MHENENGURO NOTES (revised)

(ONGORORO NEYEMURO)

Mhenenguro izwi rinobva pamudzi wokuti (-penengur-) kubva pachiito chokuti

kupenengura, zvichireva kupepeta, kunzvera, kuongorora, kusefa kana kudonongodza
nyaya ,mutambo kana nhetembo

Kupenengura uchinyurura pfungwa huru uye zvidavado avakashandiswa nemunyori, nyanduri

kana vatambi

Chakakosha pakupindura mhenenguro kugona kutsanangura zviri kuitika munyaya uye

kunyurura zvidavado kana nzira dzakashandiswa.

KUNYORA MHENENGURO
(a) Nhanganyaya- Tanga nekunyora pfungwa huru dzese dziri mudetembo, nyaya kana
mutambo ,uchiratidza panobuda pfungwa yega yega yawadoma

(b) Tsvaga zvidavado kana nzira dzakashandiswa nemunyori , nyanduri kana vatambi uye
unofanira kuita zvinhu zvitatu pachidavado chega chega zvinoti:

1) kudoma zita rechidavado sekuti, Munyori akashandisa nyaudzosingwi

2) Kupa muenzaniso wechidavado ichochi kubva mundima sokuti ‘’---simu’’

3) Kutaura basa rechidavado maringe nezviri kuitika munyaya kana zvambotaurwa

panhanganyaya sokuti kujekesa -----.

Ipa muenzaniso uzere uye nezvimiso sekupiwa kwazvakaitwa munyaya

Isa mienzaniso mukati menyora idzi ‘’........’’, kana kunyora uchipinda mukati kubva
kumajini

Chidavado chimwe ngachinyorwe kamwe chete, usadzokorore mhando yechidavado.

ZVINODA KUNGWARIRWA

Ziva zita rechidavado chauri kureva chairo usaita zvekufungidzira

Fananidzo inoda kunyorwa zvizere kwete kutangira pakati sokuti’’anofamba sebhiza’’ kwete
‘’...sebhiza’’

Kana wanyora chikuwo kana mubvunzonhando usakanganwa kuisa zvimiso zvacho nekuti
unorasikirwa nezvibodzwa.
ONGORORA ZVINOTEVERA

Pfungwa dzemunyori/ nyanduri dzakamira papi?

Chii chiri kuda kuoneswa nemunyori/nyanduri?

Chinangwa chemunyori/nyanduri ndechei?

Munyori/nyanduri anonzwa sei nezvaari kurondedzera?

Musambo wacho ndoupi sokuti kuraya, mhiramidzimu ndyaringo,chipfimbano here?

Zvidavado zvakashandiswamo ndezvipi?

Nzira/zvidavado/mutauro
Fananidzo (sa-, se-, so-, kunge/sokunge)

Enzaniso (inoshandisa i.. ,sokuti mwana uyu ishumba

Tsumo

Madimikira

Nyaudzosingwi

Nhamatidzwa sokuti (-wo,-ka,-zve,-su,eg ndiregererewozve)

Mhesano yemazwi/ mhidigori sokuti ‘’ wangu mwana’’

Nhauriramumoyo/fungiramumoyo/pangiramumoyo

Nhemeramuvhu(kutuka nenzira yakavanda)

Mutauro wechimanjemanje /chizvinozvin(slang)

Kushandisa zvipande zvemutauro sokuti zvivakashure zvekushora

Nhapamazwi-kushandisa mazwi chaiwo akataurwa nemunhu

Zitadunhurirwa- izita rinopiwa munhu nekuda kwezvaanoita uye rinotanga nevara guru
sekuti, Jemedza

Zitaumbiridzwa-izita rakaunbwa nezvivakiso zvakawanda, rinotanga nevara diki sekuti,

chirambakusakara

Chikuwo- kutaura uchishevedzera kana kukatyamara sokuti ‘’maiwee!’’

Pfekedzaunhu – kutora chinhu chisiri munhu uchichiita semunhu sekuti ,“ Rufu rukati uya
titambe “

Pfekedzaumhuka-kutora chinhu chisiri mhuka semhuka sekuti, “ Mudzidzisi aikuma

muchidzidzo”

Mhesano yepfungwa sk “ Zvarwei nhasi mangwana fei “

Mubvunzosiri/mubvunzonhando (mubvunzo usingadi mhinduro)

Mutauro wekuvhundutsira /wekukudza / wekuteterera/

wekushora/wekupika/wemhiramudzimu/wekutuka/wekurumbidza

Dzokororo yemazwi ,yemusoro kana yechirevo

Nhendeshure

Nhongoreramberi (kutaura zvichaitika kumberi)

Gudziramukanwa (kuwedzerera)

Mutauro weChirungu

Mazwi eChirungu

Mazwi ekutuka sk ” pfutseki, zibenzi”

Mutauro wekudimikira

Mazwi ekurumbidza

Hochekoche –yekumuvambo emutsara

-yekumagumo e mutsara

-yemhesano

-yepakati pemutsara

Hokamuteereri(kuita zvinoita kuti unzwikwe newauri kutaura naye sk kudaidza zita rake)

Hwevazwi sk , maiwe-e

Hwevavara sk i-i-i-

Nhimburirwa

Nzvenzvero yeBhaibheri (kushandisa muenzaniso wemubhaibheri)

Monyororo yemazwi sk “ Pwipwidzo for Chitsidzo “

Nhauraneasipo(kutaura neasipo senhetembo dzemhiramudzimu)

ZVIDAVADO ZVEKUITA
Kuseka, kuombera, kupfugama, kuzunza musoro, kuridza tsamwa, kukotsira, kunyarara
nezvimwe zvakasiyana siyana

BASA REZVIDAVADO

Zvidavado zvinosimbisa

Dzokororo dzose

nhevedzano dzose

hochekohe dzose
mhesano dzose

nhamatidzwa

chikuwo

Gudziramukanwa

Zvidavado zvinojekesa

Zvimwe zvidavado zvese kunze kwezvadomwa zvinojekesa kana kuratidza

ZVIMWE ZVAKAKOSHA PAMHENENGURO

Usapedza nguva uchitsanangura zvinoreva chidavado

Ziva kuti mubvunzo unoda nzira dzevatambi here kana munyori

Mubvunzo unoda mutauro nemaitiro unoda kuti munyori atarise maitiro pamwe nemutauro
wakashandiswa.

Kunyange mubvunzo ukabvunza kuti kuti nzira kana zvidavado zvakashandiswa zvinopindirana
here? Iwe usapindura uchiti hazvipindirane kana kuti zvinopindirana chingonangana nezviri
pamubvunzo chete.

MIENZANISO YEMIBVUNZO
1) Nyanduri akashandisa zvidavado zvipi kubudisa matambudziko ake pachena? Mhinduro
apa ngaiburitse matambudziko acho angave erufu, nzara, kushaya basa,urwere.
Unotofanira kuburitsa matambudziko acho munhanganyaya yako.

2) Nyanduri akashandisa zvidavado zvipi kuburitsa zviri kumunetsa?

Mhinduro yako ngaiburitse zvinetso zvacho pachena sekuti kudyiwa

moyo,kushungurudwa,kurwadzikana,kugumbuka, kubatikana. Nyatsoziva Mutsauko uripo
pakati pemazwi aya nekuti izwi ranyanduri rinonyatsojekesa kuti chii chiri kumunetsa

Mazwi okuti nzira, mutauro, zvidavado anoreva zvakafanana

Dzimwewo nhetembo dzinogona kuda zvidavado zvemaitiro sekuombera, kuseka, kukakamira,

kuchema asi kashoma, maitiro anowanikwa munyaya ka mumutambo

3) Nyora ongororo yechitambo ichi uchitsanangura mabudisirwo eunhu hwevatambi

varimo(2021)

4) Vanhu vari mundima vari kunetsana nenyaya yei? Ratidza kuenderana kuri kuita zvidavado
zvakashandiswa nemunyori nemafungiro avo (2021)

5) Nyanduri akashandisa nzira dzipi kuburitsazviri kutsi kwemwoyo wake uye dzakabatsira
zvakadini kujekesa manzwiro ake pamusoro pemagamba akafira muhondo