Жанр:	стих но повествовательная поэзия
Кинюртэмез:
Произведениос Викитекаын

Михаи́л Ю́рьевич Ле́рмонтов (вордскиз 1814-тӥ арын 3-тӥ коньывуонэ [15-тӥ коньывуонэ], Муско — кулӥз 1841-тӥ арын 15-тӥ пӧсьтолэзе [27-тӥ пӧсьтолэзе], Пятигорск) — ӟуч кылбурчи, прозаик, драматург, суредась. Вордскиз офицерлэн семьяяз, сое будэтӥз песяез.

Улон но гжъяськон сюресэз

Нырысетӥ кылбуръёссэ М. Лермонтов гожтӥз, Москваысь университет пансионатын дышетскыкуз. Сое йылпумъяса, дано гожъяськись Мускоысь университетэ, собере Петербургысь гвардейской прапорщикъёслэн школаязы пыре. Служить каре Гусаръёслэн полказы, Царской селоын. «Кылбурчилэн кулонэз» («Смерть поэта») кылбурез понна Лермонтовез ссылкае келязы. Кавказэ мыныкуз, гожъяськись 1 толэзь Москваын ортчытэ. Соку ик кылдӥз «Бородино» ужез - со ожлы 1 ар тырмонлы сӥземын. Кавказын улыкуз, Лермонтов гожъяськемысь дугдымтэ сяна, эшшо суредаськыны но кутскиз. Дано литераторлэн песяез сюлмаськемен, сое дырызлэсь вазь лэзё Петербурге но отын со выльысь службазэ азьланьтэ.

Бӧрысь улонэз М. Ю. Лермонтовлэн «Отечественные записки» редакциен герӟаськемын. Но отын но кема ужаны уг кылды: Э. Барантэн дуэльлы луыса поэтэз выльысь Кавказэ ссылкае ысто, отын со оже пыриське. Пятигорскын, кыкетӥ ссылкаысьтыз дораз берытскыкуз, гожъяськись тодмозэ пумита. Лек шоккетэмез бере соиз Лермонтовез дуэле ӧте. Дуэльын Лермонтов быре.

Вакчи улонэз ӵоже гожъяськись ог 30 поэмаос, 40 кылбуръёс, кӧня ке проза но драма произведениос гожтӥз, тросэз соос пӧлысь кулэмез бере гинэ поттэмын вал. М.Ю. Лермонтовлэн творчествояз тужгес устоен лыдъясько та произведениосыз: «Мцыри», «Бородино», «Герой нашего времени», «Маскарад», «Демон», «Узник».

М. Ю. Лермонтовлы сӥзем синпелетъёс

• 
  Пятигорскын, 2008.
• 
  Санкт-Петербургысь Александровской садын.
• 
  Таманьын.
• 
  Грознойысь М. Ю. Лермонтов нимо драмая ӟуч театр азьын.