Mark Knopfler
| Biografia | |
|---|---|
| Nasimènto | (en-gb) Mark Freuder Knopfler 12 de agosto del 1949 Glasgow (Scozia) |
| Dati personałi | |
| Formasion | Università di Leeds (it) Harlow College (en) Gosforth Academy (en) |
| Laterałizasion | Sanco |
| Atività | |
| Ocupasion | |
| Atività | 1965 - in atività |
| Menbro de | |
| Zènare | Rock, Blues Rock, celtic rock (it) |
| Voze | Barìtono |
| Instrumento muzicałe | chitara ełetrica, chitara acustica, canto, voxe |
| Targheta discogràfega | |
| Àlbun | 20[1] |
| Àlbun stùdio | 9 |
| Àlbun compilation | 2 |
| Òpara | |
Òpare in rezalto
| |
| Repertòrio | |
| Fameja | |
| Cògnuze | Kitty Aldridge (it) |
| Fradełi | |
| |
| Sito web | markknopfler.com |
Mark Knopfler (Glasgow, 12 de agosto 1949), el ze on chitarista e conpozidor britànego.
In orìzene conosùo soratuto par èsar stà el fondador e ‘l leader (cao) carizmàtego de'l grupo rock Dire Straits (ativo tra el 1977 e ‘l 1995)[2], dopo el desfarse de'l grupo el ga seità ła propia cariera come sołista[3]. El muzeghista britànego el ga sonà ocazionalmente in altri grupi, tra cui el cołetivo The Notting Hillbillies[4], e in conpanjìa de altri artisti afermài, cuałi Bob Dylan, Eric Clapton, Emmylou Harris e Chet Atkins, in tanti cazi prestando ła pròpia òpara cofà turnista[5]. El ga in azonta curà ła produsion artìstega de alguni łaori de'l steso Bob Dylan, de Tina Turner, de Willy DeVille e de Randy Newman[6]; el ze anca l’autor de łe cołone sonore de racuanti film, tra cui Local Hero, Cal, La storia fantastica, Ultima fermata Brooklyn, Sesso & potere e Metroland[7].
Knopfler el ze anoverà tra i prensipałi esponenti de'l rock[8]: el se difarensia par el só inconfondìbiłe stiłe chitarìstego[9], par ła só partegołar tècnega che no ła prevede el dòparo de ła patàca[10] e par la càrega poètega dei só testi[11]. In vertù dei sò contributi artìsteghi, ghe ze stài conferìi tre dotorai honoris causa in mùzega in azonta a l’onoreficensa de Ofisiałe de l'Ordene del'Inpero Britanego[12].
Parsonazo sòdo e riservà, łontan da łe łòzeghe comersiałe de'l music business[11][13], el ze stà definìo «l'omo trancuiło de'l rock»: 'vanti de tocar ła notorietà, el ga conseguìo ła łaurea in łetaradùra ingleze e el ga łaorà cofà insenjante[14].
Biografia
[canbia | canbia el còdaxe]Infansia, zoventù e prime espariense muzegałe (1949-1976)
[canbia | canbia el còdaxe]Mark Knopfler el ze nasesto a Glasgow el 12 de agosto 1949 da Louisa Mary Laidler, na insenjante orizenaria de'l Northumberland, ed Erwin Knopfler, un architeto e scachista[15] ungareze che'l gaveva trovà salvanèła in Scosia a l’inisio de ła segonda guera mondiałe, dopo èsar stà parà via da'l paeze nadivo a cauza de ła só atività de opozidor a'l rezime fiłonazista Inte’l 1952 A ze nasùo David, el terso fio de ła cùbia dopo ła primozènita Ruth e el steso Mark.
Inte'l 1956 ła fameja Knopfler łs se ga trasferìa da Glasgow a Blyth, ła sità nadałe de ła siora Laidler; Mark el ze stà iscrivesto a ła scoła primaria de Gosforth, un borgo de Newcastle upon Tyne. Colpìo da l’abiłità de'l zio materno Kingsley, zgagio pianista boogie-woogie, Mark el ga tacà in chel parìodo a zviłupar un forte intarese par ła mùzega, visinàndose anca a'l studio de'l viołìn.
A l'età de cuatordeze ani, Knopfler el ga domandà a só pare come regało na ghitara ełètrega Fender Stratocaster roza cofà cueła de Hank Marvin dei Shadows, de cui el zera un gran amirador; anpò, dao che ła só famegia no ła se podeva parmeter na sìmiłe speza, el se ga dovesto incontentar de na alternativa pì conòmega, na Höfner V-2 Super Solid. El xe stà comuncue pien de boreso par el regało, cusì tanto che in tuta presa el ga inparà a sonar el strumento da só posta, sercando de reintarpretar i brani dei só ghitaristi prefarìi, tra cui B.B. King, Chet Atkins, Scotty Moore, Jimi Hendrix, Django Reinhardt e James Burton.
El stra zòvane Knopfler el apresava partegołarmente anca łe canson de Bob Dylan, condividendo sta pasion co ła conpanja de scoła Sue Hercombe; inte’l 1965 i do adołesenti i formava un doto folk e i ga acuizìo na serta notorietà daspò na aparision tełeviziva so na emitente łocałe. Inte’i stesi mezi Mark el ze entrà far parte de na conpanjia teatrałe sperimentałe, ma el progeto el ga fałìo[16].
Inte’l 1967, termenà el siclo scołàstego, el zòvane el ga frecuentà co costrùto un corso anuałe de zornałizmo a l'Harlow College[17], 'sto fato el ghe ga segurà un posto de łaor a Leeds cofà cronista de'l cotidian Yorkshire Evening Post. Do ani daspò, Knopfler el ga desidesto de 'ndar 'vanti a studiar: el ga zbandonà el tìbio (inpiego) e el se ga iscrivesto a'l corso de'l Bachelor of Arts in łengua e łetaradùra ingleze de ła University of Leeds, scumisiando a łaorar in una dita agricoła par pagarse i studi. Durando i ani de permanensa a Leeds, el ga spozà ła moroza Kathy White e el ga formà un do blues ciamà The Duolian String Pickers insenbre al ghitarista Steve Phillips[12]. Co l’àida de sto àlbun, Mark el ga preparà in azonta un un demo de'l só primo brano orizenałe, da'l titoło Summer's Coming My Way, che’l gaveva conponesto inte’l 1965[18]; ła rejistrasion ła ze restà inedita[12].
Inte’l magio del 1973, dopo aver conseguìo ła łaurea e esarse separà da ła muger, Knopfler se ga trasferìo a Łondra indove rl xe stà ciapà da'l fradèło menor David, anca łu gran pasionà de mùzega, el cuało el ga catà un łaor cofà asistente sosiałe[12][19]. Inte ła cavedal britànega Mark el ga avùo numaroze oportunidà par parfesionar ła só tècnega: dopo aver respondesto a un anuncio łezesto so’l zornal Melody Maker[12], el ga sonà par do mezi co i Brewers Droop, un grupo blues/pub rock che'l sercava un ghitarista sołista par łe só ezibision inte i łocałi de High Wycombe[20]. Drìoman el ga łaorà inte’l college de Loughton cofà insenjante de ingleze par foresti e par tozi co problemi psicołòzeghi inte l’inparo; serte volte el dazeva łesion de ghitara a ła Staples Road School[12]. Co alguni amighi de Loughton el ga formà un grupo rockabilly ciamà Café Racers, che'l ga avùo vida curta[21][22].
In cuełi ani, Mark el ga scrivesto numaroze canson; tutavia, sendo spàvio e poco fidusiozo inte łe pròpie capasità de conponidor, el zera restièro a sonarle in pùblego, preferìndo de łimitarse a sonar canson de altri o sanò intarpretar cover de brani famozi[12][23]. Na prima zvolta ła ga avùo łogo inte l’avrìl de'l 1977, cuando só fradèło David el ghe ga prezentà John Illsley, un amigo che'l studiava sosiołozia e el łaorava so na botega de dischi[24]; Illsley el ze stà ciamà a sostituir par un conserto el basista dei Café Racers, che'l zera małà[12]. Drìoman a sto epizodio, John e i fradełi i ga desidesto de costituir un novo grupo: dopo aver cominsià a condivider un partamento a Deptford, i se ga dedicà a provar insenbre i brani conponesti da Mark[12][25]. El progeto el ze deventà realtà co se ga unìo a łori el baterista Pick Withers, belché socio de Mark Knopfler inte i Brewers Droop, conosùo par aver fato parte dei Spring e dei Primitives[26].
El gran suceso co’ i Dire Straits (1977-1986)
[canbia | canbia el còdaxe]'El nomenato grupo – del cuało Mark Knopfler jera el frontman, nonché l'autor e l'arangiator de tuti i brani[27][28] – el ga tacà ezibirse co'l nome de Café Racers, mudà da'l presedente grupo de'l ghitarista; daspò el primo conserto, ła denominasion ła ze stà modifegà in Dire Straits (łetaralmente «terbiiłi restretese») par ałuder co ganga a'l contesto de precarietà econòmega inte'l cuało se trovava i cuatro zòveni muzisisti[12]. I inisi i ze stài senjài da rescontri de pùblego granfàto scarsi: Knopfler e soci i proponeva infati un rock łanpro ed esensiałe, ispirà prensiplmente a'l blues, a'l country e a'l rock and roll meregan de łe orìzene, cołocandose cuindi in verta controtendensa respeto ai canoni stiłìsteghi de l'èpoga che ła vedeva prevałer ła new wave, el soft rock, ła disco music e soratuto el punk[29][30].
Notasion
[canbia | canbia el còdaxe]- ↑ In questa sede non vengono conteggiati gli album di duetti realizzati con Chet Atkins ed Emmylou Harris.
- ↑ (EN) Stephen Thomas Erlewine, Dire Straits – Biography, AllMusic. entrada il 6 aprile 2015 (archivià il 4 marzo 2014).
- ↑ Nannini e Ronconi, op. cit., p. 135.
- ↑ (EN) Jason Ankeny, The Notting Hillbillies – Biography, AllMusic. entrada il 19 ottobre 2014 (archivià il 4 marzo 2014).
- ↑ Giancarlo Passarella (a cura di), Discografia, in Nannini e Ronconi, op. cit., pp. 240-249.
- ↑ Giancarlo Passarella (a cura di), Discografia, in Nannini e Ronconi, op. cit., pp. 241-243.
- ↑ Giancarlo Passarella (a cura di), Discografia, in Nannini e Ronconi, op. cit., pp. 234-235.
- ↑ Lesley Duncanson (a cura de), Mark Knopfler: A Life in Songs , BBC Four, 28 de xenaro 2011
- ↑ Alberto Guizzetti, Mark Knopfler, in Guitar Club Magazine, settembre 1999.
- ↑ Nannini e Ronconi, op. cit., pp. 13-14.
- ↑ 11,0 11,1 Nannini e Ronconi, op. cit., pp. 9-10.
- ↑ 12,00 12,01 12,02 12,03 12,04 12,05 12,06 12,07 12,08 12,09 (EN) Terry Kilburn, Mark Knopfler Authorized Biography, The official Mark Knopfler news website. entrada il 7 zugno 2020 (archivià il 20 marzo 2014).
- ↑ Una strana coppia di star, in Corriere della Sera – Milano, 13 novembre 2011, p. 16.
- ↑ Nannini e Ronconi, op. cit., p. 13.
- ↑ (in) Erwin Knopfler (1909-1993), Chess Scotland. entrada l'11 ottobre 2017 (archivià il 10 agosto 2013). Sconosesta: in (juto)
- ↑ Irwin, op. cit., p. 10.
- ↑ (in) Journalism Award for Harlow College, Harlow College. entrada il 5 gennaio 2011 (archivià dal URL orizenałe il 10 dicembre 2011). Sconosesta: in (juto)
- ↑ Irwin, op. cit., p. 11.
- ↑ Irwin, op. cit., p. 14.
- ↑ Irwin, op. cit., p. 15.
- ↑ Irwin, op. cit., p. 16.
- ↑ (EN) Joel A. Siegel, Mark Knopfler, innovative leader of Dire Straits, in Guitar Player, luglio 1979.
- ↑ Steve Phillips, Il bloc-notes di Mark, in Nannini e Ronconi, op. cit., p. 7.
- ↑ Irwin, op. cit., p. 18.
- ↑ Irwin, op. cit., p. 19.
- ↑ Irwin, op. cit., p. 21.
- ↑ Tute łe canson partenenti a ła discografia dei Dire Straits xe stàe conposte escluxivamente da Mark Knopfler, fata ecesion par i tre caxi drìo:
- Tunnel of Love contien un riarangiamento del tema prinsipałe de The Carousel Waltz, brano traxesto dal musical Carousel de Richard Rodgers e Oscar Hammerstein II;
- Money for Nothing xe acreditada a Mark Knopfler e Sting;
- What's the Matter Baby? xe stada conponesta da David Knopfler e Mark Knopfler.
- ↑ (EN) Dan Forte, Mark Knopfler of Dire Straits – Solid Rock, in Guitar Player, settembre 1984.
- ↑ (EN) Tony Stewart, New Musical Express, 8 aprile 1978.
- ↑ (EN) Daisann McLane, Dire Straits: a rock & roll fairy tale, in Rolling Stone, 5 aprile 1979, pp. 33-34.