CHANCHINBU ENKAWLTUTE

Editor Jt. Editor News Ed. Manager Cir. Mag. OB i/c : Chanchinmawia (9615820416) : Lalremsiama,Lalnunsanga Fanai (9862120903) : PC. Ramnunsiama, H.Lalhmingliana : Lalhlutpuii : Lalramzauva Chawngthu (8575462587) : C.Lalthanpuia (9862657366) C. Laltanpuia (9615021656)

VC thar piang dawn?

Tunlai hian ruihhlo-a fihlim lote avangin veng chhungah gas leh inchhung bungrua bo a awm thin tih hriat a ni a, hei hi Branch YMA chuan chhui mekin ruk ruk chingte hi an hual hnaih tawh hle. Veng chhung mipuite pawh ruk ruk a awm loh nana fimkhur turin kan inchah nghal a ni e.

Vol. XX No.33 25th September 2011 VENGTHLANG BRANCH EXECUTIVE COMMITTEE NEIH A NI
25th September 2011: Dt 21.09.2011 (Nilaini) Zingkar

Centenary sale zo
Synod Bookroom in tunkar chhunga kum 100 tlin an lawmna atana Centenary sale an neih chu nimin khan zawhfel a ni ta a, lehkhabu an neihte bakah stationery te man tlawm tak taka hralh a ni a, a tawp ni thleng hian dawrtu an thahnem hle a ni.

Sporting Club thu

Vengthlang Sporting Club logo design a la thehluh theih zel a, Secy Tv.Anty-a hnenah emaw an Pre. Pu Thleka hnenah thehluh theih a ni, pakhatna chuan Rs.500 an dawng dawn a, lawmman hi an President Pu Thlekan a tumsak dawn a ni. Vengthlang SC Financial Report: 1. I/Day Volleyball Trophy: ah refreshment atan Rs.370 hman a ni. 2. Veng chhung mipuite hnena hriattirna lehkha semchhuah senso atan DK Enterprise ah Rs.480 hman a ni a, tin, JC Xerox ah Rs.1000 senga chhuttir a ni. 3. Volleyball 2 leina atan Rs.1900 hman ani. HDFC Bank in SC hi Jersey in an sponsor dawn a, Jersey ah hian HDFC logo leh Vengthlang SC logo tarlan tum a ni a, players leh a duh duh tan jersey hi design theih a ni. Kan jersey design te hi karleh Inrinni hma ngeiin President Pu Lalthlekchuailova hnenah emaw Secy KC Zohmahruaia hneana thehluh tur a ni.

khan YMA Runah Branch Executive Committee neih a ni a.He committee-ah hian member an kal tha thawkhat hle a. He committee-a thurel kan hriat awm deuh deuhte chu : 1. YMA Bungrua hmandan tur chungchang : YMA in Tea Urn pathum kan neihte hi vengchhung chhiatni / thatni a kan hman bak chu veng dangah hawhchhuah tir phal loh nise an ti a. Tin, vengchhunga chhiat that baka hmang duh an awm a nih chuan pakhatah Rs 50 zel hawh man lak nise an ti. Tin, YMA Combo (Ampli-speaker) erawh chu chhiatni thatni a kan hman bak hawh chhuahtir loh nise an ti. 2. Thil man to zel avangin Chhiatni / Thatni Fund indaih lohna a nsa hle a. Hei vang hian vengchhunga chhungtin hnenah Rs 50 zel Chhiatni Thatni fund khawn nise an ti. 3. UD & PA atanga ngenna lo lut, Faina Hapta bawhzui tura ngenna chu ngaihtuah a ni a. He Faina Hapta , Dt 2nd - 7th Oct.2011 hman tur denchhenin Faina kawnga hma lak dan tur a rel a. Branch hnatlang a tul anga neih bakah Section inelna siam nise, Section Fai Lawmman pek nise an ti. 4. DM Hospital atanga ruang a awmin hospital atanga ruak lak chungchanga a hma lama kan lo kalphung pangai ; Vengchhung a miten ruang an laka, ruang latuten Chhiatni/Thatni Fund an pek chuan YMA Kuang an hmang thei ang tih chu hman chhunzawm zel nise an ti. 5. Champhai Sub-Headquarter YMA Kumpuan Sub Committee-in Branch tin hnenah Kumpuan hmalakna chi khat atana an huamchhung zirna in hrang hranga Awareness Campaign nei tura ngenna an siam angin kan Branch pawhin bawhzui ngei tha an ti a.A tul anga hma lo la turin Branch OB te an ruat nghal bawk a ni. Kan Branch huamchhungah hian School 11 lai a awm a hriat a ni.
Champhai District chhungah Job Card dik lo enfiah mek Census atanga a lan dan leh Job card awmzat inmil lo avanga Job Card enfiah hna chu thawh zawh thawkhat tawh a ni a. Champhai District pumpuiah khaw 8 vel chauh zawhfel loh a ni a. Job card dik lo an hmuh chhuah tawh zat chu 285 niin hengte hi paih nghal vek an ni. Job card dik lo hi VC ten TA/DA an neih ngai loh avanga DC leh official dangte an dawr huna an kal man atana an hman thin tam tak a awm nia hriat a ni a. Hemi tireh tur hian Pu CL Ruala, MP Lok Sabha hmalaknain VC te chuan an zinna senso an hmu ve thei tawh dawn niin thu kan dawng. TA an neih avang hian job card dik lo hi a tlem phah ang em?\

Thisen hlu pe Dt 21.9.2011 zan khan Pu Lalroenga, N Sec chu thisen unit 4 pek a ni a. Kan vengchhung atangin Pu Lalnunmawia (K.Sec), Pu Lalmalsawma (K Sec), Tv PC Lalngaihtuahkima (V Sec) leh Tv JH Lalramnghaka (K Sec) te chuan thisen an pe. Zin bo Kan Branch Treasurer Pu C Laltanpuia chu Mizoram Sports Department hnuaiah Scout Master training-in Tanhril ah a cham mek a. Karleh lamah chuan Zokhawpui leilung a rawn rah leh hman beisei a ni. Ui tang! Tunlai hian khawlaiah ran, a bik takin Ui an tam leh ta hle mai a. Ran neitute hian kan rante hi mite tan hnawksak an ni thei tih hriain khuahkhirh hram hram i tum ang u. A bik takin Ui phei chu tam tak tak chuan hlauhawm an ni thei tih hriain khawlaiah an mahni mai chuan chhuah lo hram turin kan inngen a ni. Faina Hapta denchhenin chhungtinin mahni in leh a vel vawngfai theuh bawk turin kan inngen a ni e. Inzawrh loh tur Ramdang / Hnam dang thil zuara vengchhung in hrang hranga lut kual thinte hi Sub Headuarter YMA Rorel Inkhawm 2011 khan a lo ngaihtuah tawh a. Hetianga thil zawrh kual hi tha inchhung leh keimahni himna ngaihtuahin a ti lova, chuvangin Vengthlang huamchhunga chhungtinte hetianga inzuar kual thinte lo hnar thin turin kan inngen a.

Kristian nundan tha ngaihsan

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH HRUAITUTE President : C. Hrangmanthanga 9856725033 Vice President : F. Lalrinmuana 9856793450 Secretary : C. Lalthanpuia 9862657366 Asst.Secretary : H. Lalthanmawia 9862936734 Treasurer : C. Laltanpuia 9615021656 Fin. Secretary : H. Laltharrenga 9856782358

YMA SEMTUTE Vanapa Section : Vanlalruata, Zosangliana, Lalbiakthana,

Lianthangpuia, Saidingliana, PC Lalrammawia, Vanlalchhuanga,Vanlalduhsaki. Lalawmpuia, Lalrinngheta. Neuva Section :Lalmalsawma, Sumeon Zoherliana, Vanlalchhandama, C. Lalrinthianghlima

BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21

Cancer laka inven dan

Mithiamte chuan Cancer zawng zawng za zela 80 hi inven theih a ni an ti mauh mai! Chuvanga cancer vanga thihna hial lo awm hi za zela 30 vel bawk hi kan ei lehbar atanga lo awm a ni an ti bawk. Zawm harsat leh harsat loh chu thu hran nise, Cancer laka inven theih dan 10 hi han chhiar ve reng reng teh. 1. Mei zu suh: Chuap, hrawk, ka chhung, chawkawng leh pumpui Cancer hi a chhan bulpui ber pakhat chu meizuk vang a ni. Ni tin meizial 20 zu thin te hian a zu ve lo aiin a let 20 chuangin an vei sam zawk an ti a ni. 2. Zu in suh: Zu hi pumpui, chaw kawng leh ka chhung Cancer thlentu bulpui ber pakhat a ni a, meizu bawk, zu in bawkah hian hrawk Cancer nasa takin a tam phah. 3. Thau lutuk suh: Rilpui leh hnute Cancer hi mi pangngai aiin thau lampangin an vei tam zawk tih hmuhchhuah a ni. I thau lutuk loh nan ei leh in insum la, exercise la thin rawh. 4. Sa ei tam suh: Sa thau ei tam hi rilpui leh hnute Cancer thlen thei a ngaih a ni, a Prove (belchian) na a la awm lo. 5. Nisa lakah inveng tha rawh: Ni zunga UV-rays awm hian vun Cancer a thlen thei. 6. Eizawnna hmunah fimkhur rawh: Entirnan, pheikhawk siamna hmuna thawk te hian phing (bladder) Cancer an vei duh bik tih hriat a ni a,chutiang bawkin rannung thahna hlo siamna emaw a hmanna hmuna thawk te hian vunleh chuap Cancer an vei duh bik. 7. Thei leh thlai ei tam rawh: Thei leh thlai ei tam hian Cancer lakah a veng ang che. 8. Hmeichhe tan (cervical smear test): Chhul kawngk (cervix) Cancer hi kan ramah vei an tam em em a, he test hmang hian awlsam te ina la nasat hmain hriat theih a ni. Chuvangin, thla ruk danah emaw regular takatih thin chuan tihdam theih a la nih laiin an hmuhchhuahsak ngei ang che.Tin, I hnuteah bawk a awm leh awm loh thlatin in en thin rawh. I hriselna kar hnih aia rei pangngai lova i inhriat chuan Doctor in entir ang che.Tihdamaiin inven a tha zawk tih leh Hmangaihna in vengte a tikhawlo ngai lo ang hian,fimkhurna in taksa a tikhawlo ngai lovang tih i hre thar leh ang u. NIGHT BLINDNESS- VITAMIN A tlakchham Natna lanchhuah dan tlangpui : Tlailam emaw, khawthimhnuah emaw, eng tha lovah mit a lo thim zual a, naupang chu khawhmuh fiahlo emaw, hmutheilo emaw in a awm thin. Naupang chuan eng tha lovah emaw, thimhnuah emaw khua a hmu fiah thei thinlo a ni. A enkawl dan : Vitamin A solution 2 Ml. eitir tur a ni a, thlakhat hnu ah pek nawn leh tur a ni. Chaw, Vitamin A tlemna ei chuan Vitamin A tlakchham natna a thlen thei. Heng thlaihnah hringte, maite, thingfanghma te, car\\ rot ah te hian Vitamin A a tam a. Ei thin tur

AK-47

J Lam lo thei ka ni lo, mi tirtu

Bung thar kaina Hnathawh tur hi a tam tehreng nen hian hna hmu lo hi kan tam ta ngawt mai, zir sang tak tak pawh kan chuang ta rum mai hi engnge a chhan ni ta ang le? Primary sikul atangin a kip a kawiin a awmzia hrehauh lovin kan thiam fai vek a, pawl a sang chho zel a, chu chu than hnan zelin Graduate kan kai thlengin by heart chuan kan kal a, zirtirtute note siam bak kan hre meuh thin lova. Zirlaibu chhung pum hra phei hi chu kan vang viau ang. Exam tur ngawr ngawrin kan inbuatsaih a, kan hnathawhna atana tangkai tura thiamna tak tak lam kan ngaihtuah pha meuh lova, result tha tak, exam certificate ah pawh mark sang tak tak hmu chung si hian thiamna dik tak, zirnain min kawhhmuh a tum paw chhuak si lo kan tam avang hian hna hmu lo hi kan tam phah ta niin a lang. Zirlaibu mai bakah hian kan khaw hawi hi a pawimawh ber lai a la ni cheu bawk. Lekhathiam inti tam tak zingah hian kan tualchhung chanchinbu phek hma lam chhiar chhuak vek thin hi chu kan tam lo hle ang tih a rinawm. Ni e, a hnial hrat tawk vel lekin thiamna kan paw chhuak a, han chhawr dawn tak taka chhawrbawkna tur awm si lo thiamna kan neih thin avang leh hna thawh tur duhtui ve tingtang khawpa zir sang kan nih fur avang hian hnathawh tur tam tak awm mah se kan indaih lo a ni. Hemi kawngah hian zirna kan tihdanglam a ngai a, zirlaite pawh kan insiamrem a tul ta.

(ka nupui) duhzawng tih hi ka chaw tui ber a ni. Pu Sangtea, Jt.Editor JKa mission kal lai mek hi engemaw avanga a fail ka remti lo... VL-a, EK-47 em??? JChantawka lungawi hi ka tihtur a lo ni Vl-a, Zoawi cosmetic JSawirem lampang chu ka thiam lo, sawi bam lamah chuan min rawn pun rawh u, darkar 3 chhungin a ni mai... Mama, News Ed

Keimahni
Hard disk a chhiat avangin kan chhut sa zawng zawng a bo a, chuvang chuan tun tum chu phek 2 in kan han tichhuak thei lova, veng chhung hriatthiamna kan ngen e.

Cotton var hi Soda nen a, tui soa chhum hian a tivar zual. Puan i suk a, ruah a sur si a phona rem chang a awm loh chuan, chhuatah lehkha phah la, chumi chungah chuan thawmhnaw huh chu pharh la. Fan chhemtir mai rawh. Thawmhnawa thisen kai chu, chi tuiah engemaw chen chiah a sukfai theih a ni. Aieng leh mawm thawmhnawa kai hi Toothpaste hnawih la, suk hmain darkar hnih vel chiah rawh. Thir tuiek thawmhnaw a kai chu ser tui emaw, dawi hnawih a, nisaah rei tak phoin tui sain a sukfai theih. Puan i nawhin, i tih huhna tur tui kha tui vawt aiin tui lum hmang zawk ang che. Thing furniture a mawm a kai chuan spirit in a hruk fai theih. Thing furniture ah rawng a kai palh chuan Vinegar leh tuilum a nawh fai theih a ni.

Hunawl hman that