Orsa pì granda

Mapa del grupo de l'Orsa pì granda

L'Orsa pì granda o Orsa major (in łatin Ursa Major) ła ze na costełasion tìpega de i siełi boreałi; łe só sete stełe pì łuminoze łe ze inmucià inte’l famozo asterizmo de’l Gran Caro. Łe stełe łe ze vezìbili par tuto l'ano inte l'emisfero Nord.

‘Sto sistema de astri el ze conpanjo a un orso (łe cuatro stełe orientałi) corso drio da tri caciatori (łe tri in coa) e el ze co bona probabiłità el pì antigo mito de’l cuałe l'umanità ła discore ncora deso.

Caratarìsteghe

Łe stełe de’l Gran Caro łe ze ciamà ndando da Est a Ovest: Dubhe, Merak, Phecda, Megrez, Alioth, Mizar e Alkaid (o anca Benetnasch), e A ghe ze stà asenjà łe łétare greghe da α a η inte’ł steso órdene.

Mizar ła ga na steła conpanja che ła ze ciamada Alcor. ‘Sta steła la ze pena vezìbiłe a ocio nudo e ła se dopara come test par ła vista.

Ła Steła Polare ła połe èsare catada dezenjando da cheł’altra banda de’l Gran Caro na łinea tra Dubhe e Merak e zlongàndoła de sincue volte.

Note

Altri progetti

• Wikimedia Commons

• Wikimedia Commons el detien imàjini o altri file so Orsa Major
• el detien schemi gràfeghi so