Pałaso Labia

	Pałaso Labia
Epònemo	Labia (it)
Dati
Sorte	Pałaso
Caraterìsteghe
Stiłe architetònego	architettura barocca (it)
Pozision
Rejon aministrativa	Venèsia (Itàlia)
Pozision	Campo Santa Geremia, 275 - Cannaregio
	45°26′35.63″N 12°19′31.01″E
Atività
Propietàrio	RAI

Pałaso Labia el ze un pałaso baroco de'l sestièr de Canaregio a Venesia, costruìo infrà el XVII e el XVIII sècoło. Inte'l Sałón da bało Giambattista Tiepolo el gaveva depenzesto uno dei só caołaóri. El siclo de afreschi dedicà a łe Storie di Antonio e Cleopatra, so comisión dei fradèłi Angelo Maria e Paolo Antonio Labia.

Afiancà a ła Ceza de San Geremìa, l'edifisio el ze situà visin a ła confluensa de'l Canal de Canaregio inte'l Canal Grando; verso i cuałi el revòlze łe do fasade pi antighe; el terso prospeto varda so Canpo San Geremia.

I Labia che rivava in orìxene da ła Catałonja i zera stài iscriti al Patriarsado Venesian inte'l 1646 dopo aver contribuìo co un'inzente sóma a ła Guera de Candia. I galdèva infati stragrande richése che i spendeva in łusi, feste e in 'sto pałaso, scominsià poco daspò 'sta data.

Architetura

Le fasàe so i canałi, atribuìe variamente ad Andrea Cominelli, ad Alessandro Tremignon e a só fìo Paolo, łe reciapa modełi de'l Longhena. I prezenta un pepiàn dòrego bunjà e piani supario de órdene iònego e corinsio co balcóni nobiłiài da mascaroni e balconàe continue. So l'atico A ze scolpìe łe acuiłe aràldeghe dei Labia, intersàe co ocułi ovałi.

La fasàda so'l canpo, reałizada intorno a'l 1730 ła reciapa, senplifégandoło, el stìłe de łe altre do; no ze serta l'atribusión de'l dezenjo a Giorgio Massari, che sicuramente el gaveva verto a l'interno el monumentàl Sałón da bało.

Interno

El siclo de Giambattista Tiepolo

*Incontro tra Antonio e Cleopatra*, afresco de Giamabattista Tiepolo

.

Inte'sto sałón Giambattista Tiepolo el ga depenzesto el mazéngo siclo de afreschi dedicà a łe Storie di Antonio e Cleopatra (1746-1747), co ła cuadradùra trompe-l'œil de Gerolamo Mengozzi-Colonna, che ła se integra parfetamente coi epizodi narativi, indove parsonazi sontuozamente vestìi i ciapa poze teatralmente ełocuenti. Inte ła volta drento un ocuło sentrałe ze Bellerofonte su Pegaso va verso la Gloria e l'Eternità, inte łe paréde infrà fegure ałegòreghe e mitołòzeghe che łe ze prezente łe do sène peinsipałi l'incontro tra Antonio e Cleopatra, inte ła Sała dei Spèci inte'l sofito el reałiza el Trionfo di Zefiro e Flora.

Altre òpare

Tante altre sałe de'l pałaso ła ze decoràe da interesanti depinti: A se cata òpare de Giandomenico Tiepolo, Palma il Giovane, Giambattista Canal, Placido Costanzi, Agostino Masucci, Pompeo Batoni, Gregorio Lazzarini, Gaspare Diziani, Antonio Visentini. Notevołe anca un siclo de arasi fiaminghi co Storie di Scipione.

'Sta richesa artìstega ła ga avùo in Maria Labia una de łe prensipałi ispiratrisi; se dize retraesta in Cleopatra inte l'Incontro del Tiepoło.

Storia

La fortuna e ła vita mondana dei Labia łe ga avùo fin inte'l XIX sècoło e el pałaso el zera stà vendùo ad un prìnsipe dei Lobkowicz; st'altri ło ga cedùo a ła benefica pìa Fondasión Izraełìtega Königsberg, che ło ga tramezà in vari partaménti da fitàr. Ghe ga trovà ałòzo na fàbrega de stòfe, na segarìa e diverse famégie, che inte'l sałon da bało el destiràva ła lìsia.

Inte'l dopoguèra el novo propietario, Carlos de Beistegui, ga reałizà dei primi inportanti restauri e el ga sercà de reportàr el pałaso a'l só precedente splendor, integrandoło de aredi d'epoca ed òpare d'arte. El 3 setenbre 1951 el ga organizà inte'l pałaso una infrà łe pì bełe feste de'l sècoło: tuta l'alta sosietà intarnasionałe ła se ga incontrà inte'l Sałón da bało in àbiti setesenteschi, tanti dei cuałi dezenjài da Christian Dior e da un zòvane Pierre Cardin, Cecil Beaton el ghe n'à reałizà un memoràbiłe reportage fotogràfego.

Inte'l 1964 De Beistegui el gaveva cedùo a l'asta el pałaso a ła RAI, che ghe n'a fato ła só sede rejonałe. L'ente el ga efetuà presizi restauri sia a l'edifisio che a łe òpare d'arte.

In vista de un trasferimento a Malghera, la RAI ła ga invià inte'l april 2008 na prosedura de vendita, łigàda ad un dòparo non alberghiero ma espozitivo o culturałe (cofà rechiesto da'l Comùn de Venesia).

Da'l 2014 a'l 2016 el pałaso el ga ospità el festival intarnasionałe de desenji anemài Cartoons on the Bay.

Bibliografia

Marcello Brusegan, La grande guida dei monumenti di Venezia. Roma, Newton & Compton, 2005. ISBN 88-541-0475-2.
Guida d'Italia - Venezia 3^a ed. Milano Touring Editore, 2007. ISBN 978-88-365-4347-2.
Elsa e Wanda Eleodori. Il Canale Grande. Palazzi e Famiglie. Venezia, Corbo e Fiore, 2007. ISBN 88-7086-057-4.