США-ысь доллар

100, 50, 20, 10, 5, 2 но 1 долларъем американ кагаз уксё

Америкалэн Огазеяськем Штатъёсысьтыз доллар (англ. United States dollar) — АОШ-лэн валютаез, дуннеысь валтӥсь резервной валютаос пӧлысь одӥгез. 1 доллар = 100 цент. Ваньмызлы тодмоез луэ американ долларлэн пусэз: $. Валюталэн калыккуспо кодэз: USD. Коньдон эмиссиез ортчытъя Федерал резервной система (англ. Federal Reserve System), АОШ-ысь шор банклэсь ужамзэ быдэсъясь ужъюрт.

Асьсэос Огазеяськем Штатъёс сяна АОШ-ысь доллар куд-ог мукет кунъёсын но йӧскалык валюта луэ (кылсярысь, Маршалл шормуӵъёсын, Сальвадорын).

Номиналъёсыз

Банкнотаос (кагаз уксё): 1, 2, 5, 10, 20, 50 но 100 доллар. Манетъёс: 1, 5, 10 цент, ¼ доллар, ½ доллар, 1 доллар.