Exigo ehf Ready

Odoo sérfræðingar á Íslandi

Exigo hefur sérhæft sig í Odoo frá árinu 2014 og hjálpar íslenskum fyrirtækjum að innleiða, þróa og reka Odoo sem sameiginlegan vettvang fyrir daglegan rekstur.

Við vinnum með allt frá CRM, sölu og bókhaldi til innkaupa, lagerstýringar, framleiðslu, POS, vefverslunar, verkefna og þjónustu. Styrkur Odoo felst í því að þessi ferli vinna á sameiginlegum gögnum og tengjast saman í einu kerfi í stað þess að upplýsingar dreifist á mörg aðskilin kerfi.

Odoo fyrir íslenskan rekstur

Exigo býður Odoo aðlagað að íslensku viðskiptaumhverfi ásamt tengingum sem draga úr handvinnu og tvískráningu. Þar má meðal annars nefna bankatengingar, rafræna reikninga og PEPPOL, rafræna innskráningu, kortagreiðslur og tengingar við íslenska flutningsaðila og aðra innviði íslensks viðskiptaumhverfis.

Við hjálpum viðskiptavinum að móta lausnina út frá raunverulegum rekstrarferlum og forgangsröðun. Við leggjum áherslu á að nýta staðlaða virkni Odoo eins langt og mögulegt er og sérsníða aðeins þar sem það skapar skýrt rekstrarlegt virði.

Sérþekking í flóknum rekstri

Sérþekking Exigo liggur sérstaklega í framleiðslu, heildsölu, smásölu, lagerstýringu, aðfangakeðju og fjármálum – þar sem samþætting sölu, innkaupa, birgða, framleiðslu og bókhalds skiptir miklu máli.

Viðskiptavinir Exigo starfa í fjölbreyttum atvinnugreinum, allt frá framleiðslu og byggingariðnaði til verslunar, matvælaiðnaðar, tækni, heilbrigðisþjónustu og ferðaþjónustu.

Markmiðið er ekki einfaldlega að innleiða nýtt kerfi heldur að einfalda ferla, auka sjálfvirkni og skapa betri yfirsýn yfir reksturinn.

Exigo – íslensk þekking og sérhæfing í Odoo.

www.exigo.is