Pol'veim

Monokristalližen olan valuz. Sen kristallad oma kaikiš enamba levitadud pol'veimmaterialad kävutamha mikroelektronikas i fotovol'taikas.

Pol'veim om material veimiden i dielektrikoiden keskes eriližen elektrovedandmahtusen mödhe. Se erineb veimiš-metalloišpäi eriližen elektrovedandmahtusen lujal rippundal ližasegoitusiden koncentracijaspäi, lämudespäi i erazvuiččen sädegoičendan painegespäi. Pol'veimiden päine ičend om elektrovedandmahtusen lujenduz lämuden ližadusenke, hot' pol'veimil om i veimiden, i dielektrikoiden ičendoid.

Pol'veimed oma mugomad kristalližed substancijad, kudambiden kel'dzonan leveduz om läz elektron-vol'tad (eV). Ozutesikš, mülüdas diamantad levedzonižihe pol'veimihe (läz 7 eV), indijan arsenid — kaidzonižihe (0,35 eV). Mülütadas pol'veimihe äjid himižid elementoid (germanii, ola, selen, tellur, arsen da tž.), ühthesuladusiden i himižiden ühtnendoiden ogibal lugumär (oz., gallijan arsenid). Pol'veimiden elektrovedandmahtuz rippub lämudespäi. Läz absolütišt noläd pol'veimed kätas dielektrikoikš.

Vl 1833 britanine Maikl Faradei-fizik-kodvii ümbrikirjuti ičeze «Elektrusen eksperimentaližed tedoidused»-tedotös hobedan sul'fidan elektrovedandmahtusen vaskmäšt lämuzfunkcijad, se lujeni lämuden ližadusenke, toižiden tetabiden metalloiden vedandmahtuz poleni lämbitusen aigan. Vodele 1838 Faradei avaiži völ viž substancijad mugomidenke ičendoidenke. Möhemba nimitihe niid substancijoid «pol'veimikš».

Pol'veimiden toižendad oma elektrovedandmahtusen harakteran mödhe (ičeze i ližasegoitusiden) i toižendan mödhe (elektroniden, vai n-tipad, i reiguiden, p-tip).

Kacu mugažo

• Pol'veimladimed
• Üläveim

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.