Otto I (HRR)
| 912- 973 | ||||||
|---|---|---|---|---|---|---|
|
||||||
|
||||||
|
||||||
|
||||||
|
Otto I, bygenoamd Otto de Grôotn (Wallhausen (Saksen-Anhalt), 23 november 912 – Memleben (Saksen-Anhalt), 7 meie 973), van de dynastie van de Liudolfiengers, was van 936 tout 973 hertog van Saksn en keunienk van Oost-Francië, van 961 ook keunienk van Italië en van 962 den êeste Rôoms-Duutsche keizer.
Achter de môord ip keizer Berengar van Friuli in 924 was de keizerlykn titel bykan vêertig joar vacant gebleevn. Ip 2 februoari 962 wierd Otto I tout keizer gekrôond en kost ie de keizers van 't Rôoms Ryk ipvolgn.
Otto I is genoemd achter zyn grotvoader Otto I van Saksn, die ip 30 november 912 stierf, e weke achter dat ie ip de weireld kwam.
Je was den oudste zeune van Hendrik de Veugeloare en Mathilde van Ringelheim. Zyn voader is nôoit gin keizer gewist, mo je wordt toch anzien ols de stichter van 't Ottoons Huus. D'Ottoonn regeerdn mêer of 'n êeuwe van 919 tout 1024 over Duutsland, loater 't Hillig Rôoms Ryk genoemd.
De keunienklyke villa van d'Ottoonn in Memleben was styf belangryk in dien tyd. Otto zyn voader is doa geboorn en gestorvn. Otto is ook gestorvn in Memleben, mo j'is begroavn in de kathedroale van Magdeburg. Zyn herte zou begroavn zyn in Memleben en zyn zeune Otto II stichtte doar in 975 e Benedictyneklôoster.
Vrouwn en jounges
[bewerkn | brontekst bewerken]Otto ha twi vrouwn en zeevn jounges.
Je trouwde in 929 me d'Iengelsche prinsesse Eadgyth (Edith) van Wessex, dochter van keunienk Edward den Oudern en halfzuster van keunienk Æthelstan. Ze krêeg Magdeburg ols bruudschat. Under jounges woarn:
- Liudolf (930 – 6 september 957), hertog van Zwaabn
- Liutgarde van Saksn (931–953), getrouwd me Konrad de Rôoin, hertog van Lotharingen
Je trouwde in 951 me zyn twidde vrouwe Adelaide van Bourgondië. Under jounges woarn:
- Hendrik (952-954)
- Bruno (953-957)
- Mathilde (954-999)
- Otto II (955–983), loater keizer van 't Hillig Rôoms Ryk
J'haad ook nog 'n ounwettige zeune met e Sloavische vrouwe:
- Willem (929-968), eirtsbisschop van Mainz van 954, begroavn in de Sint Albanuskerke by Mainz
| Ofbeeldiengn die ier by passn ku je vien in de categorie Otto I, Holy Roman Emperor van Wikimedia Commons. |