Manang Biday
Manang Biday, ilukatmo man
Ta bintana ikalumbabam
Ta kitaem ‘toy kinayawan
Ay, matayakon no dinak kaasian
Siasinno ka nga aglabaslabas
'toy hardin ko umuk ni ayat
Amwem ngarud a balasangak
Sabong ni lirio, di pay nagukrad
Denggem, ading, ta bilinenka
Ta inkanto Idiay Laguna
Ta ingkanto't agala't mangga
lansones pay,ken adu a kita
No nangato, dimo sukdalen
No nababa, dimo gaw-aten
No naregreg, dimo piduten
Ngem labaslabasamto pay laeng
Daytoy paniok no maregregko
Ti makapidut isublinanto
Ta nagmarka iti naganko
Ken nagborda pay ti sinan puso
Alaem dayta kutsilyo
Ta abriem ‘toy barukongko
Ta Tapnon maipapasmo dayta guram
ken sentimiento
No nangato, dimo sukdalen
No nababa, dimo gaw-aten
No naregreg, dimo piduten
Ngem labaslabasamto pay laeng
Daytoy paniok no maregregko
Ti makapidut isublinanto
Ta nagmarka iti naganko
Ken nagborda pay ti sinan puso
Alaem dayta kutsilyo
Ta abriem ‘toy barukongko
Ta Tapnon maipapasmo dayta guram
ken sentimiento
Ta Tapnon maipapasmo dayta guram
ken sentimiento
Pamulinawen
Pamulinawen, pusok indengam man
Toy umas-asug agrayod'ta sadiam.
Panunotem man inka pagintutulngan
Toy agayat, agukkoy dita sadiam.
Essem nga diak malipatan ta nasudi unay a nagan,
Uray sadin ti ayan, lugar sadino man,
Aw-awagan di agsarday, ta naganmo kasam-itan.
No malagipka, pusok ti mabang-aran.
Adu a sabsabong, narway a rosrosas
Ti adda't ditoy a di nga mabuybuya,
Ngem awan man laeng ti pakaliwliwaan
No di dayta sudim ken kapintas.
Aywen, biagko, indengam man.
Iyasasokko nga inaldaw
Ta diak to a kayat ti sabali nga imnas
Sika laeng, o, biagko, ita ken uray tanemman
No malagipka, pusok ti mabang-aran.
Dakay nga ububbing, didakam' tultuladen
Ta dakkel kamin nga agiinnarem
Ta ituloyyo ta panagadalyo
Tapno inkay magun-od kakaligumanyo
Essem nga diak malipatan, ta nasudi unay a nagan,
Uray sadin ti ayan, lugar sadino man,
Aw-awagan di agsarday ta naganmo kasam-itan.
No malagipka, pusok ti mabang-aran.
Bannatiran Lyrics - Ilocano Songs
Bannatiran, ta dutdotmo't kalilibnosan
Ta panggepmo dika patuluyan
Suminakan sadino aya't papanam?
Sadino, bannatiran, ania nga kayo ti inka pagdissuan?
Daydiay kayo nga agsabong ken ayat
panawam man,
Ay babawyem ton kamaudianan
No ni liday ti matumpungan
Ania nga sabong ti kayatmo bannatiran,
Ta uray awan pilit nga inka isapulan.
Ta sika ti sarming nga paganninawan
Iti raniag da init ken bulan.
More Songs on: Bannatiran Lyrics - Ilocano Songs http://filipino-folk-songs.blogspot.com/2012/02/bannatiran-
lyrics-ilocano-songs.html#ixzz5UfBj3pHfv
IGID DIAY BAYBAY
Uploaded by @Lengki
Idi tiempo ti igaaw
Ken rabii a nalinna-aw
Intan to a dua a kas natarnaw
Agkanta igid diay baybay
Iti nalaus a gagarko
Nu dumteng kastoy a tiempo
Agtugaw kan to ditoy takiagko
Diay baybay ket matmatam to
Sadiay anian a ragsak
Sadiay awan ti rigat
Sadiay makalinglingay
Diay baybay ket nalinak
-INTERMISSION-
Ket intan to ikankanta
Ti nalaus nga ayan-ayatta
Danggayan tanto a kas gitara
Diay aweng ti danum a bumaba
Sadiay anian a ragsak
Sadiay awan ti rigat
Sadiay makalinglingay
Diay baybay ket nalinak
Sadiay anian a ragsak
Sadiay awan ti rigat
Sadiay makalinglingay
Diay baybay ket nalinak
Dungdungwen kanto (Duayya ni Ayat)
I Will Love & Cherish You (Lullaby of Love)
Wedding Song
Wedding Song
(Ilocano)
(English)
Dungdungwen kanto unay unay,
Indayonen kanto iti sinamay
Tultuloden kanto't naalumanay
Pagammuanen inka mailibay
Koro:
Annay, pusok, annay annay
Nasaem, naut-ut la unay.
Itdem kaniak ta pannaranay
Ta kaasiak a maidasay.
Apaman nga inkanto makaturog
Iyabbongkonto ta rupam daytoy paniok.
Tapnon dinakanto kagaten ti lamok
Ken maimasmonto't maturog.
Apaman nga inkanto makariing
Dagdagusen kanto a sappuyoten
Nga ililili kas maysa nga ubing
Ta nanamem sam-it ni issem.
O Naraniag a Bulan
O naraniag a bulan
Un-unnoyko indengam
Dayta naslag a silawmo
Dika kad ipaidam
O naraniag a bulan
Sangsangitko indengam
Toy nasipnget a lubongko
Inka kad silawan
Tapno diak mayyaw-awan
No inka nanglipaten
Karim kaniak nagibusen
Samsam-itek ni patay
O bulan ket aklunem
Find more lyrics at ※ Mojim.com
Nanglaylay ti ayatko
Inka kadin palasbangen
Un-unnoyko, darasem nga ikeddeng
No inka nanglipaten
Karim kaniak naumagen
Samsam-itek ni patay
O bulan ket aklunem
Nanglaylay ti ayatko
Inka kadin palasbangen
Un-unnoyko, darasem nga ikeddeng
Un-unnoyko, darasem nga ikeddeng
