franc

Walon (Rifondou)

Etimolodjeye

Tayon-bodje vî francike « Frank » (Franc, mimbe po peupe do minme no), dandjreus di tayon-bodje vî vî tîxhon * frankô, frakkōn (lance).

Prononçaedje

• AFE :
  • diferins prononçaedjes : /fʀã/ /fʀɔ̃/ (minme prononçaedje cåzu pattavå)
  • prononçaedje zero-cnoxheu : /fʀã/
• Ricepeures : nén rcepåve

Addjectif

	singulî	pluriyal
omrin	franc	francs
femrin atribut	franke	frankes
femrin epitete (todi padvant)	franke	frankès

franc omrin

1. ki dit çou k’ i pinse platezak.
   • Soeyoz franc avou mi.
   • Li monde m' invite et dji lyi soreye
     D' on cour tot franc, tot enondé— Martin Lejeune, Bultén del Societé d' Lidje, "Dj’a dîh-ût ans", tome 43, p. 143 (fråze rifondowe).
   • Åtoû d’ leye, li ci k’ est trop franc,
     Fåt ki piede si latén, c’ est vraiy— Joseph Vrindts, ”Vîx Lîge” (1901), p.10, “A l’Mouse” (fråze rifondowe).
2. coraedjeus.
   • -Neni si vos pinsêyes
     Viè l' franc houyeu s' tournént…
     -Mins si, dmwin, les houyeus
     E fond vs dihåmonént— Martin Lejeune, "Tot riv’nant dè beûr" (fråze rifondowe).

Ratourneures

1. franc come Batisse, franc come on tigneus

Parintaedje

• frankisté
• afranki, afrankixhaedje
• disfranki, disfrankixhaedje

Mots d’ aplacaedje

• franc pectî

Ortografeyes

Après 1900, foû rfondou (Feller, Feller ricandjî, nén Feller) :

• franc, franche : O4
• franc, franque : E165
• franc : C8

E rfondou walon :

• franc, franke : R10 ^(lére)
• franc : R13

Etimolodjeye

Calcaedje do francès « franc » (minme sinse), (manoye).

• 
  Franc bedje
• 
  Franc francès

Sustantif

singulî	pluriyal
franc	francs

1. (manoye) manoye francesse et bedje di dvant l' euro, todi eployeye e Swisse.
   • Li pice d' on franc peze cénk grames. — Motî Forir (fråze rifondowe).
   • JANETE. Sondjîz k’ vos avoz èn efant, savoz. Cénk meye francs !
     KINÅVE. (mouwé) – On sait bén k’ c’ e-st ene bele boufe. — Henri Simon, « Janète » 1911, (eplaidaedje da Jean Haust di 1936), p.128 (fråze rifondowe).
   • Bén mî : li mame a prometou,
     Po l' adawyî, po lyi complaire,
     On franc tot blanc å ptit tiestou. — Martin Lejeune, “ Œuvres lyriques du poète Martin Lejeune” p.156, « Lu novê scolî » (fråze rifondowe).

Mots vijhéns

• aidants
• årdjint
• brokes
• broûlés
• çanses
• florins
• liårds
• patacons
• patårs
• petsales
• picayons
• skelins
• sôs

Ortografeyes

Divant 1900 :

• fran : E203 ^(lére)

Après 1900, foû rfondou (Feller, Feller ricandjî, nén Feller) :

• franc : E1, O4

E rfondou walon :

• franc : R9 ^(lére), R10 ^(lére), R13

Ratournaedjes

franc

• Francès : franc ^(fr)