Ditatura miłitare

Na ditatura miłitare xe na forma de goerno autoritaria andove el podere pułitego el xe ciapà tuto dai miłitari.

Come tute łe ditature cheła miłitare połe esare ciamà cusì in maniera ufisałe o anca no, cioè che alguni ditatori miłitari i xe formalmente subordinai a on goerno siviłe o no.

Ghe xe anca forme intermedie, andove i vertexi de łe forse armae łe dà na fortisima influensa inte el Paexe, sensa parò reprimare del tuto łe libartà democrateghe.

Caraterixasion

Ditature miłitari in Latinoamerica

Algune ditature miłitari łe xe guidae da on organo cołejałe, che inte i paexi latinoamericani xe tradisionalmente denomenà xonta (da el spagnolo "junta", 'comitato', 'consejo'), conposto da miłitari de łe varie forse armae de locasion pì alte.

Altre ditature miłitari łe xe del tuto inte łe man de on soło alto ufisałe, sołitamente el comandante supremo de łe foree armae. El presidente de ła xonta o el comandante unico i połe tore ła carega de cao de Stato.

Ditature miłitari in Africa

In Medio Oriente e en Africa, i goerni miłitari i xe, de pì che da altre parti, controłai da na podente personałità e i gà anca masa i carateri de on autocrasia, xontà a quełi de na ditatura miłitare.

Leader come Idi Amin Dada, Mu'ammar Gheddafi e Gamal Abd el-Nasser i ga sercà de far cresare el proprio culto de ła personałità, devegnendo l'enblema steso de ła nasion sia drento che de fora de chełi paexi.

• el detien schemi gràfeghi so