Kacu tekst Durban

{{10000}}{{A10000}}
{{Eländpunkt
 | Nimi = Durban <small>(veps., angl. i afr.)</small><br />eThekwini <small>(zul.)</small>
 | Lidnanznam = DurbanCoatOfArms.jpg
 | Flag = Flag of Durban, South Africa.svg
 | Lidnanznam text = Durbanan lidnanznam
 | Flag text = Durbanan flag
 | Valdkund = Suviafrikan Tazovaldkund
 | Eläjiden lugu = 838,634
 | Voz' = 2023
 | Pind = 225.91
 | Fail = ZA-Durban-straende.jpg
 | Pämez' = 
 | Telefonkod = +27-(0)31
 | Aigvö = [[UTC]]+2
}}
[[Fail:KwaZulu-Natal Municipalities showing eThekwini.png|thumb|left|250px|Durbanan kund agjan kartal (2006)]]
'''Durban''' (mugažo [[afrikaans]] i [[anglijan kel'|anglijan]] kelil, anglijan virkand: [ˈdɜːrbən], {{lang-zu|eThekwini}}) om lidn [[Suviafrikan Tazovaldkund]]an päivnouzmas. Se om [[Kvazulu-Natal]]-agjan kaikiš suremb lidn. Mülüb Etekvini-lidnümbrikho.

== Istorii ==
Portugalijalaižed nimitihe merikarad ''Natal'' («Raštvad») vl 1497, ''Portu-Natal''-meriport oli olmas. Nügüdläižen eländpunktan aluz om pandud vn 1835 23. päiväl kezakud, nimitihe Anglijan Suviafrikan kolonijoiden Bendžamin D'Urban-gubernatoran kanzannimen mödhe. Ezmäine raudte Suviafrikas (1860), nügüd'aigan Afrikan suvipalan kaikiš järedamb meriport.

Durban šingotase eksportan-importan meriportal (1,6 mln TEU-konteinerid i jüguiden 25 mln tonnoid vl 2004, saharan i avtoiden eksport), [[saharrogo]]n ümbriradmižen tegimil sijaližel torhudel, tekstil'tegimištol, [[Toyota]]-korporacijan tegimel (220 tuhad avtoid vodes, mändas eksportaks tobjimalaz), lebuturizmal i torguindal, mugažo mujuiden, muilan i konservoiden tegimil.

== Geografijan andmused ==
Lidn sijadase [[Indine valdmeri|Indižen valdmeren]] Natal-merikaran randal, 0..700 m korktusil, 22 m ü.m.t. keskmäižel korktusel. Umgeni-, Umhlatuzan i Umlas-joged ristikoitas lidnan territorijad.

Klimat om [[subtropine vö|subtropine]] pehmed lämän valdmerijoksmusen tagut. Voden keskmäine lämuz om +21 C°, kezakun-sügüz'kun +17..+19 C°, tal'vkun-keväz'kun +23..+25 C°. Ekstremumad oma +3 C° i +40 C°. Paneb sadegid 1009 mm vodes, enamba kül'mkus-keväz'kus (102..134 mm kus), vähemba kezakus-heinkus (28..39 mm kus).

== Eläjad ==
Vl 2011 lidnan eläjiden lugu oli 595 061 ristitud. Kaikiš suremb lidnan ristitišt om nügüd'. Vl 2023 kaik nell' millionad ristituid elihe lidnaglomeracijas 2 292 km² pindal (vl 2011 oli 3,44 mln eläjid, koumanz' surtte valdkundas).

Augotižlibundan mödhe (2011): muzaverižed afrikalaižed — 51,1 %, indijalaižed vai azijalaižed — 24,0 %, evropalaižed — 15,3 %, segoitadud augotižlibundanke — 8,6 %, toiženke augotižlibundanke — 1,0 %.

Ezmäižen kelen mödhe (2011): [[anglijan kel']] — 49,8 %, [[zulun kel']] — 33,1 %, [[kosan kel']] — 5,9 %, [[afrikaans]] — 3,6 %, toine kel' — 7,6 %.

Kvazulu-Natal-agjan universitet<ref>[http://ukzn.ac.za/ Kvazulu-Natal-agjan universitetan sait (''ukzn.ac.za'').] {{ref-en}}</ref> (46 tuh. üläopenikoid vl 2016, {{lang-en|University of KwaZulu-Natal / UKZN}}, {{lang-zu|INyuvesi yakwaZulu-Natali}}, {{lang-af|Universiteit van KwaZulu-Natal}}) om sätud lidnas vl 2004 kahten universitetan ühtištusel, sen koume kampusad videspäi sijadasoiš Durbanas, niišpäi päine kampus kaks' nellikkilometrad pindal om enččes Uestvill'-ezilidnas.

== Transport ==
Privatižed mikroavtobusad oma kundaližeks transportaks lidnas. Om koume avtobusmaršrutad turistoiden täht. Jonused oma levitadud ezilidnoiš.

Rahvahidenkeskeine lendimport [[Čaka]]-kunigahan nimed<ref>[http://kingshakainternationalairport.com/ Rahvahidenkeskeižen lendimportan Čaka-kunigahan nimed sait (''kingshakainternationalairport.com'').] {{ref-en}}</ref> (''DUR / FALE'', 4,3 mln passažiroid finansižel vodel 2022) om saudud vll 2007−2010 i radab 35 kilometras pohjoižhe Durbanan keskusespäi vspäi 2010. Tehtas reisid valdkundan järedoihe lidnoihe, lähižiden maiden pälidnoihe, Suvipäivlaskmaižen Azijan maihe ([[Doh]], [[Dubai]], [[Stambul]]). Vll 1951−2010 rahvahidenkeskeine Durban-lendimport (''DUR / FADN'') radoi lidnan suves, vedihe 255 mln passažiroid kaikil niil vozil.

== Homaičendad ==
<references />

== Irdkosketused ==
* [http://www.durban.gov.za/ Lidnan oficialine sait (''durban.gov.za'').] {{ref-en}}
{{Commons|Durban}}

[[Kategorii:Durban| ]]
[[Kategorii:Suviafrikan Tazovaldkundan lidnad]]
[[Kategorii:Eländpunktad kirjamišton mödhe]]
[[Kategorii:Kvazulu-Natal]]