Vittoria Puccini

Vittoria Puccini
	;
Biografia
Nasimènto	18 de novenbre del 1981 (43 ani); Firense (Itàlia)
Atività
Ocupasion	ator, ator
Atività	2000 –
Fameja
Convivente	Claudio Santamaria (it) ; Alessandro Preziosi (it) (2004–2010)
Sito web	vittoriapuccini.com

Vittoria Puccini, (Firense, 18 de novenbre, 1981) ła ze na atora itałiana

Biografia

Nasesta a Firense inte el 1981, so fia de Giusto Puccini, profesor ordenario de derito pùblego, e de Laura Morozzi, insenjante ełementar, ła consegue ła madurità clàsega a'l Łiceo Ginnasio Michelangelo de Firense e, drioman, ła frecuenta Zurisprudensa a l'univarsidà (sensa parò dar nesun ezame).

Vittoria Puccini ła ze cuzina par parte de mare de Orsola Branzi, condutora radiofònega conosùa come la Pina^[1], e nesa acuizìa de Andrea Branzi, architeto e designer^[1]. Inazonta, senpre da parte de mare^[2], ła ze cuzina de Sofia Viscardi, youtuber e scritora miłaneze.

Cariera

Ła ezordise inte el 2000 intarpretando el ròło de Gaia inte el film Tutto l'amore che c'è, direto da Sergio Rubini. Inte el 2001 ła fa aparision in tełevizion inte ła miniserie in do pontae La crociera, regia de Enrico Oldoini, e l'ano drio inte ła miniserie Sant'Antonio di Padova, regia de Umberto Marino; in pì inte el 2002 ła torna oncora sol grando schermo col film Paz!, direto da Renato De Maria.

Ła otien la consacrasion co ła serie tełeviziva Elisa di Rivombrosa (2003), grasie a ła cuała ła vinse el Tełegato come parsonajo femenin de l'ano.^[3] Ła serie, in trèdaze pontade, anbientà inte'l Piemonte de'l Setesento e ispirà a'l romanzo angleze Pamela, o la virtù premiata de Samuel Richardson, ła conta ła travajà storia d'amor intra l'ùmiłe dama de conpanjia Elisa Scalzi e el conte Fabrizio Ristori (Alessandro Preziosi). Direta da Cinzia TH Torrini, ła ze stata trazmesa da Canale 5.

Senpre in tełevizion inte'l 2004 ła interpreta el roło de Octavia in Imperium: Nerone. Inte'l 2005 ła ze ła protagonista de'l film Ma quando arrivano le ragazze?, rezìa de Pupi Avati. Inte'l steso ano ła torna so Canale 5 co Elisa di Rivombrosa - Parte Segonda, par cui ła vinse ła Telegrolla d'Oro, come mejo atora de fiction par el roło de Elisa Scalzi Ristori. Senpre inte'l steso ano ła interpreta el roło de ła Baronesa Maria Vetsera in Il destino di un principe, rezìa de Robert Dornhelm, che'l parla dei fatti di Mayerling, in onda inte'l 2006 co suceso in Austria e in Zarmania, e in Itałia, so Rai Uno, el 17 de desenbre de'l 2007.

A setenbre de'l 2006 ła scominsia a zirar ła miniserie Le ragazze di San Frediano, ciapà da l'omònemo romanzo de Vasco Pratolini, in onda inte'l 2007 so Rai Uno. I altri protagonisti i ze: Martina Stella, Chiara Conti, Camilla Filippi e Giampaolo Morelli.

Inte'l 2007 ła zira ła miniserie TV La baronessa di Carini, rezìa de Umberto Marino, co Luca Argentero. A majo de'l steso ano ła taca łe repreze de'l film Colpo d'occhio, rezìa de Sergio Rubini, di cui ła ze protagonista insenbre a Riccardo Scamarcio, inte łe sałe a marso 2008. Par 'sto film ła reseve da novo el premio Diamanti al Cinema come mejo atora protagonista ex aequo co Violante Placido a ła Mostra de'l Sinema de Venesia 2008.

Inte'l 2009 ła zira łe miniserie TV Tutta la verità, direta da novo da Cinzia TH Torrini, e C'era una volta la città dei matti..., rezìa de Marco Turco, insentrà so ła vita e so l'atività de Franco Basaglia, el psichiatra che'l ga ispirà ła łeje 180/78 che'l regoła l'asistensa psichiàtrega in Itałia, in onda entranbe so Rai Uno. Senpre inte'l 2009, el rezista Gabriele Muccino el ła sernise come coprotagonista inte'l film Baciami ancora^[4], sequel del za famozo L'ultimo bacio, inte'l cuało Vittoria ła interpreta el rolo de Giulia (intarpetà da Giovanna Mezzogiorno inte'l film presedente). Altri interpreti Stefano Accorsi, Pierfrancesco Favino, Giorgio Pasotti. Par 'sto roło, el 20 de zunjo 2010, a Vittoria Puccini A ghe vien asenjà el Golden Goblet Award come mejo atora protagonista a ła 13ª edision de'l Festival Intarnasionałe de'l Film de Shanghai.

Inte'l 2010 ła zira infrà Kenya e Salento el film La vita facile par ła rezìa de Lucio Pellegrini, oncora co Pierfrancesco Favino e Stefano Accorsi. Inte'l setenbre 2010 ła vinse par ła tersa volta el premio Kinéo-Diamanti a'l sinema par l'intarpretasion de Baciami ancora. Senpre durando ła 67ª Mostra de'l Sinema de Venesia ła vien insinjìa de'l premio "L'Oréal Paris par il Cinema", dedegà ai zòvani tałenti co ła motivasion: "Beła, tałentuoza brava e apresada da critica e pùblego".

A novenbre 2010 ła ga tacà łe ripreze de ła miniserie RAI Violetta, par ła rezìa de Antonio Frazzi, łibaramente trazesta da l'ópara de Giuseppe Verdi La Traviata.^[5]

El 31 de majo 2011 ła reseve da l'Asosiasion Donne nell'Audiovisivo el "Premio Afrodite" 2011 come "Atora de l'Ano". Senpre inte'l 2011 ła ze stà ła comàre de ła 68ª Mostra intarnasionałe d'arte sinematografega de Venesia^[6].

Inte'l desenbre 2013 ła ze ła protagonista de ła miniserie in do pontade Anna Karenina, in onda so Rai 1^[7].

Inte'l zenaro 2014 ła vien fora inte i sinema co ła comedia Tutta colpa di Freud direta da Paolo Genovese.^[8] Inte'l 2015 ła interpreta Oriana Fallaci inte ła fiction tv L'Oriana, che conta ła vita privà e profesionałe de ła zornałista;^[9] mentre a teatro ła ze protagonista, insenbre a Vinicio Marchioni, de La gatta sul tetto che scotta, el drama teatrałe de Tennesse Williams.^[10] A'l sinema ła ze inte'l cast de'l film Maraviglioso Boccaccio, ispirada a'l Decamerone de Giovanni Boccaccio, che'l conta ła istòria de dièze zòvani costrenzesti a refujarse in canpanja par via de l'ondada de peste che ła gaveva colpìo el caołogo Toscan.^[11]

Inte'l 2016 ła ze protagonista de ła comedia Tiramisù darénte a Fabio De Luigi, 'st'ùltemo inte łe dopie veste de ator e rejista.^[12]

Inte'l 2019 ła interpreta Monica, protagonista de ła serie Rai Mentre ero via afiancà da Giuseppe Zeno.

Dal 9 de zunjo 2020 ła ze ła presidente de l'asosiasion UNITA (Unione Nazionale Interpreti Teatro e Audiovisivo).

Inte'le 2021 ła vien candidà ai David di Donatello come mejo atora protagonista par el ròło de Elisa inte'l film 18 regali.

Da'l 5 de avrìl 2021 ła ze ła protagonista de ła miniserie Rai La fuggitiva.

Vita privà

Da'l 2004 a'l 2010 ła ga avùo na rełasion co Alessandro Preziosi, conosùo so'l set de Elisa di Rivombrosa, e da'l cuało ła ga avùo na fia, Elena, nasùa el 16 de majo 2006 a Firense^[13].

Filmografia

Sìnema

Tutto l'amore che c'è, regia de Sergio Rubini (2000)
Paz!, regia de Renato De Maria (2002)
Ma quando arrivano le ragazze?, regia de Pupi Avati (2005)
Colpo d'occhio, regia de Sergio Rubini (2008)
Baciami ancora, regia de Gabriele Muccino (2010)
La vita facile, regia de Lucio Pellegrini (2011)
Acciaio, regia de Stefano Mordini (2012)
Magnifica presenza, regia de Ferzan Özpetek (2012)
Tutta colpa di Freud, regia de Paolo Genovese (2014)
Maraviglioso Boccaccio, regia de Paolo e Vittorio Taviani (2015)
Tiramisù, regia de Fabio De Luigi (2016)
The Place, regia de Paolo Genovese (2017)
Cosa fai a Capodanno?, regia de Filippo Bologna (2018)
18 regali, regia de Francesco Amato (2020)

Tełevizion

La crociera, regia de Enrico Oldoini - Miniserie TV (2001)
Sant'Antonio di Padova, regia de Umberto Marino - Miniserie TV (2002)
Elisa di Rivombrosa, regia de Cinzia TH Torrini - Serie TV (2003-2004)
Imperium: Nerone, regia de Paul Marcus - Miniserie TV (2004)
Elisa di Rivombrosa 2, regia de Cinzia TH Torrini - Serie TV (2005)
Il destino di un principe, regia de Robert Dornhelm - Film TV (2006)
Le ragazze di San Frediano, regia de Vittorio Sindoni - Miniserie TV (2006)
La baronessa di Carini, regia de Umberto Marino - Miniserie TV (2007)
Tutta la verità, regia de Cinzia TH Torrini - Miniserie TV (2009)
C'era una volta la città dei matti..., regia de Marco Turco - Miniserie TV (2010)
Violetta, regia de Antonio Frazzi - Miniserie TV (2011)
Altri tempi, regia de Marco Turco - Miniserie TV (2013)
Anna Karenina, regia de Christian Duguay - Miniserie TV (2013)
L'Oriana, regia de Marco Turco - Miniserie TV (2015)
Romanzo famigliare - Miniserie TV (2018)
Mentre ero via, regia de Michele Soavi (2019)
Il processo, regia de Stefano Lodovichi - Serie TV (2019)
La fuggitiva, regia de Carlo Carlei - Miniserie TV (2021)
Non mi lasciare, regia de Ciro Visco - Serie TV (2022)

Dopiajo

Agata in La bella e la bestia, regia de Bill Condon (2017)^[14]

Teatro

La gatta sul tetto che scotta (2015)

Video muzegałi

Insolita de Le Vibrazioni (2008).
Ancora qui di Renato Zero (2009).
Baciami ancora di Jovanotti (2010).
Tutto questo sei tu di Ultimo (2019).

Premi e reconosimenti

David di Donatello
- 2021 - Candidatura par ła mejo atora protagonista par 18 regali

Altri reconosimenti:

Telegatto come personajo femenin de l'ano (2004)
Telegrolla par Elisa di Rivombrosa (2004)
Telegrolla par Elisa di Rivombrosa - parte segonda (2006)
Premio Diamanti al Cinema come mejo atora protagonista, a ła Mostra del Sinema de Venesia 2005
Premio Diamanti al Cinema come mejo atora protagonista, ex aequo co Violante Placido, a ła Mostra de'l Sinema de Venesia 2008
Premio Golden Goblet Award come mejo atora protagonista a ła 13ª edision del Festival Intarnasionałe de'l Film de Shanghai 2010
Premio come mejo atora par ła categoria Miniserie, asenjà da ła Zurìa Sorrisi e Canzoni TV par Tutta la verità
Premio Diamanti al Cinema come mejo atora protagonista, a ła Mostra del Sinema de Venesia 2010
Premio L'Oréal Paris: reconosimento al tałento e a ła bełesa de zovane atore itałiane, a ła Mostra de'l Sinema de Venesia 2010
Premio Afrodite 2011 asenjà da l'Asosiasion Donne nell'Audiovisivo come "atora de l'ano"
Premio come mejo atora par ła categoria Miniserie, asenjà da ła Zurìa Sorrisi e Canzoni TV par Violetta

Notasion

↑ ^1,0 ^1,1 Simona Rodolli, Guardate, la sua ze una famiglia di artisti (PDF), in Grand Hotel, 21 ottobre 2011, pp. 10. entrada il 3 agosto 2014.
↑ Sofia Viscardi:<<Io che mi piaccio così come sono>>vanityfair.it.
↑ Telegatti 2004, trionfa Elisa di Rivombrosapubliweb.com. entrada il 10 zugno 2016.
↑ Baciami Ancora: Vittoria Puccini sostituisce Giovanna Mezzogiorno
↑ Violetta, l'amore struggente di Vittoria Puccinimymovies.it, 17 ottobre 2011. entrada il 19 maggio 2017.
↑ Venezia 2011, Vittoria Puccini ze la madrina
↑ Anna Karenina su Raiuno: Vittoria Puccini interpreta la protagonista del romanzo di Tolstoj (ligo ronpesto dispunìbiłe in Internet Archive; védarse el istòrego, la prima version e ła ùltema). cultura.nanopress.it. entrada il 23 novembre 2013.
↑ Tutta colpa di Freud con Vittoria Puccinivelvetcinema.it. entrada il 27 gennaio 2014.
↑ Vittoria Puccini diventa Oriana Fallaciaffaritaliani.it. entrada il 23 novembre 2013.
↑ Vittoria Puccini a teatro in La gatta sul tetto che scottaprimapaginanews.it. entrada il 17 marzo 2015.
↑ Vittoria Puccini presenta Maraviglioso Boccacciolettera43.it, 23 febbraio 2015. entrada il 17 marzo 2015 (archivià dal URL orizenałe il 2 aprile 2015).
↑ Vittoria Puccini, da Elisa di Rivombrosa a Tiramisùsorrisi.com, 8 febbraio 2016. entrada il 10 zugno 2016.
↑ Puccini-Preziosi sono mamma e papà, tgcom24, 16 maggio 2006. entrada il 23 novembre 2013 (archivià dal URL orizenałe il 2 dicembre 2013).
↑ Vittoria Puccini: «Io, maga par La Bella e la Bestia»vanityfair.it, 14 marzo 2017. entrada il 19 maggio 2017.

Altri projeti

Wikimedia Commons el detien imàjini o altri file so Vittoria Puccini
Scholia el detien schemi gràfeghi so Vittoria Puccini

Linganbi foresti

Sito ufisałevittoriapuccini.com.
(EN) Vittoria PucciniInternet Movie Database, IMDb.com.
(EN) Vittoria PucciniAllMovie, All Media Network.
(EN) Vittoria PucciniRotten Tomatoes, Flixster Inc.
(DE, EN) Vittoria Puccinifilmportal.de.

Controło de autorità	VIAF (EN) 261500146 · ISNI (EN) 0000 0003 8149 4841 · El vałore RAVV329007 de SBN no el xe mija bon. · LCCN (EN) no2009056620 · GND (DE) 138525692 · WorldCat Identities (EN) no2009-056620

[Branzi-1] 1,0 ^1,1 Simona Rodolli, Guardate, la sua ze una famiglia di artisti (PDF), in Grand Hotel, 21 ottobre 2011, pp. 10. entrada il 3 agosto 2014.

[2] Sofia Viscardi:<<Io che mi piaccio così come sono>>vanityfair.it.

[3] Telegatti 2004, trionfa Elisa di Rivombrosapubliweb.com. entrada il 10 zugno 2016.

[4] Baciami Ancora: Vittoria Puccini sostituisce Giovanna Mezzogiorno

[5] Violetta, l'amore struggente di Vittoria Puccinimymovies.it, 17 ottobre 2011. entrada il 19 maggio 2017.

[6] Venezia 2011, Vittoria Puccini ze la madrina

[7] Anna Karenina su Raiuno: Vittoria Puccini interpreta la protagonista del romanzo di Tolstoj (ligo ronpesto dispunìbiłe in Internet Archive; védarse el istòrego, la prima version e ła ùltema). cultura.nanopress.it. entrada il 23 novembre 2013.

[8] Tutta colpa di Freud con Vittoria Puccinivelvetcinema.it. entrada il 27 gennaio 2014.

[9] Vittoria Puccini diventa Oriana Fallaciaffaritaliani.it. entrada il 23 novembre 2013.

[10] Vittoria Puccini a teatro in La gatta sul tetto che scottaprimapaginanews.it. entrada il 17 marzo 2015.

[11] Vittoria Puccini presenta Maraviglioso Boccacciolettera43.it, 23 febbraio 2015. entrada il 17 marzo 2015 (archivià dal URL orizenałe il 2 aprile 2015).

[12] Vittoria Puccini, da Elisa di Rivombrosa a Tiramisùsorrisi.com, 8 febbraio 2016. entrada il 10 zugno 2016.

[13] Puccini-Preziosi sono mamma e papà, tgcom24, 16 maggio 2006. entrada il 23 novembre 2013 (archivià dal URL orizenałe il 2 dicembre 2013).

[14] Vittoria Puccini: «Io, maga par La Bella e la Bestia»vanityfair.it, 14 marzo 2017. entrada il 19 maggio 2017.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]